أنا نسيييييت أهم شي ..

أشرح لعزيزتي أبلة جواهر عن البيت ..

البيت كما طلبتي مساحات مفتوحة .. تم استغلال الأرض في البناء دور واحد و قبو

المطبخ طلع زين .. كبير والله ما ادري شلون بس طلع ..

غرف النوم كل غرفتين بحمام مثل ما شفتي بالرسم بس سويت الدرج الخارجي

يفتح على المنزل .. و الجزء الفاضي حول 4 متر مربع مقابل الدرج 2x 2 سويت على الجدار مطبخ خدمة صغير

عليه غلاية و ميكرويف و و مغسلة صغيرة .. و كاسات و صحون و ثلاجة صغيرة يعني حق العايلة و بيبسي

والا مقاطعين :17: احسن قاطعوا ماله داعي البيبسي :26:

وش بعد .. الدرج الخارجي فيه منه درج ينزل على المسبح بحال كان فيه رجال وودك تسبحين ..

تنزلين من هناك ..

وش بعد .. الحركة في البيت هذا بصراحة ابداع و بسويها في بيتي انشالله .. ان الله رزقني و زوجني اول ..

أول ما تدخلين للبيت ..

بيجي في المقابل .. دربزين و درج .. انزلي الدرج و اتخيلي معي بتلقين جدار على طول في الوجه ..

حطي عليه كونسول و لوحة كفاية .. بس أول ما تنزلين الدرجات حقت القبو لا تركبين دربزين .....

ركبي ألواح زجاجية و ألمنيوم double glass مثل الشبابيك و طول الطريق و انتي نازلة يكبر الزجاج

و يكون المسبح على نظرك الين اخر الدرج .. يتصل فيه ابواب زجاجية .. سحاب أو أبواب عادي ..

و قدامها مجلس أو جلسة كبيرة ..

و منها موزع على الحمام لخدمة المنطقة هذي .. و غرفة الغسيل و المخازن و غرفة الخادمة ..

المميز بالقبو انه مضاااااء من جميع النواحي ..

بس الحفر لازم يكون أكبر من القبو علشان الشبابيك ..

بالحوش شفتي الحديد الثقيل الي يكون بالشوارع .. مثله و يكون في تصريف صحي

و الجدار تحت عند القبو يكون مايل علشان في حال الأمطار .. و ما يكون مزعج

في التصريف ..

وانشالله يعجبك ..

أختي ملكة الحسن
أخيرا تفرغ زوجي للمناقشة النهائية للتصميم
( كأنه بفلوس آخذ راحته )

وجزاك الله خير اتحملينا زيادة
كما ذكرت لك التصميم عاجبنا وما نريد تعديل فقط بعض الأسئلة التي تزيد من التوضيح



--- رقم 1 ما هو هل هو شباك أو بلكونة؟

عند علامة الاستفهام :
ستكون غرف النوم أكثر من العدد الحالي للسكان تقريبا احتاج إلى 6 غرف نوم بما فيها الرئيسية هل يمكن تحويله هذه الغرف الباقية إلى ما يشبه الحديقة العلوية أو البلكون أو السطح في الفترة الحالية
وفي المستقبل إذا رغب الأبناء في الاستمرار معنا في بيت العائلة نقوم ببناء أجنحة لهم في هذه المساحة؟؟

بالنسبة لأسئلتك عن أماكن الخدم:
ليس لدي خبرة في استقدام الخادمات مع أزواجهن.
لذلك لا اعرف أين المكان المناسب لهم؟
وماذا عن الخدم الآخرين الذين ليس لديهم محارم؟
أرجو الاستفادة من خبرتك في هذا المجال
كل ما اعرفه أن غرفة الخادمة كانت في الأعلى وكانت كل ما أنهت شغلة صعدت لغرفتها لترتاح وعلى ما تنزل إذا احتجتها اضطر أن أقوم بأغلب الأمور التي لا تستدعي نزولها أو تحتاج لتصرف سريع وكنت احذرها من كثرة الصعود لغرفتها ودائما تجد العذر للقيام بذلك .
كمان من المهم عندي عدم إطلاع الخدم الرجال على أماكن وجودنا وبالذات على الحديقة الداخلية لأنني انوي بإذن الله الاستغناء بها عن باقي الحديقة التي قد تكون مكشوفة من السائق أو المزارع أو الجيران أو الزوار الرجال



--- رقم2 هو الباب المواجه للدرج والحديقة صح؟
--- هذه الحديقة الداخلية يمكن الدخول لها من الخارج بدون الدخول للمنزل يعني بالذات عند المكان الذي حاطة فيه أنا رقم 3 هل مفتوح نحو الخارج؟

--- في المكان رقم 4 أنا فهمت انه مفتوح حتى أعلى المنزل يعني سقف بقبة بدون دور فيه (صح) بعدين عدلتي و وضعتي غرفة النوم أعلاه بس يكون السقف مرتفع قليلا عن الباقي كم متر يعني يكون في النهاية؟

--- بالنسبة للزيادة في المساحة لا بأس

-- رقم 5 هل هو نافورة ؟
---- رقم 6 الأحظ كأن الجلسات مربعة على مستوى مختلف يعني المكان مقسم إلى أربع مناطق نصعد إليهم بدعسة والمنتصف نافورة؟
سمعت ان النافورة في البيت تعمل أحيانا تسرب مهما بدلنا مجهود
احد معارفي منفذينها في المنزل ولا يشغلوها
لو كانت نافورة ما هو البديل الآخر لها ؟ ايش عندك فكرة؟

-- رقم 7 فهمنا أن هذه جلسة دائرية مرتفعة لها أكثر من مكان ن للصعود إليها بعدة دعسات (درجات ) هل اللون الأخضر يرمز للنباتات ؟ هل هذا صحيح؟
--- رقم 8 هذا جدار (ظهر الدرج ) يمكن مثلا وضع باهو كبير أو مرايا مثلا؟
بالنسبة للشكل الخارجي للبيت كان عندي صورة لمبنى حكومي في المنطقة الشرقية كأنه الغرفة التجارية أو شئ من هذا القبيل أعجبتني واجهة المبنى واحتفظت به لتنفيذه لهذه الأرض في المستقبل بحث كثيرا لم أجده ( أوراقي كثيرة ) اعتقد أن تلك الواجهة ممكن بتعديل بسيط تناسب هذا التصميم
المهم عندي تصميم الداخل وطريقة التوزيع
ألف شكر لك
وإنشاء الله أشوفك مهندسة أد الدنيا
ايش دراستك ؟؟؟ ---- مجرد فضول ؟

المشاركة الأصلية كتبت بواسطة رومي
أختيأرجو الاستفادة من خبرتك في هذا المجال
كل ما اعرفه أن غرفة الخادمة كانت في الأعلى وكانت كل ما أنهت شغلة صعدت لغرفتها لترتاح وعلى ما تنزل إذا احتجتها اضطر أن أقوم بأغلب الأمور التي لا تستدعي نزولها أو تحتاج لتصرف سريع وكنت احذرها من كثرة الصعود لغرفتها ودائما تجد العذر للقيام بذلك .
كمان من المهم عندي عدم إطلاع الخدم الرجال

صدقت فعلا من جد حوسة
وعشان كذا معليش ياملكة الحسن اذا ما عليك كلافة
تخليلي غرفة الشغالة مفتوح علي المخزن الي في المطبخ الي تحت وجنبهم حمام
الغسيل
والله يجزاك كل خييييييييييييييييييييير
:26: :24: :26:

السلااااااااااااااااااااااااااام...

صبرك علي يا عزيزتي رومي لليلة بس ..
و بنزلك التعديلات كاملة على التصاميم و الواجهات حقت البيت ..
و بسويلك فوق بدال الغرفتين غرفة زجاجية ..عبارة عن حديقة داخلية للبيت .. زجاجية
قزاز من الداخل و قزاز مايل من الخارج .. يعني انشالله مع البنا يعجبك .
الواجهه الي أول تراها زينه هي واجهة الحديقة الي مكملة على البيت ..
بالنسبة للأجنحة الرئيسية هي تطل على الحديقة الداخلية الي في البيت .. الي عند ال u
يعني اذا اتمشيتي بالحديقة تحت .. و ناظرتي فوق بتلقين بلكونة كبيرة بالنص و أربع بلكونات ..
كل بلكونتين متقابلة .. و اذا ناظرتي فوووووووووووووووووووووووق فوووووووووووووووووووووق
يعني كنك تناظرين للسقف هنا القبة ... فوق الحديقة الداخلية مباشرة .. عشان تعيشين الجو صح ..
في النهار ... قوس قزح و خضااااار .. و نافورة ماء و خضرة و وجه حسن ... علقي صورتي لووووول
كل بلكونة يا عزيزتي ممكن تخلينها شباكين و باب البلكونة بالنص .. أو حول كل البلكونات شباكين .. يعني
واجهة غرفتك الرئيسية .. فيها شباكين + البلكونة بالنص .. غير قزاز البلكونة ..
يعني عشر شبابيك 4 و 4 متقابلين و اثنين بالنص ... و كلهم سويهم مقوسين أزين و يعطي فخامة ..
هذا للدور الثاني ...

أما الأرضي
ببدا معك بالترتيب ..
2- شباكين و باب للحديقة الداخيلة علطول .. و بعد كل الصالات الي تفتح على الحديقة الداخلية كله ينفذ على الحديقة
حتى المطبخ الجدار قزاز يفتح بابه على الحديقة. علشان وانتي تطبخين تستانسين بالمنظر حق الحديقة.
3- الحديقة هنا مفتوحة على الحديقة الأكبر .. يعني اذا وقفتي بره عند 3 بالضبط تشوفين كل الحديقة ماهي مقفلة
أبد متصلة علطول بالخارجية .. و البيت طبعا ما يدخله أحد لأن كله قزاز بقزاز من جوه و أبواب قزاز .. للصالات و المطبخ و قدام الدرج .. أتمنى ان هذا الي يكون الي في بالك لأني هذا الي فهمته ..
4- ارتفاع السقف هنا يا عزيزتي مع الغرفة .. الي فوقها تطلع تقريبا 8 متر .. لأن السقف فوق و تحت بيكون
5 متر .. لأن حرام البيت حلو مشالله و الأسقف العالية بتعطي وسع فوق الوسع الله يوسع عليك بالدنيا و الأخره ..
و بما ان غرفتك عليتها علشان تزيد العلو بالمنطقة الي قدام الدرج + علشان هي عبارة عن مدخل .. للبيت و علشان الحديقة في الدور الي تحت .. تبان بعد يعني الصالة الي فوق بتكون محاطة بالضوء و اللون الأخضر على مد عينك ..
في شي ثاني ممكن علشان المنطقة هذي تكون محاطة بالقزاز و الإضاءة .. ركزي معي زين و بقوة ..
سقف المنطقة هذي ممكن يكون كله قزاز بشكل مدور يعني من بره الي هو الحديقة يكون من فوق مفتوح شوي تقريبا متر يركبون fiber glass و ينظفونه زين يخلونه يلمع .. بعدين يركبون قزاز يسد من فوق الباب الي يودي على الحديقة يعني يصيير زي الفتحة و يركبون fiber glass بعد علشان يسدها .. و يمنع الغبار و الدنيا و بالنص تنزل
ثريا حلوة .. أو تخلين السقف حوض سمك يعني كنك في بحر إذا ناظرتي فوق .. خليه شي .. aquarium فوقك سمك و قدامك اضاءة و حديقة.. و عساهم يعجبونك..
5- المكان بمنتصف الجلسات صحيح نافورة و هي جلسات مرتفعة بدرجة أو درجتين .. الحين تو خطر في بالي والله
سوي الجلسات زي الحديقة المعلقة .. يعني الي الثنتين الي اول ما تدخلين على يمينك و يسارك نازلين 4 درجات أو خمس و الي فوق مرتفعين أربع درجات أو خمس .. يعني بيطلع كنه درجتين كبار .. عبيها و اترسيها زرع فوق الجلسات الي تحت بين الجلستن الي تحت والي فوق .. يعني خليه يطلع زي الشلال .. حديقة معلقة ما ادري شلون الوصف.. و بالنص بدال النافورة طاولة كبيرة مدورة عليها ورد مجفف أو تحفة حلوة .. أو مزهرية كبيرة .. حسب رغبتك .. أو هذي فكرة بعد .. دائرة من أعلى السقف الين الأرض محاطه بقزاز و بالداخل زرع من كل شكل و لون أو عمود يتوسط الدائرة كنه عمود روماني قديم و يلف علية زرعة .. أو زرعتين .. المجنونه تطلع حلوة .. لأنها تزهر صيف و شتا .. و طبعا من فوق الدائرة خلي القزاز مفتوح و حطي شبك علشان الحشرات و اخفيه طبعا بطريقة فنية بالجبص .. ينزل حوله شوي بس يبعد .. علشا ن الهوا و ما يموت الزرع و طبعا يكون قابل للفتح .. علشان تنظيف و قص و الأرض طبعا تراب فيه زرعه حلوه ورقها بنفسجي غامق و قاسية اكيد دامك تحبين الزراعة تعرفينها ..
تنتشر بسرعه و تغطي الأرضية الترابيه ..
6- أعتقد النقطه خمسه وفت ذيك المنطقة ..
7- بس شي واحد الجلسة منخفضة يعني نازلة .. ب 4 درجات .. و الأخضر للزرع صحيح ..
8- هذا الجدار حق الدرج .. بهو كبييييير أو مرأه أو كونسول أو فسيفساء .. أو أعمال جبصية حلوة .. أو حديقة معلقة
صغيرة درجات و عليها زرع .. أو نافورة رخام أسود .. تنزل زي البلور و قدامها قعدة حلوه للاستقبال .. أومزيج بينهم كلهم. بطريقة حلوة ..
و ثقي فيني .. و في المهندس الي بصمم البيت .. تكفين اختاري مصمم خياله واسع و يقدر يفهمك .. البيت من الخارج
بيطلع ابدااااااااااااااااااااااع .. بإذن الله .. و لا تخافين .. أبد أبد أبد .. انه من بره شين بالعكس الحمد لله حاولت انه
يكون زين من بره قبل الداخل و انشالله يكون متناسق و كله متوازي ..

ملحق الخدم الحريم .. لوول بسويه على السطح بس بسويلهم قعدة بالدور الثاني .. عند الدرج حق غرفهم .. علشان يقعدون فيها و ما يتحججون .. و يتعاجزون و تحت يقعدون بالمطبخ .. واسع و يوسع 10 خدامات .. يسولفون و يضحكون .. و كل شي .. لوووووووووووووووول رهيبين .. أحبهم كثار تحكمينهم .. أما وحدة .. ما تقدرين عليها و ثنتين يتهاوشون .. يعني مسيطر على الوضع تمام دعاية بامبرز ..

المسبح يا قلبي قولي لي تبينه خارجي .. لأنه لو كان خارجي بخليه بالحديقة الخارجيه مقابل الداخلية يعني إذا طلعتي
من الحديقة تشوفين المسبح علطول بعدين على جنب bbq و جنبه ملحق خدمات المسبح و الساونا و سكواتش و غرفة للمساج و الاسترخاء .. وش بعد .. و البوابة مقابل المسبح .. و على الجهة الثانية .. ملحق الخدم الذكور ..
و مواقف للسيارات .. مغلق تماما بس باب .. دايما مقفل بس يجي المزارع الصبح يسوي و يضبط بعدين يتكل على الله و جنب البوابتين .. غرفة حارس قزاز يشوف الداخل و الطالع .. و تراني تعمدت المواقف تكون من ذيك الجهة علشان مدخل الضيوف الجهة الثانية يكون كبييير وواسع و حلو ..
ممكن أسويلك ملحق للشباب علشان ما يضطرون يدخلون البيت في بعض الحالات ..
الحوش و الحديقه و المسبح و البوابات و الملاحق كلها .. بسويها بوضوح لما ارسمها لك علشان ما تاخذ مساحة
برمز للبيت بمستطيل ..

ايش بعد اخر سؤاااااال ..

انا الحين يا ستي العزيزة .. أدرس علم نفس بجامعة الملك سعود ..
و ماهي فضول ولا شي بالعكس يشرفني و هذا دليل على اهتمامك ..

و أتمنى ان كل الأفكار الي براسي توصلك واضحة ..