السلام

كيفك عزيزتي ؟؟؟

أتمنى انك بخير و عافية

هذا التصميم و انشالله يعجبك و ينال رضاك و أي تعليق حاضرين

و بانتظارك بأقرب و قت و فرصة ..
الدور الأول


الدور الثاني و السطح


حاولت اني استوفي كل شروطك بس الشي الوحيد الي ما قدرت عليه
البلكونه الداخلية الي يطل عليها المطبخ ..
بس حطيتلك شبابيك كبيرة متصلة للمطبخ بالصالة الرئيسية ..
و سويتلك لكل غرفة حمام لأنه كان في مجال واسع و حرام بصراحة تضيع المساحات أكثر
إيش بعد انتي طلبتي غرفتين و عندك ثلاث أطفال ..
حسب ما فهمت بنتين و ولد ..
الغرفة الزيادة سويها غرفة ألعاب و إذا كبروا شوي تقدرين تخلينها غرفة نوم
و تفصلينهم ..
في حال جاك خدامة سويتلك ملحق على السطح .. غرفة غسيل + غرفة خدامة و حمامها
و اذا ما تبين سويها مخزن بس بتحتاجين لأن مساحة البيت كبيرة و عندك أطفال
صحيح الأرض صغيرة بس حاولت اني اسويلك اطار حولين البيت علشان الزرع و في أماكن
لأشجار و انشالله يا رب يعجبك ..
يا ستي العزيزة ..
بالنسبة للصالة المفتوحة ..
ممكن تحطين قبة ..
ممكن تحطين زجاج معشق + زجاج شفاف بس مستوي يعني زي السقف العادي بس مرتفع و اهم شي الإرتفاع اعملي حسابك يكون ارتفاع الجدار في الأسفل 3.5أو حتى 4
و في الأعلى نفس الشي علشان يطلع ارتفاع الصالة مو أقل من سبع إلى ثمانيه متر
و علشان يكون المنظر أحلى للواجهة الخارجية إرفعوا سور السطح علشان يغطي الملحق
شباك الخدامة على السطح يطل علشان ما تغازل سواق جيرانكم لووووووول الله يهديهم
و شي ثاني الشبابك خليها عالية حوالي 4 متر و بس علشان ما تتوهقين و تتوصخ
وتبتلشين شلون انظفها ..
خ و علشان ما تقولين شسوي بالجدار الي فوق اذا سويتي قبة مدي سلاسل منها 4 و حاولي
تعلقين ثريا تقريبا زي الرسم هذا

و انشالله يا رب ..
الله يوفقك و تبنين بكل راحة و الله ييسر لكم ..

السلاااااااااااااااااااااام ....

كيفكم عزيزاتي ...

أبي أتعبكم شوي ..
الله يخليكم الي تبغا تصميم علطول تكتب طلباتها لأني أخاف من الردود الصغيرة الي تقول أبنتظر دوري والي بعدها
تكتب .. بعدين تتأخر الي دورها أول فتصيير حوسة ..
و أنزل تصميم وحدة قبل الثانية .. فعلشان العدل تكفون نزلوا طلباتكم علطول ..
أم دندونةعزيزتي ابي منك عزيزتي تنزلين طلباتك ..
أما بالنسبة للأحلام والتصورات .. يا حبيباتي يا عزيزاتي ..
أنا ممكن أصمم البيوت على كيف كيفكم بس اذا كنتم تعزمون على البناء خليكم عقلانيين
علشان تتماشى مع الميزانية ..
عزيزتي ذبابة متحجبة .. مستحيل يكون في عندك مجال لقبة نهائيا ..
واذا ودك بالبيت يكون مفصول شوفي أنا بسوي شي مشترك إلي هو مجلس و مقلط الرجال ومغاسلهم أما الباقي
بخليه قابل للفصل و التقسيم انشالله .. والله يوفقك و يسعدك .. يا رب ولا تزعلين مني ..
عزيزاتي أخواتي ..
البنا العظم ما يكلف 100ألف إلى 300 ألف تطلعين ببيت عظم .. حتى يفرق إذا معزول أو لأ ..
بس التشطيب المكلف .. الشبابيك .. الأبواب .. الحمامات .. المطبخ .. الأرضية رخام والا بلاط وفوقه
موكيت أو سيراميك .. الإضاءة .. الثريات .. التكيف .. اللياسة .. والتشطيب الخارجي للبيت .. حجروالا رخام والا
دهان .. بشبك حرامي والا بدون .. الدربزين .. حتى مسكات الأبواب وأفياش الكهرب .. شغل النجارة في البيت ..
فالورق لا يعني كل شي ..
فكل وحدة تكون عاقلة بطلباتها لوسمحتم .. علشان تسعدون و ترتاحون ..
والله يوفقكم..
و سامحوني اذا كنت غلطت بكلامي ..
بس الصراحة راحة وهذا بنا مو لعب والا أماني ..
أشوفكم على خير وأم رغد .. إنشالله تصميمك بنزله قريب ..



:24: :26: :24:

شكرا جزيلا يا عزيزتي
قريب جداً من افكاري
فعلا الافكار الموجوده جميله وذكيه بالنسبه لي
تعبتك معاي
بس في عندي تسائل
وجود دورات المياه في وسط التصميم منطقي عند التنفيذ
احس الفكره غريبه علي
شكرا جزيلا في النهايه
:26: :26: :26:

ممم

بخصوص الحمامات في الوسط عادي اذا كنتي ناوية على تكيف مركزي للبيت لأن في شفاطات تتركب

بس اذا كان ودك اني اجيبها على الأطراف براحتك .. اذا كان نفس التصميم عاجبك ..

لأنك إنتي الي بتسكنين فالبيت مو أنا و لازم يجي على مزاجك ميه ميه :27:

أبعدل شوي بالرسم و انشالله يضبط ..

بخليلك الحمامات على الجدران الخارجية .. زين يا قلبي ..

بس وش الأفكار الي براسك ؟؟

علشان اسويها لك زيادة ؟؟؟ الي تبين

ام رغد حبيبتي

اتمنى تنزلين طلباتك

تحياتي لك