على حسب نفسيتك انا ما احب الشغالات مع ان عايلتي كبيرة جبت كثير بس با الاخير ما عاد ابي
الصفحة الأخيرة
هذا ثالث إسبوع لي بدون خدامة (حطيتها عند أهلي لان امي بحاجتها لين تجي خدامتها ثم بسفرها والله يغنني عنها)
بيتي كبير الحمدلله حوش ومسبح وسطح وثلاث أدوار ووظيفيتي اشتغل عن بعد في شركة (مكتب منزلي)
الي يساعدني إن الدور الارضي ماتأثث لسى بس ناوية عليه كله بكون بسيط فملحوقة خير إن شاءالله
شغلي كله بالدور الثاني + المطبخ بالدور الارضي + السطح عشان فيه الغسيل
تعبت من الرقية والنزلة فيه حمام فاضي بنزل فيه الغسالة الاوتماتيكة وبنشر نشر خفيف بغرفة الملابس بعدها عالدواليب مايحتاج سطح إن شاءالله
وبنتي صغيرة وتحوس الله يصلحها بس مقدور عليها إن شاءالله
مشكلتي التراب والمكتب لأني اشتغل بالبيت ومكتبي أنواع العفسة ونفس الشيء مكتب زوجي أرتبهم الصباح ولا ودك تشوفين أشكالها بالليل
ويزيد عليها زوجي يأكل وجباته على مكتبه:(
لكن في تنظيم حلو ماشية عليه اللحين متعب بس ماتجي الساعه 11 الصباح إلا وأنا مخلصه البيت والملابس بالدواليب ومسكرة على كل شي بس اجلس اشتغل وظيفتي من 11 إلى 2 ثم انزل ازين غداي واكمل الشغل (الوظيفة) العصر وقت شغلي عالكمبيوتر احتاج احد يمسك بنتي من تالي صرت اجيب العابها عندي بالمكتب واشغل التلفزيون على براعم واعطيها الايباد محمله فيه كل حلقات روزي وتزعجني بس والله ازاعجها ولا صراخ الخدامة عليها وتمسك اي كلام وفي كل الحالات بنتي بتنشب لي وانا اشتغل الله يغنيني عن هالخدامة للابد اصبر نفسي أقول تكبر بنتي وتتعود تلعب نفسها وتلهى
والله يعيين
بس ناقصني تنظيم أكبر ودي أعيش بيت الاحلام بالتنظيم الي في راسي ومو صعبة أبدا بس ربي يسهلها إن شاءالله وأحتاج مكنسة الدور الثاني باركية والارضي رخام والثالث سيراميك أبي مكنسة ماتكون ثقيلة تنفع لكل الارضيات أو مكنسة لكل دور مو مشكلة عندي أهم شي مايتعبني شيلها ونقلها وتنظيفها
وأبي حل للكوي زوجي يأخذ ثيابة للكاوي بس كل يوم يلمح تكوينها؟ وأنا مااكوي ملابسي غسالتي 70٪ تجفيف بس انشر الملابس بطريقة ماتخربها وتطلع مقبولة وألبسها بدون كوي لكن الثياب صعبة
تقريبا إذا لقيت مكنسة مريحة وكواية مريحة انحلت 50٪ من مشكلتي و 20٪ لو عندنا دور حضانة ومراكز رعاية نهارية ومسائية ممتعة للاطفال والله يبارك بالوقت