يا الغلا

البلا مب في طلعة الاطفال

البلا في تصرف الام وردة فعلها

والله اذا بارده وفاهية ,,,, عيالها ما ينشره عليهم

واذا هي وراهم وراهم وتعرف الصح من الخطا ,,,,, الله يحيي عيالها وين ما كان الا الزواجااااااات ,,,,,, انا ضد جيبتهم تماما


اما السوق
او المطعم
او المشغل

ما اشوف فيها شي اذا الام سنعة وتعرف الادب

وسالفة المطعم والبيبي اللي وااااااااواااااااااا
وش بيد الام ,,,,
طفلها توه بالشهور 2 او 3 شهور,,,,, والام فرحانه بالطلعة بعد النفاس
هي نفسها واصلة حدها ومقهورة ,,,,

تبونها تنحرم من المطاعم عشان يمكن يبكي ويمكن لا
الا احسب حساب واخذ اي شي يساعدني على تسكيت الطفل

والا من اول بيبي اجيبه ماعاد اروح الا للوجبات السريعة !!!!!!!!
والا اتوثم فيه وانطله عند خدامة ,,, مدري وش تسوي من وراي !!!!!
والا ازعج امي واضايقها بولدي عشان انبسط مع زوجي !!!!!!


الا دربه دربي ,,,,
بس
اخذ احتياطي للادب ,,, والهدوء ,,, واحترام الاخرين

الرسالة الأصلية كتبت بواسطة @حره على كف صقار@ »
لي وجه نــــــــــظر يالــــــــــــــغلا ..

وراح أبـــــــــــــدا من حيث بدأتي ..


**********************

من ناحية الزيارات الاسريــــــــــه ..صعب يالغلا اني اعزم الناس واقول لاتجيبون عيالكم ...او انا اقاطع النـــــــاس علشـــــــــان عيالي ..!!!

يعني حمولتي واهلي والجيــــــــــــران ..كلهم عندهم اطفال ..فيهم الشقي وفيهم الهادي ..وموكلهم عندهم شغالات ..!!

انا من النوع اللي احب ازور الناس ويزوروني ..ووالله عمري ماحسست ضيوفي اني مضايقه من اطفالهم على قد مافيهم شقــــــــــاوه ..وحركات ترفع الضغط

وانا من النوع اللي اخذاطفالي معي في الزيارات للناس اللي عندهم اطفال مثلي ..ماعندي شغاله وهم صغار ولا يتيسر لي اخليهم عند احد ..

يعني الموضوع عندي فري ...

لكن اللي موفري اني اخليهم يحوسون ويلعبون ويخربون وان متكيه افصفص ..>>>>>ترفع لي ام الضغط هذي الحركه ..

انا ام وجربت حركات الاطفال وشقاوتهم ..واعذر الامهات ..بس اللي مااعذرها فيها يوم تشوف بزرها يوسخ وهي تتفرج ..

الاطفال فيهم فضول ولايعرفون الاتكيت ..ومهما قلتي اولادي مؤدبين لازم تتطلع عليهم حركات ..

انا والله مايهمني الاثاث ولا الوساخه اللي وراهم كلها راح تتنظف وتنتهي ..>>>>بس هامني موقف الام وبروووووودهــــــــــــــا ..وهي ماتحرك ساكن ..

وحده من قريباتي ماشاء الله تبارك والله عمر مااحد تاذى من اطفالها ولامن زيارتها ..>>>>على الرغم ان اطفالها معاها وماهم ملائكه ...بس ماشاء الله عليها ..ماتخليهم يلمسون شيء الا وهي وراهم ..

ان جابو للعبه ..ان اخذوا قطعة حلى ..ان راحو غرفة الالعاب ..واي شيء تحس انهم للعبوا فيه او وسخوه على طول تنظفه ..والله ان الكل يحب جيتها ..ويرتاح لها ..

بصراحه ماقطع الاثاث والتحف بتكون مهمه عندي لو مايزورني احد ..!!!

واي وحده احس انها تتأذى من الاطفال عمري مااخذ اولاي معاي ..

***********************

مسألة قاعة الافراح ..وجنة الاطفال منازلهم ..>>>>>ياكرهي لها عارفه ليه ..

ثلاث ارباع المعازيــــــــــــــم عندهم اطفال ..وين بيودونهم ..>>>>احسها حركه بايخه كأني اقولهم لاتجون ..

طيب و اللي ماعندها شغاله ..ولاعندها احد تحط عيالها عنده ..ماتجي ..!!!!

والله يحز في نفسي ..انا اقدر الاشخـــــــــــــاص ..فرحتي بالعرس من حضور الناس ..اللي يباركون ويهنون ويشاركون ..

ايش ابي فيه عرس فخم وقاعه وطقاقه وكل شيء مرتب ومنسق ... واللي حظروا ينعدون على الاصـــــــــــــــــابع ..!!!!!!

عاداتنا في الافراح نحجز القصر والقاعه اللي نبي ..ونحجز ثنتين ينظمون الاطفال ..لايقربون الكوشه ولا الممر ..ولاالعروس ..

والعيال من فوق خمس سنوات مايدخل ..

اما بقيــــــــــة الحركات اللي يسون الاطفال ..هذا راجع لكل ام وتربيتها ..والفشيله في وجهها ..

وخلــــــــــــــصنا ..


***************************

الاســــــــــــواق ..احيان كثيييييره اضطر اخذهم معي ..

ابغى اقيس عليهم شغلات ..الاسواق الان صايره ملاهي ..من كثر اللعب والشغلات اللي فيها ..

اما الخراب والتكسير ..>>>>هذا صراحه فشله ..الله يعين الام ..وكله بتدفع قيمته ..


****************************** **

المطــــــــــــــاعم ..دايم اخذ اولادي ..>>>ولا ابي اكون مثاليه ..

المسأله كلها راجعه للأدب ..اذا خذيتيهم مكان عام ..انتبهي للحركاتهم ..

لايأذون احد ..ولايكسرون شيء ...لايرمون شيء ..لايكبون شيء ..

أصــــــــــلآ المطاعم اللي فيها اماكن للعب زي مكدونالدز مااحبها ابدآ كلها ازعاج ..

احب اروح اماكن هاديه ..

****************************** *********

اخيـــــــــــــرآ ..واللي تترك عيالها بدعوى للزوم الاتكيت ..وعلشان مايخربون عليها السهره والاالزواج ..ولايفشلونها في الزواج ....واذا احد سالها قالت عند الشغاله ...او قالت عند جدتهم ..ولاهي داريه عنهم ..ارسلتهم مع ابوهم ولاتدري عند مين اصلآ ..

وماترجع الاوقد ناموا ..وفي الاصل اولادها كانو في الشارع ..الى اكثر من منتصف الليـــــــــــــــــل ..!!

لا الشغاله قدرت عليهم ودخلتهم ...!!

ولا ام الزوج قدرت عليهم ..!!

والام لاهيـــــــــــــــــــــه ..بالسهرات والوناسه ..


اتمنى كلامي مايزعل احد ..ووجـــــــــــــة نظرك محل تقديري واحترامي ..

اختلاف وجهات النظر لايفسد للود قضيـــــــــــــــــــه ..

كلام صحيح 100%

بصراحه انا ارتفع ضغطي بزواج اخوي !!
لي شهر من قبل الزواج وانا اصيح ممنوع دخول الأطفال... ياجماعة منعا للإحراج
وبوقاحة وقوة عين يناقشوني طيب ليش وش سبب المنع؟!
بالعكس حرام عليكِ والله يستانسون بالعرس وهم جنة الحياة الدنيا ===> طيب يابنت الحلال
مااختلفنا بس لما يكون عيالك ناس اوادم مثل الخلق مو شياطين على شكل اطفال !

والله لو تجي سوبر ناني عند أطفال عايلتناا لا تستقيل وربي من المهنة من كثر الجنان اللي راح يصير فيها هذا إذا ماطاحت في غيبوبة مدى الحياة!

وبعض الأحيان تقول والله تبين احضر اجيب ولدي لأن بدون الولد موب جايه ==> مع السلامة
مادرينا عنك يا مــارثا!!


لا وازيدك من الشعر بيت مره صيفنا بالشاليهات مع ابوي :arb: وجو بنات عمومتي معنا يتمشون ويتسانسون المهم ماعلينا طبعا هم جو بدون امهم لأنها جلسة بنات...
ياعالم بناااااااااااااااااااااااااااااااات
وجابوا اختهم الصغيره بصراحه انا اول ماشفتها تنزل من السيارة انصدمت قلت معقول ! :eek:
قلت يالله عاد لا تخربينها على البنات في النهاية حنا جايين نستانس :)
وجينا نطلع السقالة ورب البيت يابنات وحنا في الطريق رايحين للسقالة بأعلى صوتها وهي صوتها خشن يعني مو على سنها ماشاء الله رمت نفسها على الأرض تصارخ ابي مامـــــــــــــــــــــــــــــــــــــــا
مـــــــــامــــــــــــــــا :06:
والله لدرجة انو كل اللي بالكبائن نفسها واللي على السقالة صاروا يطالعون فينا تخيلوا الظاهر يظنونا خاطفينها ولا شيء !
وأخــتها الكبيره بكل برود طيب اشتري لك ايسكريم !
شوفي السمكة حلوه !
والله يابنات انا خلااااااااااااااااااااااااااااااااص صرت مثل افلام كرتون وجهي احمــر:angry2:
ويطلع بخار من آذاني واصــلا انا بطبعي مو صبوره !
وفوق هذا كله قامت البنت الصغيره وصكت أختها الكبيره ((( اللي بالجامعة )) كـــــــــف
فهمتوا كـــــــــــــــــــــــــــــــــــــف ، سطار ، ..... الخ
وانا بهالحظة كنت افكر بخيارين :
1- يا افصخ الكعب وارنها فيه الين ماتعرف ربها زين .:30:
2- او ارميها بالمويه واغرقها في البحر .:07:
بس قلت يابنت هدي اعصابك اكيد اختها راح تسوي شيء بعدالكف ،، كف هذا مو لعبة
قامت بكل بروووووووووووووووووودة أعصاب تقول
اه عورتيني كذا تبين ازعل منك ..:08:
والله يابنات بغى يغمى علي من اللي سمعته !
اخرتها مشيت وخليتها والله مشيت رجعت الشاليه بروحي ولا انتظرت احد حسيت انو خلاص مااقدر اتحمل !
وبعدين بالليل يوم قاعدين نسولف جيت قلت : ما تزعلين مني بس اختك مدلعة
والله يابنات انا قلت كذا : قامت القيامة من هنا
عاد خواتها الكبار ماشاء الله كثير وحدة تسكت الثاني تبدأ ويالله :angry2::mad2:
مدلــــــــــــــــــــــــــــــــعة
إيــــــــــــــــــــــــــــــــــــــــــــش
حرام عليك
أختي مسكينة
وطيووووووووووووووبه وماادري ايش وشايفينها ملاك
عاد انا قلت: يابنات مااقصد شيء بس مجرد رأي بس انا الى الآن عند رأي
وزعلوا ذاك اليوم واتصلوا على اخوهم والله كبروا السالفة بس انا في نظري ماغلطت وربي انتم ماتعرفونها ولا كان حكمتم
وانا طبعا مااتطنز على بنتهم لا البلى مو منها البلى من اللي عودها عليه
طلباتها أوامر
مجرد ماتصرخ كل شي عندها
هي صح والباقي غلط
اياكم تقولون لها لا ولا راح تشوفون شيء مايسركم
وأخيـــرا لكل إمــرآة تملك طفل أو طفلة ارجوكم دلعوهم على كيفكم بالبيت بس الله يخيلكم يلزمون حدهم عند بيوت الناس

لافض فوك
تسلمين
ياليت كل اللي عندها اطفال من هالنوع تجي تسمع

بصراحة اشوفها قمة السخافة انك علشان تستانسين وعيالك ينبسطون تخربين فرح الناس اللي قعدوا حول الشهر وزود يرتبونه وينظمونه)))).
احنا هالاشياء بدت تخف عدنا من قاموا يحطون امن نساء عند مداخل القاعه