مهاوى حبيبتى كلنا عارفين هالنوعيه من الناس وجالسين نشوفها في السوق او المستشفى او بعض المناسبات والله انا اموت بالاطفال بس بعد ماحب الاطفال اللى يناقزون حول العالم تقل شياطين بالله جبتيهم الزواج وش اللى بيستفيدون من الزواج ما غير ماياخذون الا دعا العالم عليهم اذا كسر الكاسات او خرب الكوشه يناس عيب عليكم حسو والله جد وتلقين امه ماخذتها سوالف واذا حاكتها الوحده قالت بزر يعنى بالله ناس متكلفين الاف دفعو على شان بزرك يستانس والا الزواج يصير حلو ومرتب

صح لسانك

يعني بتنصحي الأخوات يرموا أطفالهم عند الشغالات ولا الجدات والعمات !؟!؟

لا يا عزيزتي الطفل مكانه مع أمه ورجله على رجلها
لكن العيب في عدم التربية وترك الطفل على هواه

الأصل اصطحاب الطفل لكل الأماكن الاجتماعية حتى يتربى صح ويتعلم
لكن يجب ضبطه وتفهيمه من صغره آداب الزيارة
وقبل كل زيارة الأم تكرر وتعيد وتوعد بالهدايا للملتزم بالآداب وغيرها

كلامك عين الصواب

قبل كم يوم كنا نتغدى بمطعم ..والله كنه حضانة أطفال
والعاملين ماغير يركضون وراهم ...
وكل شوي يفتحون الستاير علينا ...والله تضايقت كثير ...وطلعنا على طول

انا رغم اني آخذ ولدي للمطاعم الراقيه بس عودته من وهو صغير يجلس بكرسيه
ويختار وجبته وينتظر معنا وياكل كنه كبير
بالرغم من ان عمره 3 سنوات بس لكن ما يتحرك من كرسيه

كله يرجع لتربية الأم
اذا هي تربت صح أكيد بتربي عيالها صح

موضوعك رائع ,,, وكلامك كله دررر,, وانا فهمت عليكي انك تقصدين بموضوعك الامهات مو الاطفال ,,,,, و ما يرفع ضغطي الا هالنوعيه من الامهات الي بالها انها ديموقراطيه والي تسويه نوع من التربيه الحديثه
وهو يسمى ( برود اعصاب و استهتار بالناس و قله ذوق ) ,,, انا ما اقول لا تاخذون عيالكم ولا تطلعون لكن كل وحده تراقب تصرفات عيالها
اذا لمس شي مو مسموح له او دخل مكان مقفل او اخذ شي مو له ترده وتهاوشه واذا كب شي او وسخ مكان الله لا يهينها تنظفه ,,,,,
لكن بصراحه كل المواقف الي قلتيها و الي اشوفها قدامي تهون عند الي اشوفه في المسجد خصوصا ( الحرم النبوي ) انا لما سكنت المدينه ورحت
اول مره للحرم بصراحه شفت شي يضيق الصدر و يعور القلب ( قمه الاستهتار بالمكان و بالي في المكان وقمه الهمجيه ) طبعا مو الكل لكن و للاسف
الاغلبيه كأنه ملاهي او حفله اطفال مو مسجد لا واي مسجد ,,, ادري فيه مكان مخصص للي معهم اطفال لكن مو معناه اول ما ادخل الحرم
خلاص انساهم ولا ادري وش يسوون ولا اشوفهم الا اذا بغيت امشي وهم ما شاالله اخر بسطه ووناسه ,,, الصلاه في المسجد مو واجب
على الحرمه فليش ما دام عيالي اشقياء و ملاقيف و لاي يسمعون الكلام اخذهم ازعج المصلين وارجع بدعاوي من المسلمين ,,, والا بعضهن
الله يهديهن طفلها صغير وتاخذه معها ولما يبدون المسلمين يصلون خاف وقام يصيح طول الصلاه وهي ولا كانها تسمع ( اتعبت الصغير من الصياح و شوشت
على المصليات وكسبت اثم الضرر الي سببته لناس ولا يقال ان الحرم في صلاه العيد تشوفين العجب العجاب
,,,,, معليش اعذريني لكن من جد فيني حره من زمان على هالنوعيه من الامهات ودايم لما اطلع من الحرم مرتفع ضغطي ودمي يفور بعروقي من القهر على المكان
الطاهر والي يسوون فيه ,,,,,,, وبالتوفيق