========
ملحوظة:الحوار من نسج خيالي!!!
ريم وياسمين....صديقتان كل منهما له تفكيره ونظرته للحياة...ياترى من تؤيدين منهما؟؟
أترك لكن الإجابة بعد قراءة الحوار!!
========
اجتمعوا ريم وياسمين للمناقشة كالعادة في موضوعات يومية تهمهم وكلٌ منهما تحمل قناعات معينة.....
ياسمين:لولا المنتديات ماكنت أدري اش كان راح يصير فيني!!!!!
ريم:مافهمتك؟؟؟؟
ياسمين:كل يوم أدخل وأكتب عن مشاكلي مع زوجي وأستمتع بقراءة الردود!!
ريم:السالفة نشر أسرار يعني؟؟؟
ياسمين:لا طبعاً فضفضة!!!
ومافيها شي طلب الاستشارات!!
ريم:تقصدين كتابة الشكاوى؟!!
ياسمين:وشفيك علي ياريم؟؟
ريم:مافيني شي..بس عندك خلط فظيع في المسميات!!تنشرين أسرارك تحت مسمى الفضفضة!وتشتكين وتحكين عن خصوصياتك تحت مسمى طلب الاستشارة!!وياترى تلاقين حلول مُرْضية؟؟؟؟؟
ياسمين:أكذب عليك لو قلت لك إني لقيت حلين يشبهون بعض!!كل عضوة ولها طريقتها في التعبير وحل الأمور!!
ريم:تقصدين تعقيدها!!
ياسمين:مو عن قصد!!
ريم:شوفي ياعيوني.. كتابة المشاكل الزوجية بالمنتديات لي ملحوظات عليها:
-أولاً صايرة موضة هاليومين!وغالباً مانلقاها إلا بالمنتديات العربية!!وهذا شي يتعارض مع قيمنا كمسلمين..ولنا عقيدة لها أسس وتجعل الزواج علاقة سامية يسودها المودة والرحمة...
-ثانياً:مو كل مشكلة نمر فيها لازم نخليها قضية الموسم ونكتب عنها!المفروض الوحدة ماتلجأ لكتابة استشارة إلا إذا استعصى الحل عليها جداً وباءت كل السبل بالفشل!!
-ثالثاً:طرح المشكلة ماتكون على أي شخص!المفروض تُطرح على أهل الخبرة والاختصاص المؤهلين لذلك ...لكن لما تطرحينها بين بعض العضوات اللي مالهم خبرة فتحاول الوحدة منهم تشحنك بكلمات ممكن تساهم في تفاقم مشكلتك...لأنه حقيقية الأمر إنه بعض العضوات اللي يردون على مشكلتك ويحاولون انهم يفيدونك بحلول هي من وجهة نظرهم مناسبة لو رجعتي لموضوعاتهم بتتفاجئين من كتابتهم عن مشاكلهم الشخصية اللي مو قادرين يحلونها!!!!!
وقتها أبغى أطرح عليك سؤال:كيف أتوقع من شخص عاجز عن حل مشاكله..إنه راح يكون قادر على حل مشكلتي؟؟؟؟؟
-رابعاً:هل تعتقدين انه زوجك لو قرأ المشاكل والكلام اللي تكتبين عنه..بيرضى عليك ويزيد حبه لك؟؟؟؟ ولاقدر الله لو حصل لك هذا الموقف وش بتكون ردة فعله تجاهك؟؟؟؟
انتي عارفة انه هذا من باب خيانة الأمانة؟؟؟
ياسمين:عاد انتي لاتبالغين الله يصلحك!!
ريم:صدقيني ماأبالغ!اش معنى استئمان الزوج لزوجته على بيته؟؟بس حفظ مال وصيانة عرض؟المسألة أعمق بكثير لما تحافظين على أسرار البيت وخصوصياته وكل مايدور فيه فهنا راح تحققين معنى حفظ المرأة لزوجها بغيابه..
زوجك لو درى إنك تطلعين أسراركم عند الجيران كان زعل منك..أجل كيف لو عرف إنك تنشرينها عند الملايين على شاشة النت؟؟؟؟؟؟؟؟؟
وبعدين مايحق لانسان يتفلسف ويفتيك بحلول ويوقف معاك ويحسسك إنك مظلومة وممكن توصل لدرجة إنه يدعي على زوجك..وهو ماسمع المشكلة إلا منك انتي وحدك!!!
انتي عارفة لو تكلمتي عن زوجك بأشياء ماتسر وإن كانت موجودة فيه فهذا معناه انك اغتبتيه!!
ولو ماكانت موجودة فيه فهذا معناه انك بهتتيه؟؟؟؟؟؟؟
والبهتان والغيبة من عظائم الذنوب..وتاكل الحسنات مثل ماتاكل النار الحطب؟؟؟؟؟
ياسمين:الله أكبر عليك ياريم..يعني تبين تقولين لي إنك عايشة بسعادة مية% مع زوجك؟؟وحياتك مافيها مشاكل؟؟؟
ريم:لا طبعاً عندي خير وعندك خير..ومافي بيت خالي من المشاكل..أخواتك وهم أخواتك وكنتي بيوم من الأيام عايشة معاهم ببيت واحد أكيد مريتي بمشاكل معاهم..فمابالك بزوج يختلف عنك بالعمر والتربية والبيئة والخلفية الثقافية وهو ذكر وانتي انثى؟؟؟؟؟؟؟؟
ياسمين:إن حكينا فضيحة وإن سكتنا قهر!!
ريم:مدري متى بيجي اليوم اللي نصحى فيه وندرك معنى الصبر!نهتم بصغاير الأمور ونترك أكبرها!!ونختلق المشاكل ونعتقد الحل يكمن في ليلة رومانسية حالمة على ضوء الشموع!!!ولانجري فاقع اللون على أحدث طراز!!
ياسمين:وباعتقادك اش الحل؟؟
ريم:الحل ينبع من رغبتك في التغيير الجذري...لا تعتقدين انه المطلوب من الجميع يجون على كيفك وانتي ماعندك استعداد تكونين على كيف أحد!!!
ياسمين:طيب بالراحة علي..أحس إني ضايعة معك!
ريم:يعني شلون نطلب من العالم يتغير وإحنا عاجزين نغير أنفسنا؟؟إحنا لازم نبادر..ومايكون تغييرنا شكلي وبس!التغيير له مفهوم أعمق مماتتصورين..
ماقد تسائلتي اش خلى المشاكل الزوجية تزيد بعصرنا؟وكانت شبه نادرة بعصر السلف؟؟؟؟؟
ياسمين:أوهووووووه ياما تسائلت ومالقيت اجابة!يمكن لأننا صرنا متفتحين!
ريم:والله إحنا اللي مغمضين!!إحنا لو علاقتنا بربنا مثل ماكانت علاقة السلف بربهم ماكان هذا حالنا!لكن للأسف بيوتنا صايرة مرتع للشياطين وحِنا ماندري!
صور.. دِشَات..مجلات..أغاني..وغيرها مع نسيان كل الأذكار(في الجماع..والدخول والخروج من البيت..والتسمية)..هذي أمور تخلي للشيطان منفذ يدخل بالبيت ويقعد معانا ويبدأ بالوسوسة!!!!
ياسمين:خلاص لاتكملين!!!أبي أقرأ أراء بنات حواء!
بانتـــــــــــــــــــــــــظاركم!!!!!