أحـس كنّـي فاقـده كـل ذاتـي
مادري وش اللي بعدها يحترينـي
من يوم غاب اللي حضوره غناتي
وأنا ادري ان اقصى المواجع تبيني
حاولت ألملم بالقصائـد شتاتـي
أثر القصائد همهـا00 محتوينـي
وشلون أبهرب من بعض ذكرياتي
دامه جميـع الذكريـات وحنينـي
من قبل ماالبس برقعي أو عباتـي
وغلاه لابس نبضة القلـب فينـي
كنت أفتخـر قـدام كـل البناتـي
وأقول هذا اللـي أبيه00ويبينـي
وكان الغرور بداخلي من صفاتـي
وكان الجنـون بدنيتـه يعترينـي
واليوم والله رأس مالـي سكاتـي
ونظرة وداعٍ ساكنه وسط عينـي
أعيش فيها مابقـى مـن حياتـي
ماهمني من ذنبهـا وش يجينـي
لابد مايـومٍ يجـي بـه ويأتـي
ويشوف بعيونـه سوايـا سنيـن
منقول لاحدى الشاعرات
يلزم عليك تسجيل الدخول أولًا لكتابة تعليق.
الصفحة الأخيرة
قصيده ... جميله ...جدا ....
اختيار موفق ...