من لديها خبرة في الشراء من المواقع الأجنبية

وعليكم السلام ورحمة الله وبركاته

أختي الغالية

إذا ما عندك مشكلة في اللغة فما راح تواجهين صعوبة

أول شيء لازم تتأكدين أن الموقع يشحن لبلدك وتشوفين كم تكلفة الشحن
هذه المعلومات تكون عادة تحت مسمى shipping options أو help أو customer service

بعدين إذا عجبك شي تضيفينه لسلة المشتريات عبر الأيقونة الخاصة بذلك في الموقع
add to shopping cart

وإذا انتهيتي من تجميع الأشياء ادخلي على سلة المشتريات وعادة يكون لها شعار كسلة المشتريات أو ممكن يكون لنك باسم Shopping cart أو view my cart

إذا دخلتي راح تلقين كل الأشياء اللي أضفتيها وراح تلقين خيار go to checkout
اضغطي عليه وراح يطلب منك الموقع بياناتك ... الاسم العنوان رقم البطاقة ... الخ

عبيها وأكملي عملية الشراء إلى أن تظهر لك صفحة تؤكد إتمام عملية الشراء وتعطيك رقم الطلبية ... وغالباً راح تصلك بيانات طلبيتك عن طريق الإيميل

إذا شرحي ما فادك ممكن تعطيني اسم الموقع اللي تبغين تشترين منه وأشرح لك عليه

انصحك في الاول تطلعين بطاقة ماستركارد من الاهلي مسبقة الدفعة على شان راحة بالك

اذا اعجبك شي تحطين المبلغ المطلوب في البطاقة و تشترين بها

لو سرقت البطاقة من الانترنت فمحد يستفيد منها لانها فاضية

اامن بطاقه للشراء عن الطريق النت هي Cashu و موقعها Cashu.com, ما يحتاج اجراءات ولا شروط ولا وجع راس..

و بالنسبه للشحن فشركة Aramex تقدر توفر لك عنوانين بريديين في امريكا و بريطانيا عشان تشحنين لها اغراضك و هم من هناك يجيبونها لك باسعار معقوله. رقم ارامكس تلقينه بموقع كاشيو بصفحة اماكن بيع البطاقه.

السلام عليكم ورحمة الله

أختي فتافيت السكر هنا موضوع عن بطاقات الإنترنت وكيفية الشراء عن طريق المواقع

أرجو أن يفيدكِ

إضغطي هنـــــا

أهلين

مره مره شكرا ما قصرتوا آسفة رديت عليكم متأخر بس الدنيا وأشغالها :)