وكل عام والامه الاسلاميه بخير قبل الزحمه الله يبلغ الجميع العيد بخير وسلام
اليوم أول يوم من ايام الحج وصايمين وكان نفسي في سيقان الدجاج اللي بعجينة البف باستري على قد ماذقت ناس تسويها الحشوة تكون يعني موذاك الطعم فقلت خليني اشمر عن ساعدي واسويها لاني اخر مرة صلحتها كان زماااااااااان ايام ماشريت كتاب رابحه حافظ (اشتريته ايام الغزوعالكويت) عجبتني رغم ان فيها شغل لكن تستاهل التعب
المقادير :
علبة من عجينة السنبله بف باستري-كاس دقيق ابيض(هي كاتبه بس الافضل نص )2قطع صدر دجاج-بصلتين مفرومه-كاسه من مرق دجاج-2ملعقه حليب بودره-بقدونس وكزبره مفروم -ثلث كاس زيت-ملح صيني وملح وفلفل ابيض-بقسماط بيضتين مخفوقه -مكرونه اصابع
الطريقه:
اسلقي الدجاج مع هيل حب وواحد ماجي وملح وبعدمايستوي ارفعي الدجاج وخذي من المرق مقدار كاس واضيفي له حليب البودرة والملح الصيني والفلفل الابيض
قطعي الدجاج قطع صغيره جدا وحطي البهار اللي يعجبك عليه مع الكزبره والبقدونس وقلبيه ولاتنسي تملحيه شوي
اقدحي الزيت وضعي عليه البصل وقلبيه شوي بس يذبل حطي عليه الدقيق وقلبي دقيقه لايتغير لونه وصبي عليه المرق اللي مع الحليب وحركيه بسرعه اول ما يغلي اطفي عليه
وبعدها افردي العجينه وقطعيها اربع وحطي من الخليط وحشوة الدجا ج والمكرونه تكون عالطرف وقفليها وغمسيها بالبيض والبقسماط واقليها وهذي الصور بالجوال ان شاءالله تكون واضحه وتعجبكم (خذوا ماجاكم مني كلمه فصحى وكلمه عامي المهم الزبده)
الصور تتحدث
هديه لكم