سعودية عـز :

هلافيك اختي... انا لما قريت الي كتبتيه حسيت كأنه انا الي قاعده اكتب لكن قبل سنه واربع شهور!!! ورد الأخت ذرة الإسلام راااااااااااااااائع جزاها الله خير --------------- انا جبت شغاله وكانت تمام وراحت وبعدها جبت وحده جلست سنه وبالمووووت وبعدها انحاشت ,ثمن جبت شغاله اندنوسيه وربي ماكملت شهرين وهي بس صياح ونياح وذلفت وجت البديله حقتها وشلعت قلبييييييييييي وكل يوم تبي تروح وانا اتصبر واطنش لأني كنت حامل وبالشهر الأخير ,فا وش سوت هي؟ راحت للمطبخ وجابت سكاكين بنت ابوها ورفعتهم بوجه ولدي الصغير وتقول اروح ولا في موت!!!! الحمدلله جت سليمه وربي قواني ودفيتها وسكرت باب بالمطبخ وبلغنا الشرطه وذلفت ..وعلى فكره تدرين وشو عقابها!؟ لأن الجريمه كانت الشروع بالقتل والتهديد!؟ عقابها خذوا قيمة التذكره من رواتبها وسفروها!!!!!!!!!! عاشت الأنظمه . --------- المهم بعد العذاب هذا كله قلت خلااااااص مابدهاش ,لازم اعتمد على نفسي ونترك سالفة الشغالات الي ماوراهم غير وجع الراس والفقر ,وبعدين وش فرقنا عن الدول الغربيه! وهم يملكون اموال اضعاف الي عندنا ومع كذا معتمدين على انفسهم... مشكلتي موظفه ..بالبدايه تعذبتتتتتتتت وبإيام كسلت وبدت همتي تضعف,,ومع مرور الأيام عرفت شغلات انقذتني المواعين لاتتراكم ابد,اغسليهم أول بأول الملابس مره بالاسبوع والكوي وقت الخروج بس غرفة العيال هم ينظفوها وطبعا ماعتمدت عليهم بجد الا من تو مع كثر التكرار والعقاب والهدايا يالله تعدلوا ملابسهم بسله خاصه بغرفتهم,وجزمهم اول مايجون من المدرسه بدرج مخصص للجزم وشنطهم بغرفتهم وزوجي يغسل ملابسه بنفسه أو برا (أصحي الفجر واسوي غداي واحطه بالثلاجه ثمن اتوضاء واصلي واسوي فطور خفيف واصحي العيال وابوهم يروحون لمدارسهم وانا اروح لدوامي,يبقى ولدي الزغنون اخليه عند امي الله لايحرمني اياها.. واجي من الدوام اصخن الغداء ,نتغداء وكل واحد ياخذ صحنه ويحطه بالمطبخ وعلى طول على الفراااااااااش خخششششش ولما اصحى اغسل المواعين واسوي قهوتي وانتقهوى وانظف المجلس والصاله اهم شي اخاف يجينا احد بهالوقت..وبعدين اجلس على الكمبيوتر مرتاحه وماعندي شي وباليل انوم العيال واغسل الحمامات واجهز ملابسنا حقت بكرا ونقعد شوي انا وزوجي بعدين نروح نشخر) عاد كان زوجي ناوي قبل شهر يقدملي شغاله وانا ماقلت لا ,اخاف يتغير رأيي واتوهق,فا سكت ولما جا وقته قال يالله بنروح نقدم قلت كم معك!؟ قال تسع الالاف قلت تزيدهم الف واسوي ليزك لعيوني وبلاش من سالفة الشغاله!!؟ هو ماصدق :32: وانشكح من الوناسه وقال يفدنــــــــــــــــك والحين عويناتي يهبلن وانا ماشيه بشغلي وبالبيت وربك دبرها

هلافيك اختي... انا لما قريت الي كتبتيه حسيت كأنه انا الي قاعده اكتب لكن قبل سنه واربع...

الدمعه الدامعه** :

انا يابنات مرتاحه جسديا لكن نفسيا لالالالالالالالاالاالاالاالاالاااالاالالا والله يالشغالات مامنهم غير المصايب والله اعاملها بكل طيب والي تبغاه يجي لحد عندها آخر شي تنافخ علي وماتكلمني الا من مناخيرها شغلي كله صارت اتسويه على كيفها واكتشفت انها تغسل المناشف بعد ملابسها راقبو شغالاتكم والله راح تلاقين البلاوي ياكثرها بناتي تضربهم وانا كنت لاهيه واثقه فيها حتى احترام معد تحترمني لكن وريتك فيها كانت عايشه في عز لكن ذلحين والله بعد التربيه ماشيه زي الألف مافي اشر من الأندنوسيات حقدهم دفين هي باقيلها 5شهور لكن مع السلامه راح اتعود على شغل البيت حتى نفسيت الوحده ترتاح والله يعينا على البيت وتنضيفه وعلى الغبار لو ماني حامل والله ماتقعد دقيقه وحده انا بأعرف امهاتنا والله ماكانو يعرفون الشغالات امي كانت تطبخ وتغسل وشتغل الشغل حقهم بالمكينه حتى ملابسنا حقت العيد تخيطها واتذكرها لما كانت حامل بتؤم كيف كانت تكوي تحط مسند فوق مسند عشان ظهرها واحنا ليش رغم كان شغلهم اكثر من شغلنا وهم الأن بعد ماربو وكبرونا والله ماشاء الله بصحه وعافيه احسن منا انا قررت ان شاء الله استغني عنها والله يكون معي ويعيني

انا يابنات مرتاحه جسديا لكن نفسيا لالالالالالالالاالاالاالاالاالاااالاالالا والله يالشغالات...

راية السنة :

السلام عليكم،،،، قال عليه الصلاة والسلام لابنته فاطمة – رضي الله عنها – لما أتته تسأله خادما وشكت العمل فقال : ألا أدلك على ما هو خير لكِ من خادم ؟ تسبحين ثلاثا وثلاثين ، وتحمدين ثلاثا وثلاثين ، وتكبرين أربعا وثلاثين حين تأخذين مضجعك . متفق عليه هذي الطريقة انا مجربتها وفعالة جدااااااا تقومين اليوم الثاني وفيك نشاط غير طبيعي وفي رواية ثانية للحديث بس مو متاكدة من كلماته ان الرسول عليه الصلاة والسلام قال هذا الحديث لعلي بن ابي طالب وزوجته فاطمة رضي الله عنهما يعني الذكر مفيد للرجال وهذي الطريقة مرة ثانية سبحان الله ( 33 مرة ) الحمد لله ( 33 مرة ) الله أكبر ( 34 مرة ) فائدة اخرى تقال هذه الاذكار بعد الصلاة في حديث كعب بن عجرة – رضي الله عنه – مرفوعاً : معقبات لا يخيب قائلهن أو فاعلهن .. ثلاث وثلاثون تسبيحة ، وثلاث وثلاثون تحميدة ، وأربع وثلاثون تكبيرة ، في دبر كل صلاة . رواه مسلم

السلام عليكم،،،، قال عليه الصلاة والسلام لابنته فاطمة – رضي الله عنها – لما أتته تسأله خادما...