الله يسعدكم والله استفدت منكم وحمستوني بشكل ماتتصورونه بالذات ان الادوات الكهربائيه الي تسهل الشغل كلها عندي وشغالتي بتسافر بعم كم شهر وسالت قبل كذا بس ماشفت رد
قبل لاتسافر وش اهم الاشياء الي ممكن اخليها تسويها لي تريحني من الشغل بعدها لو اسبوعين انا مقرره اعزل الدواليب حقت الملابس وكثير كركبه بالمخزن ودي ارميها وارتب الي يصلح وودي بافكار منكم بالذات الي سفرت شغالتها وش سوت قبل من اشياء ممكن تفيدنا
الله يسعدكم والله استفدت منكم وحمستوني بشكل ماتتصورونه بالذات ان الادوات الكهربائيه الي تسهل...
اول ما اتزوجت كنت صغيرة ودلوعه وكنت ادرس ومافي من يمسك اولادي فكان لابد من وجود الشغاله وبعد ماخلصت دراسه وجبت المولود الثالث راحت الشغاله كان عندي امل ترجع وجا بعدها رفع اسعار الاستقدام فقرر زوجي انه ماراح نجيب بعد ها
السنه الاولى كانت انتحار عصبيه وتعب وزعل وفوضى لاني ما كنت عارفه كيف انظم وقتي واولادي كانو يتوقعو مني كل شي زي ماكانت الشغاله تلبي طلباتهم
السنه الي بعدها بدات اسيطر على وقتي واولوياتي وبما ان الاولاد كبرو بدات احدد لهم مسؤولياتهم ونتساعد ومرت علي خمس سنوات بدون اي شغاله وقدرت اسافر واروح واجي واسوي كل شي مع وجود التعب بس راحه نفسيه ماحسيتها قبل كذا وكتب لي ربي وحملت وقرر زوجي انو لازم نستقدم وجات وحده طلعت عيوني واتحملتها كانت تتأمر جلست 9 شهور وبعدها سفزتها غير اسفه عليها ولا على الخساره والله انها حرمتني النوم ان زوجي كان يخاف على الاولاد منها
انتي قدام خيار راحت القلب وتعليم اولادك امور ماتتخيليها انهم ممكن يبدعون فيها بنات واولاد
او الاستمرار في الراحه التي تعتقدينها والمعانات بانواعها
والله يكتب لك الخير اسفه على الاطاله