من ماليزيا احدثكم

السلام عليكم
كيفكم حوائياتي مسا الخير (طبعا لأنه ليل عندنا )
حبيت افيد بعض الخوات اللي ناوية تروح ماليزيا لأجمل الاماكن خاصة ان روحتي هذي ثالث مررة ومع كذا ماااشبع من سحرها وجماله لكن قبل ابأ في شي لفت انتباهي وهو تهاون كثير من الاخوات في مسألة الحجاب يعني هناك مايحاسبني ربي وكون الناس متهاونة اتهاون انا طول عمري بحجابي واجي هنا بكل سهولة اكشف وجهي يااختي كثييير اللي مغطين ليش اتنازل عن امر اوجبه ربي علي صراحة صدمت وحزنت ع حجابنا اللي اصبح الكثير يتهاونوا فيه وهالاجانب لو جو ديرتنا بيتمسكون بمبادئنا ويغطون اذن ليه اتنازل انا واقلدهم في هالاشياء وللاسف لقيت كثير من بنات العرب بعضهم عاش بالسعودية وبكل سهولة فصخت العباة وتحجبت والعنق طالع والك اب والرموش الصناعية والبنطلون اجل وش بقى وين كلام الله عز وجل الذي قال (ولايبدين زينتهن الا لبعولتهن ....)تزيني مايخالف لزوجك لكن لاتجمعي اوزار تحسب عليك من نظر العمال والعرب واهل المنطقة وغيرهم انت لزوجك فقط ولا يحل لأحد ان يتمتع بالنظر اليك واذا مستحية من اللباس الاسود البسي بني رمادي المهم مايظهر منك ماحرمه الله ع الرجال (وليحملن اوزارا مع اوزارهم )ويقول تعالئ (احصاااااه الله ونسوه ) فلاتنسي ان هناك من يحصي عليك واشكري الله ع نعمه وانت في هذه الاماكن التي تستحق الشكر
ارجو ان لااكون ضايقتك بهذة الكلمات ولكنها نصيحة لكل مسلمة ولاتنسي ان جنة الاخرة لاتقارن بجنات الدنيا
ا1- لنكاوي الرحلات البحرية والنهرية لاااتفوتكم
 2- كوالا (البرجين التوأم والمنارة وبوتراجايا)3-بينانج (برج كومتار والقطار اهم شي لااايفوتكم روووعة المطل فوق وحديقة الزهوروالبراشوت في ساحل بتوفرنجي 4-ملاكا وفيهامنتجع افاموسا خياااال الجو هناك تأخذين فندق او فلة الفلة ارووع لحالك وبمسبح خاص وتطلعين خارج الفلة مااحد حولك صح غااليه بألف الليلة بس تستاااهل 5-الكاميرون اجوا وطبيعة خيال فيها سوق ليلي بس مو مرة اعجبني سوق الصيني في بينانج احلى شي شنط اصلية واسعارها بعد المكاسر 70
أخر يومين خليك بكوالا ريحي وقضي اغراض من اسواقها المدفالي فهرنهايت وتايم سكوير بس شوي غالي