من لديها الخبره ؟؟؟؟؟؟؟؟؟

هلا إختي

كيف يعني .. تبين تفتحين إيميل جديد على الهوت ميل أو الياهو مثلاً .. ولا عندج إيميل وتبين تحطينه في مكان معين .. سوري بس لو توضحين بليز وإن شاء الله أساعدج :26:

أختي ..
نور القرآن ..

أولا مشكوره على ردك ..

أبغى أحط لي إيميل جديد ..

أبغى اللي تجي فيه رسايل ..

لأن أولا عندي في الهوتميل لكن ما تجي فيه رسايل إلا قليل .. بعدين جلست فتره ما فتحته وراح علي ..

لكن الحين أبغى أجرب ياهو يمكن أحسن ..

إذا سمحتي ..

أكيد أسمح ومن عيوني بعد *^__^*

شوفي إختي

1- تروحين لمقع ايميل الياهو

http://mail.yahoo.com

2- تضغطين على رابط Sign Up Now بتلقينه مكتوب بخط كبير وتقريباً في نص الصفحة من أسفل شوي .. تضغطين على الرابط

3- بيدخلج صفحة فيها ثلاث أعمدة .. كل عمود بلون .. إختاري أول واحد من جهة اليسار لأنه للخدمة المجانية ومكتوب فيه Free Yahoo! Mail و في أسفل نفس الخانة بتلقين رابط Sign Up Now .. تضغطين عليه

4- بيدخلج على استمارة تعبينها ..

Yahoo ID >> تحطين فيه العنوان اللي تبينه لإيميلج

Password >> كلمة السر

Retype Password >> إعادة ادخال كلمة السر

---------

security question >> اللي هو السؤال اللي بيسألج إياه الياهو في حال نسيتي كلمة السر وحاولتي استرجاعه .. اختاري السؤال المناسب

your answer >> حطي إجابة للسؤال والمفروض تكون غير متوقعة يعني إنتي تعرفينها بس صعب الغير يتوقعها علشان يصعب على أحد تخمينه وسرقة ايميلج إذا حاول

birthday >> تاريخ الميلاد

current email ( optional >> الايميل الحالي ( القديم ويكون شغال ) وهو اختياري غير مطلوب ممكن تخلينه فاضي .. لكن في حال ضاع الباسوورد للايميل الجديد بيرسلون لج اياه على هذا الإيميل

--------

first name >> الاسم الأول

last name >> الاسم الأخير

المعلومات الشخصية مب لازم تكون حقيقية

language and content >> تختارين الانجليزي

zip / poster code >> الرقم الدولي ( ما عرف ترجمته بالعربي ) وممكن تحطين أي رقم إذا ما تعرفينه

gender >> تحطين female يعني وحدة

industry >> مجال العمل إختاري الأنسب

title >> إختاري عنوان المهنة الأنسب

specialization >> التخصص وممكن ما يطلبه منج

people search listing >> خليه فاضي وإلا بيوفرون ايميلج في محركات البحث للايميلات

الخيارين اللي عقب واللي محطوط عليهم صح لإستقبال الاعلانات إذا ما تبين إيميلات من الشركات شيلي الصح

والمربعات اللي عقب بعد نفس الشيئ وكلها اختيارية

-------

بعدين بتلقين جملة تقول Enter the word as it is shown in the box below
وحذالها مربع فاضي وتحت بسطر مربع فيه كلمة بخط كبير شوي .. تكتبين الكلمة اللي في المربع التحتاني في المربع الفاضي اللي يم الجملة

إذا خلصتي من تعبئة الاستمارة ضغطي على الزر submit this form

أتمنى إني أكون أفدتج .. وإذا قصدج شيئ ثاني أو فيه شيئ مب واضح تراني في الخدمة :26:

أختي الغاليه . نور القرآن ..
ألف شكر لك ومعليش أتعبتك وياي ..

لكن بالنهايه طلع لي ..

your new pass word must deat least 6 characters

وبصراحه ماني فاهمه ..
أرجوك فهميني ..

هلا وغلا

يعني كلمة السر لازم تتكون على الأقل من 6 أحرف أو أرقام .. ولو حطيته بالانجليزي لاحظي إذا بالأحرف الصغيرة أو الكبيرة لأنها تفرق