من فرج كربة مسلم فرج الله كربته وش اسوي مع اخوي شورو علي

من فرج كربة مسلم فرج الله كربته وش اسوي مع اخوي
كتبت موضوع قبل كنت ابين فيه كيف زوجي كريم مع اهله واحنا مقصر معنا خيره واصل حتى لاولاد اخوانه مره صارت مشكله كبير مع زوجي لانه يبي يعشي اهله بقيمة 1500وانا وبنتي ما عطنا الا الف وكنت محتاجه حاجات للبيت وحاجات لي من زمان اطلبها ولي سنه ابي المستشفى وولدي لي شهرين اشحذه يوديه المستشفى وملابس للبيت كل بجايمي تقطعت وابي الصالون ودولاب لكتبي لي سنتين اشحذه دولاب كتبي مرميه على الارض ولما وافق يشتري لي ما عطاني شي يسوى وابي سلة غسيل وطاولة مكوى....و...و..و... فتراكمت الطلبات لانه ما يعطينا كل شهر... الف ما تكفي قلت له عشهم دجاج ارخص عشان يبقى معك فلوس نكمل اغراضنا هم كلهم اغنى منك ولا يتكلفون بعشاهم يعشونا فول وحمص ..تهاوشنا لحد ما طقني

المهم اني كلمت اخوي صحيح وقف معي من ناححية الضرب لاكنه هاوشني قالي خلتينا بخلا قدام الناس ليش تقولين له عشهم دجاج تبينه ما يعشي اهله عشان يصرف عليك!!!! تعبت وانا افهمه انو كرمه الزايد معهم خلاه دايم مفلس كل ما طلبت لقيته مفلس لاكنه فهمني غلط وهو اني ابي اتحكم فيه واخربه على اهله


المشكله هي انو كيف احسن صورتي قدام اخوي واستحي اكلمه لانه كبير ولا امون عليه والمشكله صار لها شهر هل اكلم امي توصله الكلام ووش اقول لامي؟؟؟ ولا وش اسوي؟؟؟؟

والمشلكله الثانيه هو كل ما تمشكلت مع رجلي اشتكيت لاخواني وابين لهم كيف هو وكريم معهم ويقصر معنا وهو حالته الماديه ما تسمح وكانت نيتي هي شوفو وش يسوي لاهله انتم ليش ما تسون معنا كذا خاصه امي لانهم يقهروني وكيف زوجاتهم اغلى عندهم مننا بكثيرررررر وكنت ابي اوضح لهم بطريقه غير مباشره عشان ما اطيح بمشاكل معهم لاكن للاسف فهموني غلط فهموني اني ما احب اهله واكرههم واني ابيه ما يعطي اهله ابد فلوس
لاني خايفه اذا وحده من حريم اخواني علينا منعته يعطينا شي بيسمع كلامها ويقول عادي اختي كذامع العلم انو اخواني اغنى بكثير من رجلي يعني حتى لو صارو كريمين معنا مثل ما يسوي رجلي باهله ما راح يتأثرون ما شالله

لاتستهينون بالموضوع لان زوجي كله لاهله اخوانه واخواته مو لي انا اهله مالين كل قلبه فجيت انا ابي اخلي لي مكانه بقلبه لاكن ما فيه فايده مكتفي بأهله مو محتاجني فعشان كذا قلت اهتم باخواني لاكن اخواني همهم حريمهم وعيالهم اكثر بكثيييييييييييير مننا حنا وامي عكس رجلي


لاتعطوني حل مع رجلي ابي حل مع اخوي وش اسوي معه لاني دايم اكتب مواضيع لاكن تتكلمون عن شي ثاني انا كتبت مشكلتي مع رجلي للتوضيح فقط الي ابيه هو كيف احسن صورتي قدام اخوي














هل انا غلطت لما قارنت نفسي باهله قدام اخوي وقلت ليش يعطيهم ويقصر معنا ؟؟؟