من مثلي تعبت من الدنيا

انا وبكل صدق اعلنها تعبت من الدنيا 
كل شي فيها يضيق الخلق 
كل يوم مصيبه 
اسمع عن السحر 
وفلانه طلقت 
ووحده ماجابت عيال وتزوج عليها 
واحد من جماعتنا طفل مات غرقان بالمسبح 
وواحد قريب لي توفي بحادث اخر ترم له بالجامعه وكان اخلاق وطيب مع الكبير والصغير مجرد التفكير ان الدود يامل بجسمه يوجع قلبي 
ياربي اذا راح لي واحد قريب وش بسوي ناس اتخيلهم واتذكرهم كيف بواحد عشت معه ياربي لاتروعني بغالي 
اخاف اطلع والقى اثيوبين اخاف على عيالي 
اخاف اروح لسوق ينخطفون عيالي وامس اقرا سالفة السحر للصغار 
بالسياره خلال هالشهرين اربع حوادث صحيح بسيطه بس صوت الحادث والفرامل تروع 
بالبيت اتخيل مصيبه زي احتراق توصيلات الكهرب مثل الي بالمدينه الله يرحمهم 
مصيبه لعيالي ودي احطهم قدام عيني
اخاف من الغاز 
السخانات الدفايات 
اكره الشغالات بعد هالجرائم 
اكره الاماكن المرتفعه ماقدر اركب الاصانصير اذا بسوق اخاف من الدور الثاني اطالع تحت 
خصوصا اذا معي عيالي انجن اخاف عليهم 
وزوجي يتركهم اذا بالسوق يخليهم يروحون ويلعبون ويجون وانا اخاف ارجع ماشريت شي كله بس اراقبهم قلبي معهم 
اشوف الي بالتلفزيون والممثلات اقول ياربي ذولي مب ميتين مايفكرون ليش واذا جابوا احد ميت اجلس اتخيله بالقبر يوه راح ياترى يعذب راح مثله مثل غيره مانفعه شي 
اتخيل حياة الرسل عليهم السلام والصحابه رضي الله عنهم هادئه وماعندهم هموهم 
هالتكنولجيا والتطور اتعبتنا اكثر من ريحتنا 
انا ذبحني الخوف والتفكير في المجهول
في احد مثلي وكيف اعيش يومي مسخرته لربي وديني وناسيه كل شي من القدر خيره وشره تاركته على رب العباد