من فيها مرض روحي ووقفت العلاج ,,, تعالوا بنات نفضفض لبعض

هلا حبيبتي انا بعد كنت اتعالج من المس ماخليت ولا بقيت شي ماسويته

الحمدالله احس بتحسن لكن يصيبني ملل واترك العلاج وارجع له مره ثانيه

لكن بوصفه ثانيه حرمه قرت علي قالت اللي فيك متعب اتعبني انا وانا اقرى عليك

وانتقل لبناتي او بالأصح يآذيهم عشان يشغلني فيهم واترك العلاج وهذا اللي حاصل

لكن ماقول الا حسبي الله ونعم الوكيل

لكني مستمره على الأذكار والتحصينات اذا بطلع او بيجيني احد احس اني تمام لمن اتحصن

لكن اذا نسيت احصن نفسي وعيالي لازم اتعب اذا جيت واحس بضيقه وما اطيق عيالي وربي

احس اني قاسيه على عيالي حبايبي بس مادري وش اسوي مالي الا الصبر حتى اخاف يكرهوني من

كثر ما اهاوشهم على اتفه الأسباب اخ بس فتحتي جروحي المسكره الله يشفينا ويعافينا يارب

يااااه ياشادن دمعت عيني

نفس الأعراض اللي أحسها بالضبط وكله كوم والتسويف في العلاج وقراءة القرآن هذا كوم لحاله

يارب إشفيني وأختي شادن وكل مرضى المسلميييييييين اللهم آمين

انا نفسك بديت اتعالج وكنت متحمسه كثير بالبدايه وبعدين توقفت عن العلاج معرف ليش فجأة

والحين احاول ارجع كانه شئ يمنعني بس جالسه اجاهد نفسي عشان اكمل

كنت سورة البقرة اخلصها مرتين بالبوم صرت الحين اخلصها بيومين

وربي يشفيك ويشفيني ويشفي الجميع

شادن ياقلبي تعوذي من ابليس انتي عارفه علاجج وين انتي جالسه تقنعين نفسج انج اللحين احسن انتي عارفه حلج وين انتي في موضوعج الاول روحي اقري ردي شوفي وش كتبت لج شادن هذا الشعور بالسعاده والراحه هذا شعور العارض اللي فيج انتي لن تكوني سعيده بدون ماتجاهدين نفسج واتعالجين لازم لازم لازم تتعالجين اقلهااا اقلها اشتركي في برنامج للشيخ ابو شاهين برنامج جدا حلو وقوي اسم البرنامج يكفي الم ويحط لج صفحه وتكتبين كل شي يصيبر معاج بالبرنامج تدرين شنو البرنامج ماتتخيلين البرنامج بس تشربين ماي مقري واتكررين لا اله الا الله وحده لاشريك له له الملك وله الحمد وهو على كل شي قدير تقولينه مو اقل من 2000 يعني يومج كامل تقولن هذا الذكر ترى تشوفينه بسيط بس ترى قوي جدا جدا على العارض خاصه اللي يحسون بكسل شوفي شادن كلنا تضايقنا عشانج ونبيج تتعالجين بس بقولج شغله اذا انتي ماتبين التغيير والشفااء وبتجلسين تلومين فلان وعلان محد بيتعب وبتتوقف حياتها الا انتي محد راح يكون تعيس الا انتي انا ماراح اصفق لج واقول برافو ولا بقول ايه فعلا ماالومج توقفين لااا انا بقول انتي في اختبار من الله عز وجل يبي يشوفج بتلجأين له قلبج متعلق في من في المشايخ اللي امنعج اخوج منهم ولا في الله الشافي المعافي اقلها صلي اقري اذكارج لاتعطينه فرصه يقوى ادعي الحي بالدعاء ادهني جسمج بزيت مقري لاتقولين حالتي لازم مطوع قوي نفسج خلي البقره 24 ساعه شغاله بالغرفه ارجعي لردي واقريه بتمعن شوفي وش الحكمه من اللي يصير لج ولاتصيرين مثل اللي ترك الامر بالمعروف والنهي عن المنكر خوف من الرياء لاطال الاجر ولاطال شي لاتخلين الشيطان يلعب فيج وعظمي الله في قلبج شيطان ذليل تحرقينه حررررق بالقرااان ليه تعطينه فرصه يتحكم فيج ليه السلبيه ليه الاستسلام ومعاج الله العزيز الجبار القوي القهار توكلي على الله فمن توكل على الله فهو حسبه

أنا والله أستمر في العلاج بس أوصل لمرحلة أتعب بالمرة وأحس كل الدنيا
صارت ضدي حتى أمي أحس الشيطان يلسطها على ومع الضيقة والضغوط والتعب
أوقف العلاج وعلى ذا الحال خمس سنوات تركت دراستي الجامعية ،فقدت صديقاتي
وهذا حالي كل اللي بعمري تزوجوا بس إن شاء الله بحاول أرجع أستمر على الرقية والعلاجوالله يعين
كلامك درر أختي تعبت أقوم واطيح
الله يعينا ويفرج عنا يارب ويجمع لنا الأجر والعافية يارب .