السلام عليكم ورحمة الله وبركاته
اذا كنت طالعه وعلى عجل فتحتي كبت عزك الله الجزم وحبيتي تلبسين جزمه ماعندك ملمع لها اما للون انه مو موجود او كنت على عجل وتخافين اللون يصبغ على ملابسك ....اخذي محارم الاطفال اي ماركه مثل بجون او بامبرز او دارلنغ وامسحي الجزمه لمعه الجزمه كأنها جديده ولا تأثر تأثير سلبي على نوعيه الجلد لانها اصلا مصنعه لجلد الاطفال وشي طبيعي انها مزيته بزيت ناعم ...
انا استعمل الطريقه هذي لعدة اسباب مرات اكون مستعجله ولا عندي وقت انطر الجزمه تنشف ومرات امسحها وتكون ناشفه بس من التخزين لمعتها شوي تختفي 0
ومرات اكون ملمعتها واخاف على الملابس تتوسخ من تحت خاصه لزوجي اذا لبس الدشداشه اذا مسحتها بالفوطه تروح لمعتها بس انطر شوي وقت بسيط وامسح الجزمه بالمحرمه تسحب اللون الزايد وتترك اللمعه .
ومرات اكون واثقه من الجزمه بس قبل لا انزل من السيارة هم امسحها بالمحرمه عشان تكون اكثر لمعه وهالطريقه لعيالي وهم رايحين لمدارسهم احط لهم بجيب الشنطه وحده مغلفه ويمسحون جزمهم لو توسخت بالمدرسه يروحون ويردون على نفس نظافتهم وترتيبهم اسم الله عليهم 0
لا تستعملين المحارم المعطرة لانها مع الوقت تشقق الجلد وهذي هم عن تجربه المحارم مناسبه اكثر وبعد للجزم اللي الوانها غريبه مثل التركواز او الاحمر او الاخضر او اي لون مافيه صبغ منه متنفع للجزمه الشمواه بعد بس افضل تتركينها تنشف شوي وهم اقل وقت من ملمع جزم الشمواة بكثير0
اتمنى انكم تستفيدون حبايبي ولكم كل الحب
