من كان في بنتها عظيم ولا تسقيط

حبيبتي سلامة بنتك ماتشوف شر ان شاء الله انا ولدي كان فية عظيم واعراضة مثل ماقلتي مايرضع الا قليل .. ويرجع اللي رضعة .. ونحنف بشكل مو طبيعي ولاحظي اخر فك الاسنان يعني قريب من حلقها تشوفين العظيم كانها حاجة نازلة .. وابساللك تطلع صوت وهي ترضع اذا تطلع مليون % فيها .. وديها لحرمة تعالج طب شعبي والله يحفظها لك .. تحياتي

ما تطلع صوت بس تخلي الرضاعة في فمها ولا تمص واذا غصبتها وهي جوعانة رجعت ..

لازم تودينه لحرمه شعبيه ترفع له
العظيم مايعرف له الاشعبي
عندك سوق حجاب اللي في التسيم فيه كثير حريم يعالجون بالشعبي انا رحت للي وحده اسمها ام عبدالله القرشي ورفعت لولدي و الحمدالله من رفعت له وهو يرضع زين

والحريم الأولين يقولون :
( ما يموت من العظيم الا ولد الرفلا )

هلا اختي طرحه فتحت فمها وتمقلت فيه عدل في بياض بجانب الفكين وخط ابيض بالنص مادري وش ذا ...

المهم وش غير سوق حجاب لانه بعيد

وام عبد الله القرشي وين مكانها بالضبط بالسوق لاني ما قد رحت له ... وصفي مكانها

والله يجزاكم بالجنة ويسهل اموركم ويرفع قدركم ..


وبانتظار باقي البنات ..

بالتوفيق للجميع ..

وش العظيم ؟؟؟ انا ولدي من ولدته فيه مثل النقطه البيضاء كانها حبه الدكتور قال لي تروح مع الايام لانه الطفل وهو في بطن امه تكون مفتوحه ومع الايام تروح وهي بدات تصغر الحين بس هو يستفرغ كثير وش هالعظيم اول مرة اسمع فيه خوفتوني :(