من فرج على مؤمن كربه من كرب الدنيا ...........

السلام عليكم ورحمة الله وبركاته


اخواتي انا متاخره فالحمل ورحت المستشفى سوو لي تحاليل طلع عندي ارتفاع في هرمون fsh المسؤول عن التبويض واعطتني الدكتوره حبوب كليمين استخدمها وتتابع لي تبويض معاه وتابعت لي تبويض اليوم اخر يوم فالمتابعه ماكان في تبويض قالت لي للاسف مافي تبويض انصدمت مرره تابعت معاها 3 شهور قبل كان تبويضي تمام كل شهر بس حجم البويضه صغير اللهم لك الحمد بس ربي ماكتب حمل وهذا الشهر هرموني مرتفع ومافي تبويض ابدا
يارب لطفك بحالي يارب انك لاتحمل نفس فوق طاقتها فلا تحملني من كرب الدنيا مالا طاقة لي به انا املي بربي كبير لانه هو القادر على كل شي وهو الرزاق يارب ترزقني يارب مسني الضر وانت ارحم الراحمين يارب ما ايأس وانت موجود وما احزن وانت قريب واحن علي من امي

كتبت موضوعي عشان ابغى دعوه لعل وحده منكم دعوتها مستجابه
وبعد ابغى اي وحده مرت بنفس حالتي وكان هرمون التبويض عندها مرتفع وتشافت ورجع الهرمون لنسبته الطبيعيه وحملت تفيدني ايش سوت اخذت اعشاب او ايشش استخدمت لعلي استفيد

والله ماكنت اعرف شي عنه بس دخلت النت قريت جاني حالة انهيار من اللي قريته خفت صرت ابكي واشهق وزوجي شافني كذا انجن يحسب احد من اهلي صار له شي ولمن هديت علمته قالي تفائلي وثقي بالله وربي بيرزقنا .. والله متفائله وكل شهر يمر اتعشم واتأمل فالشهر اللي بعده لكن الحمدلله على كل حال خيره من رب العباد والله اكتب لكم وانا ابكي متضايقه مره وهموم الدنيا فوق راسي وزود على هذا كله الناس مايرحمون انحرق قلبي من اسالتهم ماحملتي ماحملتي وان تجنبتهم ماخلوني فحالي يسالو امي واخوااتي يارب ترزقني وترزق كل محرومه يارب لاتشمت فينا اعدائنا يارب وكن عوننا ونصيرنا فالدنيا والاخره

من فرج على مؤمن كربه فرج الله عنه كربه من كرب يوم القيامه .. الله يفرج هم كل وحده ترد وتساعدني