صباح الخير ياحلوين
حبيت اقولكم معاناتي مع شعري واللي الحين عمرها 19 سنة
يمكن فيكم من تقدر تساعدني
او سمعت عن مشكلة مثل مشكلتي او مرت بمثل معاناتي ولقت حل
لما كان عمري 11 سنة بديت انتبه اني لازم اهتم بشكلي.فكنت استشور شعري
وما اطلع الا وانا بكامل اناقتي
واخلي شعر ناعم وما اربطه
والله كان منعم عليا بشعر حلو فيه لون نحاسي كذا
المهم ان خالاتي الله يهديهم وعماتي اذا زرتهم يمسكونه ويسحبونه ويقولون هالشعر دايم تخلينه كذا
وبعد في المدرسة ازينه واذا وقفت عند الشمس يبان لونه حلو فكانت وحدة من زميلاتي تنتبه له وتشهق فيه
لكن يابنات مادام شعري حلو
فجأة لقيته منعدم من القشرة وحكة فيه بزيادة ومع هموم الدنيا بدأ يتساقط ويتساقط
لحد ماصار ولا شي .معدوم لأبعد درجة
وصرت اروح لأطباء لكن مانفع
منهم من يعطيني امبولات زجاجية من الصبار استخدمه
في النهاية ما استفاد شعري
واذكر مرينا بأزمة وضلت وحدة من عماتي عندنا لقيتها تنتف في شعرها
بعد ماتركتنا مالقيت نفسي الا اخذت هالعادة
صار حالي من سيء لأسواء
والله تعبت من الزيوت ومن الخلطات وماخليت شي ما سويته
عشان يرجع شعري مثل ماكان
ما اخفي عليكم يابنات .كل ليلة دموعي على خدي
واذا حبيت احضر مناسبة احمل هم هالشعر
خاصة وانه خفيف لدرجة فيه فراغات
واحاول بالقرآن والادعية اشغل نفسي عشان انسى العادة السيئة نتف الشعر واللي تعلمتها من غيري
مرة في احدى المناسبات فكرت اروح كوافير عشان ارتب شعري .حتى العاملة تصارخ عليا تقول انتي شعرك خفيف واجد مافيكي شعر وش اسوي انا
رحت الزواج وانا منكتمة ودي ابكي ومو قادرة
ما ادري اهي عين ولا وش صار فيه لحتى يبقى كذا
والله مابقى شي ما استخدمته
الياس...اكليل الجبل...زيوت...خلطات...حنة...
بس يطول ويتعافى شوي ومن ينزل لتحت الكتف تجيني فيه حكة وتدمره وماتبقي فيه شي
والسبب؟! لاتتعجبي اذا قلتلك ما ادري
يرجع طوله فوق الكتف
قبل شهرين رجع حلو وبدا يطول واهلي يقولون لي ماشاء الله رجع شعرك وصاير حلو وحركات والسر في السدر ظليت استخدمه لحتى ارتاح شعري ورجع حلو ونسيت معاه عادة نتف الشعر وهذا احلى شي
وطبعاً استخدمه مع الروب واللبن او مع موية البصل والثوم
المهم
اني فكرت احنيه
حسيت بحكة شوي لكنها ما اثرت فيه
رحت للعطار بختار لي حنة
ونصحني بحنة مع خلطة اعشاب واسمه الاميرة اتوقع
واستخدمته ولقيت شعري ماشاء الله حلو كثير وكأنه مستشور غير اللون مع اني بطلت استخدم له استشوار من 5 سنوات
لكنه بعد شهر من استخدامه سرت فيني حكة في جسمي وفي شعري خاصة
لدرجة ماقدرت امسك يدي
والنتيجة رجع شعري معدوم
ياليت فيكم من تساعدني بدعوة طيبة او بمساعدة
او علاج
للعلم انا اعاني من حساسية
وشعري يزيد من معاناتي وهمي
والمشكلة الكبرى ان حتى زيت ما يستحمل استخدم له
والله اني في حيرة
والله يكون عون لكل من تسعى وتحاول تعيني
!! حلم الوردة!! @hlm_alord_1
عضوة جديدة
يلزم عليك تسجيل الدخول أولًا لكتابة تعليق.
الرقية يا اختي زينة وبعد خذي من اثر اللي تشكين فيهم
والله يشفيك ويعافيك ويمتعك بشعر جميييييييييييييل
والله يشفيك ويعافيك ويمتعك بشعر جميييييييييييييل
كيف اخذ من أثرهم؟
ياريت توضحي
واذا عندك رقية معينة يا الغالية قوليها....لأنهم نصحوني بقراءة الحمد على كأس ماء و اشربه
حسيت المويه وقتها ثقيلة
وليما الحين احاول اكرر والله وحده المعين والشافي والمعافي....
ياريت توضحي
واذا عندك رقية معينة يا الغالية قوليها....لأنهم نصحوني بقراءة الحمد على كأس ماء و اشربه
حسيت المويه وقتها ثقيلة
وليما الحين احاول اكرر والله وحده المعين والشافي والمعافي....
رفع
http://forum.hawaaworld.com/showthread.php?t=2254791
اللـهم صـلي علـى محمد و علـى آل محـمد كما صـــليت علـى إبراهيم و علـى آل إبراهيم إنك حميد مجيد، وبارك علـى محمـد و علـى آل محمد كما باركت علـى إبراهيم و علـى آل إبراهيم في العــــــالمين إنك حميد مجيد.
http://forum.hawaaworld.com/showthread.php?t=2254791
اللـهم صـلي علـى محمد و علـى آل محـمد كما صـــليت علـى إبراهيم و علـى آل إبراهيم إنك حميد مجيد، وبارك علـى محمـد و علـى آل محمد كما باركت علـى إبراهيم و علـى آل إبراهيم في العــــــالمين إنك حميد مجيد.
الصفحة الأخيرة
استغفر الله واتوب الية
سبحان الله وبحمدة سبحان الله العظيم
ولا حول ولا قوة الا بالله