(( من قال ان رمضان شهر اكل ؟!! )) تعالوا معانا نثبت العكس

No0o0oR :

اول شي ايش اسباب فشل كثير من البنات في تخفيف وزنهم اولا : كثير منا ينوي يسوي ريجيم .. لكن ما يبدى باي خطوة كلنا زعلانين من وزنا الزايد كل وحدة فينا نفسها لو جسمها يتعدل من جانب معين وكل وحدة فينا في بالها صورة الجسم اللي تحلم في يوم توصل له وكل وحدة دخلت لهذا القسم اكيد تتمنى في يوم تخسر وزن وهذا دليل انا كلنا ننوي انسوي ريجيم ونلعب رياضة وكل شي ندخل النت وانزل كل الانظمة الغذائية ونشترك مع قروبات وكل شي لكن نادر اللي يخطي الخطوة الاولى .. ومعروف بدون ما الانسان يخطي خطوة .. اشلون ييبغي يوصل ؟؟ العيب مو في الريجيم ولا في الرياضة ولا في اجسامنا ؟؟ لكن العيب في اننا لنا سنين ننوي انسوي شي كل الانظمة الغذائية مخزنة على الجهاز وكل ما انحفت وحدة رحنا طيران اخذنا الريجيم من عندها وطبعناه كل النوادي الرياضية سائلين عنها ونفهم فيها اكثر من الغير لكن تنقصنا الخطوة الاولى .... نصيحتي للبنات .. اذا نويتي اي شي في حياتك مو بس ريجيم اي شي .. ابدي فيه اليوم لا تقولين بكرة لا تقولين بعد شهر لا من يدري ايش راج تكون ظروفك بكرة اذا نويتي شي ابدي فيه اليوم ترى اليوم بيعدي وبيروح علينا ولا بيرجع اذا ما استغليناه ترى ضيعناه وراح وشوفي كم بنت فشلت في تخسيس وزنها لانها اصلا ما بدت وهذا الشي فعلا لاحظته نصيحة للي فعلا ناوية اتغير من نفسها وحياتها .. اذا نويتي اي شي في حياتك ابدي فيه على طول في نفس الدقيقة اللي نويتي فيها وصدقيني وقتها راح تستمرين واتكملين لين الاخير واذا ضيعني على نفسك حتى لو نص اليوم اعرفي انك راح اتضيعي هالشي عليكي ايام وايام من بعد هاليوم . . . . يتبع

اول شي ايش اسباب فشل كثير من البنات في تخفيف وزنهم اولا : كثير منا ينوي يسوي ريجيم .. لكن ما...

No0o0oR :

النقطة الثانية اللي لاحظتها ... كثير منا يبغي يبدى نظام ريجيم لكن ما يبغي شي من حياته يتغير وهذا سبب ثاني ومهم ويخلي كثير بنات ما يستمرون بالريجيم حلو كثيييييير انك تبدين الخطوة الاولى لكن الاحلى انك تهيئي لنفسك الجو اللي يساعدك على الخطوات الثانية الريجيم نظام حياه اشلون انا ابغي اغير وزني اللي تكون له سنين وشكل جسمي كله بدون ما اغير نظام حياتي !!!!!! خلي انقيسها على شي ثاني اذا الوحدة فينا بدى دوام الدراسة عندها .. ما يتغير نومها ؟؟ ما راح يتغير جدولها في الطلعات والروحات ؟؟ ما راح تتغير اهتماماتها ؟؟ اكيد كل هاذي الاشياء راح تتغير طيب اليوم اللي ننوي انسوي الريجيم ليش مو مستوعبين ان هذا نظام حياه لازم يومي يتنظم .. على نظامي الغذائي مستحيل السهر اللي سمني امس راح يضعفني اليوم مستحيل يا بنات بالعكس اللي تبدى ريجيم لازم تعتمد تنظيم ساعات النوم عندها والا ما كانها سوت شي !!!!! وغير عن هذا .. لازم العادات اللي ساعدت على السمنة نتركها يا بنات السمنة ما جات من الاكل وبس روحي شوفي في ناس ياكلون اللي ما يناكل في فرنسا موجود احلى المطاعم والكافيات اللي تسوي احلى الكيكات لكن ان رحتي هناك مستحيل اتلاقين وحدة وزنها زايد والسبب لان نظام حياتهم غير هم يدخلون المقاهي هاذي وياكلون احلى انواع السويت لكن في المقابل عاداتهم اليومية صحية يصحون الصبح يلعبون رياضة يمشون يشربون اعشاب طبيعية مفيدة وعشان هالسبب لما نزلت النظام نزلته كامل وشامل وخليت النظام الغذائي اختياري لازم اذا اتسوين ريجيم اتنظمين اوقات النوم عشان يومك يكون منظم ويساعدك في اتباع الريجيم . . . .يتبع

النقطة الثانية اللي لاحظتها ... كثير منا يبغي يبدى نظام ريجيم لكن ما يبغي شي من حياته...

No0o0oR :

وبعدين يا بنات الموضوع اللي كلنا وغلبنا هاملينه للاسف الرياضة يعني لما توصل الوحدة فينا لدرجة تحرم نفسها من الاكل اللي اتحبه ومن كل شي وتهمل جانب الرياضة من جد حرام يعني رضينا على نفسنا الشي الصعب واسخسرنا عليها الشي المفيد شوفي هاي شي واحد من فوائد الرياضة وللرياضة فوائد كثيرة منها : الحفاظ على الوزن والوقاية من السمنة والوقاية من الاصابة بالسكري وارتفاع ضغط الدم وأمراض القلب وتقوية عضلات الجسم والتخفيف من مشاكل أمراض المفاصل والروماتيزم وهشاشة العظام وتحسين الحالة النفسية والمعنوية حيث أنها تساعد على التخفيف من القلق والاكتئاب والمشاكل النفسية. والمشاكل النفسية باحراق الدهون المختزنة بالجسم من هنا نجد أن الرياضة تعتبر ضمن أساسيات الوقاية من الكثير من الأمراض المزمنة. وعن تجربة يا بنات .. كل مره لما اسوي ريجيم بدون رياضة النفسية عندي ما اتكون حلوة كله اكتئاب وارهاق والسبب هو تغير نظام الاكل المفاجئ واللي سب تغير في الهرمونات وهذا اللي يسبب الاكتئاب والمزاج المتقلب لكن هالمره .. اعتمدت المشي والرياضة والله يا بنات غير احس نفسيتي احسن ومرتاحة مو حاسه بضغط الريجيم نفس اول لاني بالرياضة اخفف التعب النفسي علي غير ان المشي يفرز هرمون السعادة وهذا الهرمون سموه بهالاسم لانه يوصل اشارات سعادة للمخ غير الاحساس بالخفة والنشاط وغير ان الشي هذا مفيد للبشرة وللشعر لان الرياضة تضخ دم لهاذي الاماكن جربوا مره ابدوا الريجيم مع رياضة وشوفوا الفرق ومن جد خلاص عشان يكون هذا نظام حياة وانحافظ على اجسامنا بكرة من كل شي , , , يتبع

وبعدين يا بنات الموضوع اللي كلنا وغلبنا هاملينه للاسف الرياضة يعني لما توصل الوحدة فينا...

+4