من فيكم زي صور من بيتنا الجديد واسوني الله يكون بعوني

مرحبا بنات

بصراحة احس اني مخنوقة مو قادرة عيوني منتفخة من كثر البكي خاطري مكسووور حسبي الله ونعم الوكيل

بعد 18 سنة من زواجنا اخيرا قلت بسكن بيت ملك بس وربي من يوم ما فكر يحط تصميم للبيت وهو حارق قلبي وينفذ اللي في راسه ويرقع ويحرب وانا بمووووت من القهر حسبي الله ونعم الوكيل البارحة بعد ما فقدت اعصابي وما خليت ولا بقيت وهو حاقرني فكرت اني فعلا ما راح اسكن في هالبيت اللي كله اشياء غلط بسبة هالرجال اللي راكب راسه ويفكر نفسه مهندس ديكور وتخيلوا العمال هم اللي يمشوا كلامهم عليه واي شي يقولونه له يقولهم صح وكل اللي حطه في البيت صيني في صيني اللهم الا الحمامات مابين مصري واسباني وكله يبي الشي الرخيص عشان يخلص ويفتك وانا ساكتة وبالعة لساني بس البارحة انفجرت بعد آخر خراب سواه وما يترقع بخليكم مع الصور وواسوني مرة متأزمة ونسيتي زي الزفت واذا عندكم اي اقتراح لا تبخلوا علي خواتي

اولا حمام بنتي هذي صورته







لاحظوا الترقيع اللي على الجوانب ورافض يشيله بشدة وما يبي نقاش
وهذي صورة اوضح



صورة جبس غرفتنا طبعا اللي اخترته كان مثل الحركة اللي تشبه المعين بس صغيرة تجي في الوسط بس العمال خربوا الغرفة وسووا الشكل على كبر الغرفة وانفجعت قلت له خليهم يحطون تقاطع في الوسط طبعا عطيتهم صورة بعد بس نفس الشي سووا التقاطع مو لنهاية الزوايا وخربوا كل شي وفيني خير افج حلقي




وهذا جبس غرفة البيبي بعد المفروض القلب يصير صغير في النص وسووه على كبر الغرفة وقلت له خل يحطون حركة في الوسط وقاموا حطوا القلب الغبي اللي في الوسط خخخخخ



وهذي فجوة في مجلس الحريم حطها بدون ما يقوللي وطبعا فيه منها كثير في كل مكان وبشكل خالي من الجمال والتنسيق بس اللي في مجلس الحريم كبيرة وجاية بالعرض كبر نافذة



طبعا المطبخ ترددت اسويه مرتفع بعدين عيالي شجعوني فقلت كم بترفعه قال عشرة سم ولما شفته تفاجأت انه ما يجي حتي 3 سم يعني لا رفعه زي العالم ولا سواه مع الأرض فصار شكله شقول خليكم مع الصورة




طبعا لما حطوا سيراميك الصالة الدرجة الأولى من السلم اوشكت انه تختفي وتشوه المنظر وخصوصا انه اول سلمة شوفوا معاي



طبعا هذي مو كل الأخطاء ولكن هذي اهمها وطبعا انا كنت ابي احط على جدار الدرج حجر بس قال الحجر غالي وانا ما عندي قلته مو مشكلة نحط صبغ قال له نبي نحط سيراميك انظف وطبعا يبي يشتريه من محل مغبر اسمه مرمريز وهذا بضاعته كلها تجارية وغالبا ما ياخذون من عنده اللي يبنون عماير للايجار ووداني لهم وما عجبني شي وبعدين راعي المحل قال بتجي بضاعة جديدة وزوجي جاب من عنده عينات ولا عجبني ولا شي قلت له خلاص حط صبغ فهو ولو عجبنا سيراميك معين ابيك تحطه بشكل طابوق يعني مو الحبة فوق الحبة لأ
يعني الحبة اللي فوق تجي وسط الحبة اللتي تحتها مو نفس مستواها فهمتوووووا شي

وفاجني ولدي البارحة قال لي ماما تعالي شوفي وراواني صورة في جواله الا ابو الشباب ما ادري ابو الهم والغم اشترى اللي ما عجبني وركبه بشكل طولي على جدار الدرج بشكل مقزز واللون ينرفز اصفر وطبعا انا حزتها قامت تتنطط قدامي العفاريت وما خليت ولا بقيت حتى قلته مستحيل اسكن فيه الا اذا بتكسره او تحط عيه ورق جدران فقاللي لا ذا ولا ذا ما راح أغير شي اترككم مع الصورة الخيبة





هااااااا وش راااايكم مو من حقي انهار وربي مو طايقة عمري الله يكون في عوني وعون كل وحدة في راس زوجها تنكة عودة :)