من فضلكم فوتوا وساعوني انا محتارة ومش فاهمة

تحية طيبة مني للجميع

يا اخواتي انا متزوجة منذ عامين ونصف وقد كنت في بداية زواجي لا أريد الحمل لانني كغيري كنت أشعر بالخوف والقلق والتوتر من هذا الموضوع ومسئولياته
الان ادعو الله باستمرار كي يرزقني طفلا يملىْ علي حياتي يعني بصراحة نفسي موووووت في نونو صغير اراعيه واهتم فيه
المشكلة اني ما بافهم في موضع الدورة والتبويض والخصوبة وهالقصص علشان هيك محتاااااااااااااااااجة مساعدتكم
بداية حاحكيلكم قصتي ويا ريت ما تملوا وتتحملوني

توجهت للطبيب قبل نحو 6 شهور وما خلا شي الا عمله، صورة زيت، عملية كحت، عملية منظار وهاده لأنه بين من فحوصاتي أنه عندي انسداد بسيط في واحدة من قناتي فالوب
المهم، بعدها قرر انه يعملي طفل أنبوب لأنه عمري 28 عام :( وعملت العملية وللاسف ما نجحت، بعدها علطول قرر يعيد المحاولة وبالفعل اعطاني أول إبرة والتانية ووقتها كانت الدورة نازلة خفيفة ولونها باهت جدا على غير العادة حكيتله قالي عادي
المهم، رحت قبل موعد الابرة التانية وعملت تحليل والمفاجأة ............. طلعت حامل :) وعندها طبعا قرر الدكتور وقف برنامج الطفل الانبوب ولكن للاسف الحمل ما استمر اكثر من 3 أسابيع ليش ؟؟ ما باعرف والدكتور قالي طبيعي وبتصير وقال شو كانه ما صار شي وطلب مني الاستعداد لتكرار محاولة طفل الانبوب بس بيني وبينكم نا قررت أوقف علاج وفعلا ما رحت للدكتور من حوالي شهرين

المشكلة مثل ما قلتلكم اني ما بافهم في موضوع التبويض والخصوبة واوقات الجماع المناسبة وهالقصص يعني باختصار يمكن الحمل مش زابط معي لاني ما بافهم في هالقصص

كمان انا ما باعرف اذا دورتي منتظمة اوا لا
هي كالتالي:
في أبريل جاءت بتاريخ 10
في مايو في 14
في يونيو في 10
في يوليو في 11
في أغسطس في 8
بعدين صار الحمل ثم الاجهاض وجاءت في 20 سبتمبر
في أكتوبر في 24

وبالحساب وهاده طبعا بفضل المنتديات وبعض المعرفة اللي اكتسبتها بقراءة مشاركاتكم اكتشفت أن مدة دورتي هي إما 28 يوم أو 34 يوم وتحديدا شهر هيك وشهر هيك يعني شهر بتكون 28 يوم واللي بعده بتكون 34 يوم وما باعرف هاده طبيعي والا لا
كيف ممكن احسب ايام التبويض والايام المناسبة لحدوث الحمل ؟ وكيف اعرف إذا كانت دورتي هيكمنظمة والا لأ؟ وهل هاده الموضوع طبيعي والا لا؟؟

ارجوكم تفيدوني بمعلومة او نصيحة او دعاء واسفة مجددا على الاطالة بس صدقوني انا املي في ربنا وفيكم كبيييير