من فيكم تشعر بهذا الاحساس مع زوجها (زوجي صديق وليس حبيب)

انا متزوجة لي الان ست سنوات وعندي ولدين,,,
زوجي انسان طيب جدا وخلوق وملتزم ويحبني لكن المشكلة فيه انا حاولت احبه ماقدرت اشعر ان احساسي تجاهه مايتعدى احساس الصداقة والمودة والعشره بس,,,


من اول يوم عرفته فيه من زواجنا وانا اشعر بنفور منه ما احس اني احبه,,,
وكنت دايما اقول ان احساسي خاطيئ وانه شي طبيعي جدا لاني معاه على طول وبكل وقت,,,

لكن الايام اثبتت لي ان ما احبه,,,

اجلس عند اهلي بالشهور ما احس لا بشوق ولا بوله ولا اشتاق له ابدااااااا,,,

وحتى هو يستغرب من مشاعري واكذب عليه واقول عادي عشان انا تعبانه ولا اجيب له اي عذر يبرر استقبالي البارد له,,,

يمكن لو اقولكم اعيش في عذاب وصراع نفسي الله الي يعلم فيه,,,

والله اني اجلس بيني وبين نفسي ابكي لما اشوف تعاملي البارد معاه واتمنى اني لو اني مثل اي امراة تحب زوجها وتحرص على انه يحبها وتتعب عشان تحصل على حبه

احيانا اقول انا اكيد مجنونه زوجي مافيه شي لكن مو بيدي والله,,,

احاول اشغل نفسي باولادي وببيتي وباشياء ثانية عن التفكير في هذا الموضوع,,,

لكن انا مقصرة معاه خصوصا من الناحية الجنسية احس انه بالغصب وهو ملاحظ بعد ودايما ينبهني على هالنقطة لكن انا والله مو قادرة,,,

والله اني ادعي ربي بالليل والنهار يفرج لي همي وينير بصيرتي,,,

اصعب احساس انك تعيشين مع انسان ماتحبينة وهو يحبك وينتظر منك الكثير,,


هل فيه فيكم وحدة وضعها مثل وضعي وكيف قادرة تعيش,,,