السلام عليكم يابنات وحريم حواء
والله اني اكتب هالكلام وقلبي يتقطع من القهر والحزن والضيم اللي احس فيه وماحد حاس فيني الا امي الغالية عسى الله يطول في عمرها ولكن لما افضفض معها يزيد همها هم عشان كذا قلت ابقولكم قصتي لأني اعتبركم خوات لي وتشوفون اللي ممكن مااشوفه وتشورون علي ماراح اطول عليكم
ابوي انسان قااااسي لأبعد حد طول عمره يتعامل معنا بجفاف وجمود وصلابة ودايم يهاوش ويخانق على الطالعه والنازلة والكلام الجارح اللي يقوله لنا وانا قلبي يتقطع من سوء المعاملة طيب احنا ماسوينا شي عشان يصير لنا كذامن يوم انا صغار وهو اذا اخطينا خطا اطفال عفوي كان يمسك الخيزرانه ويكسرها على ظهورنا ويحبسنا ويضرب امي قدامنا لين اخوي اللي اصغر مني اذا اخطا وامي ضربته راح يضربها
ماتعودنا على الترفيه منه ابدا كنت اشوف خوالي يسافرون ويتمشون وحنا كل شي ممنوع يجيبون حلويات وحنا ماعمرنا ذقناها مع ان راتبه 14000واثاث بيتنا يفشل تقل فقراء اذكر يوم كنا صغار كانت خالتي اخت امي تجيب لنا ملابس لعيد الاضحى لأنه هو ماكان يجيب لنا الاملابس عيدالفطرلانه مايعترف بعيد الاضحى انه فرحه للصغار حتى مواعين المطبخ كانت تجيبهن خالتي وامي دايم تعبانه ومن مستشفى لمستشفى ماحسينا بالحنان والعطف لا من ام ولامن اب وفي فترة تهاوشت امي مع ابوي وجاء خالي واخذها وسكنا عند جدتي ام ابوي وعماتي اللي كانوا يكرهون امي وحطوا حرتهم فينا يالبنات لأننا3 بنات وولد وصاروا يدلعون الولد شفنا الويل عندهم خصوصا انا وانواع التعذيب بس الله فكنا منهم ورجعتلنا امي لما كبرت وصرت بثالث متوسط عطتنا الادارة استمارة نعبيها وكنت اشوف البنات يعبونها وعبيتها مثلهم وكان ينقصني بيانات بطاقة ابوي ولمارجعت البيت علمته وقلتله كمل الباقي انجن وقالي من قالك تعبينها وضربني وجلدني كأني مسوية جريمة أو فضيحة من كثر ماهو قاسي ومابقلبه رحمه كان مقصر علينا بكل شي تزوج على امي وهي صابرة واثث للجديدة اللي بحياتنا ماشفناه من اثاث وجهاز وامي يتقطع قلبها وانا اشوفها لأني بنتها الكبيرة المهم ماطول زواجه وطلقها وامي اخذت الاثاث كله الحمدلله بس ماتغيرت المعاملة يوم صرت بالثانوي تعرفون فترة مراهقة صرت اكرهه واكره امي اللي تصرفها سلبي دائما حتى هي يوم كنا صغار ماحنت علينا ودايم تروح وتخلينا وتعبت نفسيتي ونفسيت خواتي واخواني كبرنا عندنا خوف شديد وقلق وعدم الثقة بالنفس يوم كبرت وصرت بالكلية تحسنت المعاملة نوعا ما لأني حسيت ابوي كل ماكبر تتحسن معاملت شئ بسيط مع انه الى الان يتمسخر علينا وخاصة على اخواني الصغار وعندي اخوي فيه اعاقه برجله ودايم يتهزأ فيه وبامي ويقولها انت السبب مع ان هذا مكتوب
الان انا واختي موظفات واختي اللي اصغر تدرس بالكلية ويمكن ابوي حسن معاملته معي من يوم دخلت الكلية لانه يبي يحصل مني فلوس وفعلا كان ياخذ المكافأة مني وانا كنت اعطيه بنفس راضية الحين توظفت واختي بعدوكان همي الوحيد اني اجمع من راتبي مبلغ عشان اشتري لابوي سيارة لأن سيارته قديمة وايركبونها عمال من كثر ماكان بخيل وشحيح ومايرهي علينا الا بالعيشةو مرة قلتله يابوي اشترلنا سيارة فشيلة ماعندنا سيارة وحنا موظفات وراتبك زين قال انا ماعندي مبلغ قلت انا عندي وعطيته 90000ريال وصارعلى هالكلام سنه وماشرينا اخذهن وخزنهن بالبنك لأخوي الصغير سيارة وماشرى شي واختي ماخذ بطاقة الصراف حقتها لأن شخصيتها ضعيفة وقدر ياخذها منها وراتبها10000ريال والله انه مايجي اخر الشهر الا رصيدها صفر لأنه مايصرف ألا منها واختي الثانية ياخذ مكافأتها الحين يبي يزوج اخوي العاطل من فلوسنا ويأثث له احسن اثاث من حر مالنا اللي ماقدرنا نتمتع فيه سو ببيته اللي ماسواه لنا مع انا نترجاه نأثث من عندنا وخاصة من عندي وكان يرفض ويتحجج والله يابنات رافض يزوجنا وهو يتوسط للناس عشان يزوج فلان من فلانه يعني يوفق رووس بالحلال اما بناته محرم حتى الناس صاروا يخافون يخطبون منه عشان مايفشلهم صار عمري 30 لازواج ولا عيال وحتى افكر اشتري لي ارض ماني قادرة لاهو مخليني اخذ قرض واذا جمعت مبلغ اخذه وامي مايكرمها ولايعطيها الريال وماعندنا شغالة وهو مطلع فيزا لها 4شهور بس انه بخلان علينا انه يقدم لأنه تعود مايسوي الحاجة بحب لا يذوقنا المر وبعدين يسوي الشئ ويمكن بعد يتزوج لأنه قاعد يجهز شقه وكله من اموالنا
القهر ان كل فلوسنا صرفهن عل اخوي العاطل وياليت اخوي يستاهل اذا عصب يمكن حتى امي يضربها وصاحب وجهين وراعي مصالح
ياخواتي شوروا علي وش اسوي كيف اضمن حياتي كيف اهني نفسي كيف اضمن مستقبلي وسط هالناس الاستغلالين أنا مااكره ابوي ولكن محتاجة احد يحن علي ويرحمني مالقيت منهم الا الجمود والقسوة وانا الحين اشكي من مشاكل بالقلب من قهر السنين الماضي والحاضر احس مالي هدف ضايعه كرهت الدنيا والزواج كرهت اني اكون بنت وكنت اتمنى اصير ولد اتحكم بتصرفاتي واماصير كأني مربوطة حلالي ماني قادرة اتهنى فيه واختي اموت من القهر لما اشوف راتبها كله يروح حتى ماقال اسوي لها حساب احط فيه كل شهر 1000ريال تنفعها للزمن لأننا مهما كان حريم درسنا وتعلمنا وتوظفنا عشان نستند بعد الله على شي يحمينا من غدر الايام
ماقولكم ابوي ماله حسنات له لكن الله يهديه يكرهنا بالحاجة الزينة اللي يسويها لنا لانه مايقدر يعطي حب
كل يوم انا هوشات معه انه مايرحمنا ويبهج قلوبنا مادامه حي وخيرنا دايم يصير لغيرنا دايم جوده للناس واذا طلبناه حنا شي استكثره علينا
انا فاقده حنان فاقده حب من ابوي اما امي صارت تعوضنا يوم كبرنا شوروا علي انا كيف اتصرف حتى اريح نفسي وخواتي واخواني وامي وابوي كيف اضمن حقي وحق اختي
الله لايحرمكم الاجر
20غريبة الليالي20 @20ghryb_allyaly20
عضوة نشيطة
يلزم عليك تسجيل الدخول أولًا لكتابة تعليق.
الله يسخره لكم يااااااااااااارب ،،،، عليكم بالدعاء في آخر الليل أن الله يسخره لكم ويحسن معاملته معكم والله يصبركم
الله يسخره لكم يااااااااااااارب ،،،، عليكم بالدعاء في آخر الليل أن الله يسخره لكم ويحسن معاملته معكم والله يصبركمالله يسخره لكم يااااااااااااارب ،،،، عليكم بالدعاء في آخر الليل أن الله يسخره لكم ويحسن معاملته...
الصفحة الأخيرة
وقولي فصل
بس انتبهي راح يرجع يعاملك للاسوء وراح يكون الضرب شغال منه ومن اخوك
لانهم تعودوا تكونون بنوك متنقله لهم
ادخلى على منتديات الاستاذة نجاة الشريف واطلبي استشارة ممكن تعطيك حلول احسن منا