كوبونات الراقية تسجيل الدخول

* مملكة الورد *
* مملكة الورد * •
غريبة ... مافيه أحد عنده أفكار جديدة تخلي الشغل مسلي
بدل ماهو مقرف .. وتخليه سهل بدل ماهو صعب
جوري رهف
جوري رهف •
حمودي وعبودي حمودي وعبودي :
لا يمكنك مشاهدة هذا التعليق لانتهاكه شروط الاستخدام.
مادري أختي أسمحيلي أحسك مو عايشة معنا في نفس الواقع ..

اللي يقرا كلامك ... يحسبك تتكلمي عن انسان ألي .. ينفذ كل اوامرنا بلا كلل أو ملل أو احساس..

ذكرتيني بافلام الربوت المنزليي


يا أختي لو كان الحال زي ماقلتي ماكان أحد أشتكى ولا كنا بحاجة نكتب هالموضوع ؟؟؟



اضرارهم ومشاكلهم .. وغثاهم .. مصايب وفواجع ومأسي ...


وما يحتاج .. أتكلم عن بلاويهم ... لأني لو بكتب لبكرة ماخلصت ..

نجي نتكلم عن مبرراتك لوجود الخادمة

طيب فيه كثيييييييييييييييييير من نماذج البنات .. اللي قدرو يتفوقون بدون خدم ..

أكيد كلنا نحب نجلس مع ازواجنا [احسن مظهر .. ونقدر نسويه بدون خادمة .. وإذا ع البصل .. اللي يخلي
الفرامات ماعاد أحد يقطع بيده هالأيام ...



حبيبتي النظيفة .. واللي تحب النظافة مايعجبها إلا نظافتها لو ألف إيد تشتغل معها ..

وراعية الواجب .. واللي تحب تزور وتسقبل الناس مابيكون عذرها شغل البيت ...

الانسانة الذوووق والمحبة لزوجها بتتزين له مهما كان شغلها ...

الأولاد أغلى شي بالدنيا .. اكيد أحنا ليش نعيش إلا لهم ... وزي ماحب ألعب معهم وأمارس الهويات معهم
أحب أعتني فيهم بنفسي وبكل التفاصيل .. ومستحيل أخلي أولادي لوحدهم .. مع وحده
غريبة ... مادري في غيابي كيف تعاملهم وتنظر لهم ..


اللي خلت عيالها في غربة وقلبها مفطور عليهم ماراح يكون عندها استعداد تمسك عيال غيرها .. وبتكون مجبورة عشان الراتب ..وقليل منهم من تكون حنونه .. وأنتي عندك عيال وتعرفين كيف يغلبون ماحد يتحملهم غيرك ..

شوفي الأجانب ماشاء الله عليهم .. إذا على الجمال والاناقة .. أجمل مننا بأشوط .. ويخدمون ببيوتهم ..

إذا على المال .. أغنى مننا بمراحل بس ياحبيبتي .. عندهم أحساس بالمسؤلية بدال مايجيبون خدامه لأولادهم
تعلمهم الكسل والأتكالية ..يوفرون لهم هالفلوس عشان يدخلونهم أفضل المدارس والجامعات

وإذا على إن عيالهم قليل واحنا كثير .. ماشفت فرق بين عدد افراد الاسره عندهم وعندنا وشفت أجنبيات عندهم
بالسبعة وبالثمانية .. وفكرة خادمة ماطرت على بالهم

وإذا على طلعاتهم الخاصة مع أزواجهم هم أشطر مننا فيها وشي أساسي في علاقاتهم .. والحل البديل عندهم
جليسة أطفال .من الأقارب أو الجيران
. تقرا لهم .. وتعلمهم مو زي اللي عندنا زين إذا ضربتهم بس لا وتصير مجرمة لو فتشت في أغراضهم
أجل لو يشوفون البلاوي اللي عندنا .. وش كانو سوو



أنا ماني ضد الخدم لأنهم بشر ... وماجبرهم علينا إلا لقمة العيش .. بس أللي قهرني أعمالهم الشنيعة ..
والمشكلة مو وحده ولا ثنتين بل السواد الأعظم منهم ..

لا تقولين الرجال عيونهم زايغة .. الرسول عليه الصلاة والسلام يقولك ماخلا رجل بامرأة إلا كان الشيطان ثالثهما ....
والله لا يحملنا ذنوب هالأزواج والأبناء ..

لي عودة
جوري رهف
جوري رهف •

المستفاد من الكلام ..

يا أخواتي .. كم ساعة عندنا باليوم 24 ساعة

8 أو 10 تروح بالنوم .. وكل ما طال نومك قمتي مكسلة ..

يبقى 16 أو 14 ساعة ... لو قمتي بدري

ونظمتي أمورك بالبيت ..

مارح تقضين في شغل البيت إلا .. 4 ساعات فقط وهذا إذا كان بيتك كبير دورين

إذا شقه .. ساعه ونص وانتي خالصة ..

وباقي الوقت سوي فيه اللي تبين

الأولاد ممكن يتعبون إذا كانو صغار إما إذا كبروو وعودتيهم على التعاون والمساعده بتلاقينهم ايدك اليمين

وبساعدوك على الأقل أن كل واحد يخدم نفسه

وكذا تضربين عصفورين بحجر .. تعلميهم على التعاون وتحمل المسؤلية والإستقلالية

وتلاقي من يشيل عنك حمل نفسه ..

... الخرجات الرومانسية مع الزوج .. حلها بسيط ..

إذا كنتي ساكنة في مدينه مع أخواتك أو صديقاتك أو أي أحد تمونين عليه ..

خليهم عندهم .. وبعدين إذا هم بيطلعو نفس الشي أنتي تمسكين عيالهم ..يعني بالعربي نظام أمسكي عيالي أمسك عيالك

استخدمي الإجهزه الحديثة اللي تعينك لا وتنظيفها احسن من تنظيف الخادمات .. ألف مرة .. وبتوفر عليك الوقت والمال ..وتعيش عندك سنين

الملابس غسالة فل أتماتك .. ما كأنك تغسلين ..

غسالة الصحون .. مريحة جدا ..

والباقي شغلات سهلة وتخلص بسرعة ..

وإذا كنتي تعبانه ومالك خلق .. خذي لك اجازه .. يوم يومين .. أسبوع .. أكل جاهز .. جيبي شركة تنفض لك البيت كله وتخلية يلمع

والأهم من هذا كله تذكري وأنتي تتعبي في الشغل أنك مأجووووووووووووووووووووووووورة ومجاهدة في سبيل الله

أيهم أفضل الجهاد والا الراحة والخدم ..

الله يرحم أمهاتنا ويجزاهم جنات النعيم .. كل شغلهم على أكمل وجهه قيمين بامور الزوج والبيت والأولاد .. راعيات واجب ولا يقصرون عن الجيران والارحام .. وكثير منهم مازال بصحة وبعافية وزي الفل
ليش هم قدرو وإحنا لا ..

كلمة أخيرة

.. الخادمة يا أخوات للمحتاجة للمريضة اللي ماتقدر تقوم بنفسها فضلا عن غيرها ..العاملة أللي ماتلقى وقت لبيتها ..
ولو وجد نظام شركات متخصصه في تأجير اللخادمات تكون تجي وتروح دون إقامة كاملة بدون ما تكون غالية .. أو غير نشيطة .وعليها رقابة ... يكون الحال أفضل أن شاء الله
أتمنى لكم بيوت مليئة بالسعادة والطمئنينة
* مملكة الورد *
* مملكة الورد * •
أختي ..جوري رهف ..
يااااااااااااااااه والله تمنيت إن كلامك ما خلص
مشكوووووورة من كل قلبي الله ييسر أمرك ويصلح لك ذريتك وزوجك
الله يجعل هالكلمات في موازينك يالغالية
بإذن الحي القيوم ماراح أجيب شغالة طول حياتي
:39:
جوري رهف
جوري رهف •
\

/

\

/

الله يسلمك أختي والصراحة كنت كاتبة كلام وش طوله بس أختصرت قدر الإمكان ..