ليليان نجد :

والله كنت تتكلمين عني وعن عصبيتي على عيالي نفسي اكون بارده معهم ماقدرت اي شي ينرفزني خصوصا بعد سفر شغالتي وبعد تفكير بمشكلتي حسيت ان السبب بالعصبيه هي البيت وتنظيفه ودك ماحد يحوسه لكن غصب البزران مايخلون شي بمكانه مثلا انا لو عيالي دخلو وانتو بكرامه الحمام يلعبون بالماء تلقين اول ماسمع اصواتهم اجي طيران ومعصبه الي يشوفني يقول صايره مصيبه واطلعهم وضرب فيهم معنهم صغار خمس سنين وسنتين ونفس الشي لو كبو شي ولا كسروا حاجه ما اتحكم بنفسي تعبت والله معنى اشوف حريم ماشاء الله عيالها يحوسون وانا اشوفهم ودي اقوم عليهم وهن ولاهمهن اقصد ببيوتهن والله ان بنتي الصغيره سنتين اذا كبت شي تجي تعلمني وهي خايفه ماما كبيت من الخوف اتمني هالعصبيه تروووح منى دمررتني حتى لما عيالي يتهاوشون مااتحملهم ابد اعصب حتى زوجي يقول اذا انتي مرووقه وهاديه وجهك غير واذا عصبتي ودي بس تشوفين وجهك فشيله هههههه واذا جينا نفطر كل مررره يقول يالله ياعيالي قولوا اميين يالله كما حسنت خلقها تحسن اخلاقها واجلس اضحك ياربي صارت هالعصبيه حمل ثقيل على مااقدر اتخلص منها من جد افكر بحبوب مهدئه ولا يابنات تجي بنتي وولدي يمي يركضون ويضموني يبوسوني يقولون ماما نحبكي وانا مبوزه ودي يوخرون هذا اذا انا معصبه حتى زوجي شافني قال والله مافيك حنان الامهات عاد هاذي بنص الجبههه ههههههه وش نسوي عطونا حل يالامهات الهاديات المروقات وش السر عندكن اسعفونا وماقاهرني الا شغالتنا تسع شهور مقدمين فيها وللحين ماجت راح رمضان وانا كله معصبه مررره المكتب وعدنا فيها قبل رمضان وماجت واول رمضان وماجت من بعدها صارت العصبيه تتاكل بجسمي ماني متحمله اشغال البيت وعيالي قرب العيد وانا بزحمه هالاشغال من عذر الوحده تعصب اجل نفسي مالها حق بالراحه الله ياربي ينزل الحلم والهداوه علينا يارب لكل وحده تعاني .

والله كنت تتكلمين عني وعن عصبيتي على عيالي نفسي اكون بارده معهم ماقدرت اي شي ينرفزني خصوصا بعد...