سمي ام عبودي تم الرد.
وآسفين على التأخير.

السلام عليكم ورحمة الله وبركاته

إسمحولي بنات إني أشارك معاكم في الموضوع إللي آنا أعرفه ويهمني وعشته مع زوجي حبيبي ...

آنا زمان كنت أعتقد نفسكم أنه الأنسان التعبان نفسيا لازم يلجأ لدكتور نفسي ومن هالكلام ..
لكن آنا غيرت رأي بعد تجربه شخصيه عميقه آلمتي وأبكتني وبنفس الوقت قربتني من حبيبي الأول والأخير (( الله سبحانه وتعال )) ... ألحين آن بكتب لكم قصت زوجي المريض نفسيا وشلون تعافا ...

آنا زواجي كان تقليدي من رجل سمعته واايد زينه (( أدب وأخلاق ورجوله )) وعلى هذا الأساس آنا وافقت عليه وأهو حبني وأختارني من كثر ما سمع عني لأنه مو من أقربائي
المهم والدته كانت ماتبيني يعني تكرهني والسبب أنه أهو أختارني بالأسم وأصر علي .. وأهو
كان رجل جدااا حساس بالرغم من إنه رجولي جدااا

الزبده: بعد الملكه والمهر وآنا أجهز للزواج سمعت إن زوجي تعبت نفسيته واااايد !! وآنا خفت
إنه يكون مغصوب علي , لكن إتضح إن أمه تحاول تخليه يطلقني وأهو يبيني

وبعدين آنا كملت جهازي و وناسه ... وبعدين إنصدمت إن زوجي دخل مستشفى الطب النفسي
كل الناس لاموني إني صابره وناطرته يطلع من المستشفى .. لكن آن ماسمعت كلام أحد .. ليما
طلع والحمدلله لكن كان تعبان و مو نفس أول .. ولما أخواني سألوه عن السبب إللي خلاه يدخل مستشفى الطب النفسي قال إن والدته قالتله لو ماطلقت مشمسه ماني وأمك !!! وأهو رفض طلاقي وأمه طردته من البيت

آنا نطرت ليما الدخله يعني الزفاف وفعلا عرفته والحين انا حامل لكن ليما الحين تعبان والسبب أن مستشفى الطب النفسي كانوا يعاملونهم كأنهم حيوانات أو كأنهم ما عندهم أحساس
ويقولي زوجي الدكتور ممتاز مع المرضى إللي يراجعونه ويعطيهم أدويه لكن لما يدخلون داخل سور المستشفى خلاص يصير الدكتور كأنه وحش ... أصلا لما زوجي ما طلع إلا بالغصب

يعني الدكتور يعطيج الريج الحلو عشان إنتي مو تحت إيده لكن لو كنتي تحت إيده يصعقج بالكهرباء والبلاوي الثانيه ... ولو مو مصدقين دخلوا سألوا المرضى .. زوجي يقول لما كنت أزعجهم وأصرخ بويههم عشان أشوفهم يعذبون المرضى كانوا يهددوني بأشياء تخوف .. والله كل كلمه صج ومافي قلته كذب ... نصيحتي لا تروحون للدكاتره الكذابين .. وإنتوا براحتكم

أنا قلتلكم سر حياتي وأرجو إنكم تقدرون النصيحه وأنتم حرين

أختكم إللي تحبكم مشمسه الزين :41:

السلام عليكم ورحمة الله وبركاته..
اختي مشمسه الزين ..
شرف لي ولموضوعي ان تذكري
سر من اسرار حياتك على صفحاته..
اتمنى يكون زوجك الآن بصحه وعافيه
والله يخليكم لبعض يارب..
اختي الغاليه ...
احنا لما طرقنا ابواب الطب النفسي
كما اقول دائماً طرقناه لأنه باب شرعي
من ابواب طلب العلاج..
وهو من اتخاذ الاسباب الشرعيه التي
امر بها الله تعالى..
ولايمنع العلاج بأي حال من الأحوال من
الإلتجاء لله وطلب الشفاء منه..
بل على العكس الواجب هو الدعاء
والإلتجاء الى الله في نفس وقت طلبك للعلاج..
فكلاهما سبب وفي النهايه الشفاء بيد الله..
وللمعلوميه اخواتي لقد سألت الشيخ /سليمان بن ناصر العلوان..حفظه الله
قبل ان ابداء بأي خطوه..
فأيد العلاج جداً وقال انه من اتخاذ الاسباب المشروعه ...
يعني ماراح احط احد بذمتي إن شاء الله..
واعود اليك اختي الغاليه..
مسألة ان زوجك عافاه الله ..وقع في ايدي اطباء لايخافون الله
فهذا لايعني التعميم ابداً..
فكثير منهم يخاف الله ويعالج المرضى بأسلوب ديني بحت ومنهم سليمان الصغير..
وطارق الحبيب..
تحياتي لك اختي واكرر شكري على مرورك الذي اضاف الكثير..:26:

انا قلت إللي علي
وحبيبتي والله مافي أحسن من الرقيه الشرعيه ...
وكل واحد ورأيه .. الأختلاف في الرأي لا يفسد من الولد قضيه

السلام عليكم ورحمة الله وبركاته..
اهلاً اختي مشمسه الزين...
حياك الله مره اخرى..
ومن قال اننا لاسمح الله نرفض
الرقيه الشرعيه؟
انت ارجعي يالغاليه للردود السابقه
وراح تلاقين اني انصح بالعلاج و الرقيه
معاً..
والله يوفقنا واياكم لما يحبه ويرضاه.:26: