هذه تجربه ثانيه كمان منقوله اقريها
السلام عليكم يا قمرات ان من فتره مدخلتش لاني كنت بتعالج من السحر عفاكم الله وكنت مكثفه كل وقتي اني اقاوم نفسي واخلص منن السحر ده
انا من خمس سنوات وانا بعاني مشكله مش عارفه ايه حلها واهلي مكنوش بيصدقوني ومكنوش معترفين بالسحر والجان
منن خمس سنين كنت ملتزمه جدا وبحب الصلاه والقيام والقرءان ولكن بين يم وليله كل ده اتغير
مبقتش عايزه اصلي ولا اقرا قرءان ولا اي حاجه وابتدت المأساه معايا
بقيت بشوف الجن بجميع اشكاله وكنت ببقا صاحيه ومره واحده حد بيكتفني وبغيب عن الوعي وبلاقيهم بيشدوني عشان ياخدوني معاهم بس الحمد لله كان ربنا جنبي ومكنوش بيقدرو ياخدوني لاني كنت بقرا قرءان بعقلي لغاية اما افوق
وبعد كده بقا بيجيلي الجن عشان يعاشرني ومكنش ببقا عايزه
بس بعد كده بقا بيجيلي في صورة شخص بحبه عشان اوافق علي المعاشره
حاولت كتير اتغلب علي نفسي بس مقدرتش فضلت كده سنتين وكان بيجولي بشكل مستمر
بعد كده بقا يجولي علي فترات وخصوصا لو رجعت صليت
بقيت بعمل تصرفات مش كويسه لاني كنت مجرد احط راسي علي المخده بحس ان في حد جنبي
واتخطبت تلت مرات وقبل الجواز في كل مره كان تحصل مشكله علي اي حاجه وتفشكل وانا اساسا
بكون مش طايقه خطيبي واي عريس يجي تحصل مشكله ويمشي لغاية ما اتعقدت
فضلت علي الحال ده التلت سنين اللي فاتو دول ما بين اني اصلي مره كل شهر واني مصليش خالص
لجات لشيخ يعالجني معرفش يعمل حاجه وقالي ان في حاجه متمكنه من جسمي اوي وهو مش قادر عليها بس اللي في جسمي مش مسلم
يهودي او ملوش مله طبعا جالي احباط لغاية من حوالي عشرين يوم
عزمت وتوكلت علي الله والتزمت بقراة سورة البقره يوميا وبالصلاه في مواعيدها والاذكار وقيام الليل
في اول اسبوع اتبهدلت كنت بخاف انام من اللي بيحصلي كانو بيجولي يخنقوني ويحولو يموتوني عشان ابعد عن الصلاه والقرءان
بس انا عاندت نفسي وعاندتهم وفي اخت هنا في المنتدي دلتني علي موقع صيحة الحق للشيخ محمد وحيد
ودخلت وحكيتله وقالي ان ده سحر لاني دايما كنت بشوف ان في ساحر بيعاشرني
واداني ايات السحر اقرءها علي ميه مع قراءة سورة البقره يوميا والاذكار والصلاه والبعد عن المعاصي وسماع الاذان يوميا لمدة ساعه الصبح وساعه بليل وسماعه ايه الكرسي لمدة ساعه يوميا
وفضلت علي كده لمدة عشر ايام كمان
يبقا كده بقالي 17 يوم بقرا سورة البقره يوميا
وجيت امبارح حلمت اني في مكان مظلم بس في نور احمر وكنت بقرا سورة البقره واول اما جيت عند اية الكرسي جسمي كله اتشنج ومكنتش قادره اقولها بس اتغلبت علي نفسي وقريت اية الكرسي وانا بقراها كان بيخرج من جسمي اسرررررررررررررررررررراب من حشرات سودا صغيره وقولتها تلت مرات وفي اخر مره سمعت صوت والله ثم والله زي صوت ملاك ربنا بعتهولي وقال بصوت خاشع اخرج بامر الله اخرج بامر الله اخرج بامر الله
وصحيت انا مره واحده علي اذان الظهر الله اكبر الله اكبر
قمت بكيت من شدة الفرحه واستبشرت خير اني ربنا شفاني من السحر
وارسلت للشيخ محمد وبشرني والحمد لله انه تم شفائي
وانا جيت احكيلكو بجد عشان تستفيدو من سورة البقره
والله يا بنات اللي عايز اي حاجه يتوكل علي ربنا حق توكله ويقرا سورة البقره يوميا وهتتحقق ياذن الله
انا عن نفسي مكنتش متوقعه ان حد هيقدر يشفيني من اللي عندي ده
بس بفضل ربنا ثم سورةالبقره ثم الشيخ محمد وحيد صاحب موقع صيحة الحق ربنا شفاني
انا اسفه اني طولت عليكو بسمن الفرحه حبيت اقولكو
وحسبي الله في كل السحره واللي بيأذو الناس
الصفحة الأخيرة
هذه تجربه لبنت كتبتها بمنتدى ثاني حبيت انقلها لك
هدخل في الموضوع على طول زي مانتوا شايفين العنوان اختي 26 سنة كانت تعاني كتير من السحر وبياثر فيها جدا لانها جميلة جدا ماشاء الله
وومتعلمة وكل حاجة والحسد والعين شغالين عليها وكل اما يجيلها عريس مايرجعش ولو حد اتكلم فيها مايوصلش البيت ولا حاجة لحد ما تعبنا جدا من
الي بيحصلها وهي نفسها تجوز زيها زي كل البنات وهي حساسة جدا ونفسيتها تعبت بردو بسبب الموضوع دة واثر على جسمها يعني ايدها اليمين دايما توجعها
وراحت لمية دكتور وصور اشعة وتحالليل وكلهم يقولوا مافيهاش حاجة لحد ما مرة قلتلها البنات في فتكات بيقروا سورة البقرة 40 يوم ع الاقل وبيستمروا عليها
وكتير منهم بيتخطب بفضل الله عزوجل فهي قررت تعمل زيكم فقعدت تقرا كل يوم سورة البقرة ومرة الصبح ومرة باليل المهم كانت تقراها كلها واحيانا كانت ع
فترات لكن غالبا ع قعدة وحدة تخلصها واحنا كنا مبسوطين جدا لانها كدة بتحمي نفسها من الحسد والسحر وكل الامور دي وبعد 21 يوم اتقدم لها عريس ابن
حلال محترم جدا وراجل بمعنى الكلمة دة غير انه غني جدا يعتبر مليونير وعنده فيلا وتمت الاستخارة والموافقة من الطرفين وخلال 14 يوم بس كانت اتجوزت
دي فرحها كان الجمعة الي اول امبارح 4/11/2011 في غمضة عين ربنا كرمها وعوض صبرها خير واتخطبت واتجوزت خلال 13 يوم وكانت كملت
قراءة سورة البقرة ع خلال الفترة هذه والحمدلله اليوم كنا عندها وهي الحمدلله مبسوطة جدا وزوجها بيحبها جداااااااااااا
ادعولها كلكم ان ربنا يوفقها وتعيش سعيدة ومستورة وربنا يرزقها الذرية الصالحة يارب اللهم اميييين
ويارب عقبال كل البنات وانا منكم ع فكرة انا اكبر منها بسنتين ولسة لا مخطووبة ولا متجوزة لكن الامل في ربنا كبير جدااااااا
ويارب يرزق الجميع بالزوج الصالح يارب اللهم اميين