هلا والله
الله يحييكم
بصراحة أنا بنت باقي ما تزوجت لكن كل ما افكر في الزواج يجيني تفكير مرعب :07: أحس أني ما أنفع أني أكون زوجة اااابببببببببببد يعني أحس أن ما أعرف أقرر بسرعة لااااازم أقعد أشل وأحط في الشغلة على بال ما يجيني الحل المناسب لها ولا أحب شغل البيت يعني غرفتي الان أنا المسؤله عن تنظيفها أمي ما تخلي الشغالة تنظفها على شان تخاف أنها تمد يدها على غرض من الاغراض فأنا مررررة أتكاسل أنظفها وأحس بهم واستثقل الموضوع وأقعد أأجل في الحكاية لحد ما ربي يفرجها علي وأنظفها طيب بكرة لو تزوجت وعندي مو غرفة إلا بيت كامل وش راح يكون حالي وبعدين ما أعرف كيف اتعامل مع الجنس الاخر يعني لمن أكون مع أخواني والله معرف كيف أسولف معاهم حتى لمن يودوني مشاوير أجلس ساكته في السيارة يدوووب أتكلم كلمة كلمتين أحس أني ما أعرف أخذ وأدي معاهم في الكلام مدري أحس لساني ينربط على عكس زميلاتي والله أقعد أسولف معاهم لين بلاعيمي أحسها بتخرج من كثر الهرج :09: طيب بكرة إن شاء الله بجلس صنم أنا وياه ما أعرف كيف أتكلم معاه يااااويلي والله العظيم كل ما يجيني التفكير ذا أبطل من الزواج أقول بيت أهلي أبرك لي أحس أني ما بنسجم معاه أبد وبيطلقني من اول أسبوع أحس الحياة الزوجيه يبغالها وحدة تكون سريعة التفكير وتتصرف بجرأه ونشيطة على شان تقدر تدير بيتها مدري حالتي طبيعية ولا أنا فعلاً فيني خلل :angry:
الي زي حالتي تطمني والي كانت زيي وأتزوجت وأتغيرت حياتها لا تبخل على بنصيحتها
تفشانة حييل @tfshan_hyyl
عضوة فعالة
يلزم عليك تسجيل الدخول أولًا لكتابة تعليق.
خخخخخخخخخخخخخخخخخخ زيك بنوته مومتزوجه .... بس اعرف بنات اسوأ من وضعك عادي متزوجات وتمام مع رجالهم
يا اختي خلي البساط احمدي مثل ما يقولون يعني انا مثلا والله لو تشوفيني في البيت والله ماراح تفرقين بيني وبين اخواني الاولاد يعنيي ممكن تلاقيني اسولف معهم عاااااااادي كانهم اخواتي البنات او صحباتي بس طبعا بحدووووود واتضارب معهم اذا بغيتي واطلع معهم السياره واسولف عادي حتى ابوي ما يطلعني السياره معه الا وانا مستانسه عشان اونسه في الطريق...... يعني عااااااااااااااااااادي واحيانا اسولف مع عيال اعمامي وخيلاني بعد يعني الموضوع مو لهدرجه مرعب واذا ما تعودتي تتكلمي مع اخوانك ماراح تعرفين تتكلمي مع زوجك في المستقبل وبالنسبه لتنضيف البيت كل شي في وقته حلو... خخخخخخخخخخخخخ
خخخخخخخخخخخخخخخخخخ زيك بنوته مومتزوجه .... بس اعرف بنات اسوأ من وضعك عادي متزوجات وتمام مع رجالهمخخخخخخخخخخخخخخخخخخ زيك بنوته مومتزوجه .... بس اعرف بنات اسوأ من وضعك عادي متزوجات وتمام مع رجالهم
هههههههههههههههههه والله مدري عني الله المستعان شكلي بأفشل أهلي مع الرجال والله أحيانا عقلي فيشة يفصل :freak6: طيب بكرة لا فصل مع الرجال ويبتلش بي بيشيلني ويرميني لبيت أهلي والله العظيم فشلة بجلاجل والمصيبة أني 25 سنة وش بقيت لا كبرت :bkh:
الصفحة الأخيرة
مع الايام رااح تتغيرين