هلا والله بالمعتصمه
اختي انا بنتي في ثانيه ابتدائي في الامريكيه والسعوديه وبعدين الله يذكر مديرها بالخير يوم عطاني منهج العران قلته ياخوي ترى ما راح احفظها اياه كل المنهج مره صعب عليها قالي يكفي من 15 سوره 8 سور وبنتي احفظت 6 يوم الامتحان قلت للمدرس اللي يمتحنها تراها ماهي حافظه الا كذا وكذا وكذا وامتحانها باللي حافظه والحمد لله والرياضيات يكفي من المدرسه الامريكيه بس اذا المدير سمح انه يمتحنه ويحط له الدرجات الله يجزاه خير لانه لازم الرياضيات والعلوم من الامريكيه بس مدير بنتي امتحنها مع ان بنتي ما تعرف الحروف بالعربي ولا العلوم بس جاوبت بالانكلش وعطاها ممتاز بس ما يندرا عن هالسنه الله يعين

غريبة والله هالامتحان !!
المعمول به في السعودية نظام التقييم ومافيه تقييم شامل
زي ما صار مع بنتك يمكن قصدهم ظروف الغربة !!
اللي أعرفه ان كل ولي أمر يقيم ابنه هذا للي ماعندهم مدرسة سعودية
أو اسلامية
يارب تكون الرياضيات من المدرسة الامريكية مالي خلق تدريسه بعد الله يرحمني برحمته
هذا غير السلوك والفقه اللي ما أدري وش منهجهم وما وصلتني الكتب الى الان !
بنات أحد صار له مثل حالتي متوترة ومتثاقلة والولد ما يشجعني بعد
عاد من يشجع الثاني الله يرحمنا يارب

حنيني العصر الحجري
حياكم الله والله يخلي لنا ولكم ما عطانا
كنت مثلكم العام الماضي واقول ياقلبي من السنة الجاية ويا الله كيف انطوت الايام
الله يحسن الخاتمة

:44: الحاااااااااااااااااااااااااااال من بعضه ..

الفرق ان أولادي في مدرسة أسلامية ...

عربي مااااااااااااااااااافي حصة وحدة في الأسبوع يعني ضياااااااااااااااااع

أشرق وأغرب في الطرق لتعليمهم العربي !!!!!!

النتيجة عشم أبليس بالجنة .....

وأختك ما قصرت شريت لهم قصص سهلة وبسيطة ......

وفي النهاية صارت تابع لديكور البيت .....:06:

هلا زهرة
معقولة مدرسة اسلامية وما يهتمون بالعربي ؟!
الله يرحم الحال
ياناس وش نسوي ؟؟
نداء للي قيموا عيالهم خاصة بصف أول وش سويتوا ؟؟

وعليكم السلام ورحمة الله وبركاته
ياهلا والله بالمعتصمه

صدقتي يالطيبه تهون كل مصاعب الغربه امام تعليم الابناء العربيه

من تجربتي مع عيالي وتجربة غيري لاحظت انهم يتقبلون التدريس من غيري اكثر

فاذا قدرتي انك تودينه لمدرسه يكون افضل له واريح لك
او سوي زي ماسوتmaui اتفقي انتي وحده من البنات اللي عندكم -اذا عندك احد- تصير تدرس ولدك وانتي تدرسين ولدها او بنتها

او جيبي احد ثاني يدرس مع ولدك هو متعب لك انتي لكن صدقيني بيكون تقبل ولدك اكثر
لانه بيكون فيه منافسه بينهم

وعلى حسب علمي ان المواد المطلوب تقييمها العربي والدين فقط
اما الرياضيات والعلوم تكفي شهادة المدرسه الامريكيه
لكن بعض الناس يحرصون على تدريس عيالهم المنهج السعودي علشان اذا رجعوا
باذن الله يكونون عيالهم على علم بالمنهج مايكون جديد عليهم
او اقل شي تكون عندهم فكره بسيطه عن الماده

وترى العربي بالمدرسه الاسلاميه يمشي الحال مهوب ذاك الزود
لانهم يدرسون العربي لغير الناطقين بالعربيه
فيكون سهل على عيالنا لان العربي اصلا لغتهم الاصليه
فتشوفينهم يدرسون الصف الثالث والرابع منهج الصف الاول والثاني عندنا
يعني المفروض انا مانعمتد عليه لحاله الافضل اننا ندرسهم المنهج السعودي


والله يعينك ويثيبك والله لايخيب تعبنا ولا تعبكم


سلالالالالالالالالالالالالالام