كيف حال حبيباتي الحلوين
يارب تكونوا كلكوا في احسن حال يارب
طيب
الموضوع ومن غير رغي عارفة انكوا مشغولين ومش فاضين لرغيي مع اني بحب اتكلم معاكوا كتير
بس احنا بنراعي الظروف برده
هو
من غير مطرووووووووووود لو سمحتم
كل طالبة امتحانتها قربت مع السلامة يا استاذة
والقلب داعيلك
عايزين ندعي لحبيباتنا الغاليات الطالبات اللي عندهم امتحان خلاص بعد اسبوع او اسبوعين او ثلاثة
عشان ميكنش لهم حجة بعد كدة في انهم ميجبوش
الامتياز
والـ 100%
والدرجات النهائية في كله
مليش دعوة مش هتنازل عن كدة وإلاكل المنتدى هيشوف شغله معاكوا .....
_ انا كنت هعمل الموضوع في المنتدى العام بس قلت خليه هنا عشان اضرب الناس اللي مبتذاكرش كويس _
عايزين مذاكرة من نااااااااااااااار
عايزة الكتب ملاقيهاش من المذاكرة
تكونوا بلعتوها كلها بس مش الورق لا اللي جوا الورق يا ناصحة انتي وهي وهي .
واهم شيء المذاكرة تكون بنية :
نصرة الدين
التفوق علي أعداء الإسلام اللي تفوقوا علينا _ بقولها وانا حزينة _ في كل حاجة .
ودلوقت بقي من غير مطرووووووووود من هنا
كله ع كتابه ومذاكرته
مش عايزة الاقي اي طالبة هنا في المنتدي إلا مثلا لو هتدخل ثانية وتمشي ,
_ ثانية مش 4 ساعات _
بس تخلي المنتدي لها كمكافأة لها بعد إنجاز كم كبير من المذاكرة ... ماشي !
ونبطل نوم كتير
هم 4 \5 ساعات نوم كفاية في ايام الامتحانات ,
وكلوا مكسرات كتير
وفاكهة
وخضروات
وسوائل
وومحدش يشرب شاي وقهوة كتير والحاجات دي
لا غلط علينا كبنات يا جماعة
وعلي فكرة لو كنتوا معتقدين انها بتبعد النوم وبتسهر
يبقي لا يا عثلية انتي وهي
اصل انتوا متعرفوش
إن الحج نوم لما بيحضر اوووووعي وشك ولا المدفع هيوقفه ,
فانتي تعملي ايه بقي ؟؟؟؟
صلوا علي النبي
عليه الصلاة والسلام
انا الصراحة كنت بعمل حاجة وكانت بتخليه ينشكح عني بفضل الله ,
وهي : اني بنام علي المكتب ولو 10 دقايق او ربع ساعة
وكنت بصحي لوحدي من التوتر
او ماما تيجي تتخض مني تحسبني مُت علي الكتاب فانا بصحي مخضوضة من خضتها .
المهم اني بنام وقت قليل وبرجع للمذاكرة وبشكل أفضل لان الطريقة دي بتحسس مخي انه نام فعلا واستريح
_ بس اوعي تقربي
للسرير حذاااااااااري منه دا , دا عدو المذاكرة بالذات في الشتا والبطانية بقي والدفي واوعي وشك تحت البطانية واحلام سعيدة وسلام يا نجاح لالالالالالا خلوا بالكوا من عدو المذاكرة دا
_ ذاكروا كويس بقي
وارفعوا راسنا
وفرحوا ابائكوا وامهاتكوا
وتخيلي كدة وانتي جايبة النتيجة وفيها امتياز وبشرتي ماما وبابا تخيلي فرحتهم ودموع الفرحة هتبقي ازاي ؟!
ليه مش تسعديهم زي ما هم معيشينك ف احلي عيشة وكبروكي وصرفكوا عليكي وحبوكي فردي لهم ولو اقل القليل وهو نجاح بتفوق ..
وربنا يوفقكوا
وهتوحشوني يا غالين
وندعي للاخوات بالاسم وربنا ينشط ذاكرتي وافتكر كويس :
احم احم الذاكرة خانتني
امممممممممم
سامحوني مش فاكرة للاسف
حاولوا غششوني
ويلا ندعي لكل الطلبة والطالبات بالتفوق والتميز
كل اللي تدخل تدعي لهم
هذه هي ضريبة الدخول
ربنا ينجح كل الطلبة ويوفقهم يااااااارب
ودعواتكم لي
وسامحوني علي الإطالة
والسلام عليكم ورحمة الله وبركاته
"
"
"
"
"
"
"
"
"
"
"
"
"
"
"
"
"
"
"
وعلى فكرة يابنات أنا نقلت الموضوع علشانكم لإنه فعلا الكلام بيعبر عن اللي داخلي متخيبوناش عايزين نفتخر بطالبات عالم حواء
ربنا ينجح كل الطلبة ويوفقهم يااااااارب