حبيت أنقل لكم تجربتي وما أبي منكم الا الدعوات الصادقه بظهر الغيب
بدايه أنا كنت متابعه للقسم وأشوف الخلطات وأشتريها واخلطهم وما أستمر عليها إذا أستعملتها استعملها مره
أو مرتين لأني من النوع الملول
وقبل أكثر من سنه ونصف مريت بظروف الله وحده يعلم وش كثر عانيت وأنظلمت وبوقتها أهلمت نفسي لأن نفسيتي كانت متدهوره ع الاخر وللأن أعاني من نفس الظروف لكن ثقتي بربي كبييييره والحمدلله على كل حال
وبديت التفت لنفسي وأعوض اللي فات بداية أنصدمت من حال شعري ضعيف جداً وباهت ومتقصف ومتكسر ومافيه حياه نهائياً هذا غير الشيب اللي انتشر فيه بسبب ظروفي رغم صغر سني
المهم كانت حالته متدهوره ع الاخر
رحت للصالون عشان أصبغه أبي الشيب يختفي لأن عندي مناسبه وصعبه اروح للناس كأني عجوز
طبعاً طلبت صبغة انوا لان مافيها كيماويات وكمان تغطيتها للشيب ممتازه مثل مانصحتني الكوفيره وتوكلت على الله وصبغت واضطريت أني أقص جزء كبير منه لأنه تالف
بعد ماخلصت قص وصبغ وشعري كسر خاطر الكوفيره وحزنها بسبب حالته نصحتني أعمل معالجه وقالت لي انها مفيده وفيها فيتامينات وكلام كثير
وأنا من عادتي ما أصدق هالكلام والدعايات لكن أرتحت لكلامها خصوصاً انو لي سنين متعامله معهم وغير كذا شعري بكل احواله خربان خربان قلت أجرب مو خسرانه شي
قلت دعاء الاستخاره وتوكلت على الله وقلت لها أني موافقه تعمله لي وبدينا اول جلسه
كانت بحدود أربعين دقيقه أول شي غسلته بشامبو خاص وحطت عليه كريمات وفيتامينات وكل شوي تحط شي
خلصت ورجعت البيت وتفاجأت من لمعته ومن صحته وأنه هجد وهذا أهم شي عندي
قلت يمكن بعد ما أغسله يرجع مثل ماكان وغسلته ولاحظت أنو للأن متحسن كثيييييير
رجعت لها بعد أسبوعين عشان الجلسه الثانيه وكنت مره متحمسه وعملتها الحمدلله وكانت النتيجه رووووعه
ملمس الشعر وشكله ولمعته وصحته والاهم من هذا كله ريحته حلوووووه
وقالت لي أني محتاجه 6 جلسات أما أسبوعياً او كل اسبوعين وبإذن الله راح اكملها للاخير
أسم مجموعة العلاج (ابسولوت ريبار سيلولار من لوريال) اول نظام رعايه عميق لاصلاح الشعر المتضرر خليه بخليه يحتوي على حمض اللاكتيك ويضمن المنتج حصول خلايا الشعر المتضرره على اصلاح عميق وحمايه ولمعان
بعض صور المنتج
وتقدرون تحصلون عليه بكل الصالونات الكبيره اللي تتعامل مع منتجات لوريال وأختاروا الكوفيره الثقه اللي تتبع الخطوات كويس مو تمشي حالها
أتمنى أكون أفدتكم بتجربتي ويشهد الله أني أبي أنفعكم مثل ما استفدت منكم كثيييير خصوصاً بعد النتيجه الأكثر من حلوه والمبهره اللي حصلت عليها ولأاني عارفه كثير بنات يعانون من نفس مشكلتي
وكل اهلي وصديقاتي لاحظوا التغيير الكبير بشعري وماقدرت أصبر ما أنفعكم لحد ما أخلص الكورس كامل
أي استفسار أنا حاضره وأتمنى من كل وحده تقرأ موضوعي تدعي لي بظهر الغيب يمكن تكون دعوتها مستجابه ويفرجها الله علي من واسع كرمه ورحمته
وحبيت اسالك كم كلفك العلاج وكيف كانت نوعية شعرك ...؟!!
وبالتوفيق لك