نفس معاملة امي لي بس امي نوديها عند شيخ يقولون فيها مس روحي تعبنا كلنا منها اللي ينفعها بشي ترضى عليه بنفس اليوم وعقبها تزعل علليه شهوووووووووور

انا عايشه لحالي مطلقه وي مر علي مشاكل ومعاناه ووحده وخوف ومسؤليه رغم اني لي اب وام الاب متزوج ومشغول والام الله يررحم حالي وحالها بس هي تفكر بحياتها وبس ولاتساعدني بشي الله يهديها ويشفيها الله يعطينا الصالح لنا يااختي الكريمه

والله العظيم في امهات كثثيير كذا قاسيات ع عيالهم وبعضهم ع البنات بذات سبحان الله والولد تحطه ع راسها لكن لو الام قدر الله ليها بشر والله م يحن ويحرمها ويشيلها بعيونها الا البنت اما الولد حتى لو كان بار مو مثل البنت ابد 
حبيبتي هذا ابتلاء من الله لك اصبري واحتسبي
تحملي ايش تسوي امك....ويمكن امك تعرضت لعنف وقسوه لما كانت صغيره فصارت عدوانيه الله اعلم ايش السبب
الله مايخذ شي الا يعوض بشي ثاني ان شاء الله ربي يعوضك ف زوجك 

اختي هدوء

اسمعيني ٱ‏​نـِْ♡̨̐ـِْا متااااكده ان فيه شي ماتعررفيه عن امكككك مافيه ام بالدنيا تسوووي كذاا يا اختي هذي ام

عامليهااا كل ماجيتيها كانه اخر يوم بعمركك وانك ماراح تشوفينهاا وتحملي وقللي زيارات بس واصليها ع التلفون

ودوها لشيخ يمكن فيها شي

هدوء وسط الزحام

الله يجزيكي الخير كله عاجله واجله على صبرك وبرك بوالدتك

لاتستغربي من حالك كثيرات هنا بمنتدانا يعانوا من قسوة الام وهنيئآ لهن فقد اختارهن الله لقوة ايمانهن

ولا يبتلى الا المؤمن الحق فينا

حبيبتي انا نفس حالتك ماخلصني من هالابتلاء الا الزواج .....واول ماعملته بعد زواجي عالجتها وصرفت عليها من مصروفي الي يعطيني زوجي وعدلت بيتها وحطيت لها شغاله وتكفلت براتبها وساعدت ابوي وماشكرتني بالعكس اي حد يجيها تتكلم عني .... توفى والدي الله يرحمه وانا الي طلعت لها معاش الضمان وركضت شهور بالمحكمه حتى يصير راتب ابي لها مو لاخواني لانهم يعملون

وبعد وفاة اخي ركضت سنه كامله اكمل بيته الله يرحمه حتى اسكنها فيه لانه بيتها قديم وسكنت ووفرت كل شي بهالفيلا حتى كاميرات مراقبه حطيت لاني اخاف عليها انا وحيدتها من البنات ووديتها الحج والعمره

ولليوم ابرها واوصلها واكلمها بالتيلفون وادور على اهلها واخليهم يكلمونها حتى ماتحس بالملل

مافيه وحده من الاهل عملت كثر ماعملت مع اني وحيده

عارفه كيف كانت معاملتها لي من وانا صغيره ؟؟؟

عشت مثل اليتيمه ....الا والله لو كنت يتيمه كان ارحم لي

ضرب وسب وحرمان واحراج امام قريباتي الي بعمري والكبار .... اشوف قريباتي لبس وراحه وحنان وامهات طبيعيات ....الا انا

تقولي ليتني قتلتك اول ماجبتك كان محد حس لانك مجرد كتلة لحم واتخلص منك

احيانا ماتخليني انام بالغرفه بعد ماكمل شغل البيت انام بالحوش واصحى الصباح لوحدي البس ملابسي واروح انتظر الباص بعد ماصحي اخواني .... سببت لي جرح عمييق لا زلت اعاني منه خاصه امام الاهل لانهم عارفين بحالنا .... مره بعد وفاة ابوي وديتها لندن معاي وزوجي وعيالي للعلاج وعالجتها بعد كم يوم قلبت وبدت نوبة الكلام والسب والتحقير وزادت حالتها بالليل وزوجي وعيالي مو بالشقه انا لوحدي معاها وخفت حسيت برعب لانها بدت تحدف الاغراض بالممر علي حتى الفواكه وخفت منها ومن ردة فعل زوجي لما يجي انحرجت كثير وسكرت غرفتي ....شعور الرعب منها ملازمني للآن وانا جده كبيره احلم بها بمنامي واقوم مفزوعه

لانها كانت قاسيه بالتعديب تخربش وجهي كأنها تتصارع مع وحش دايم ايدها بوجهي وتحدفني باي شي قريب منها حتى براد القهوه انا جسمي لازال فيه اصابات منها واقسم بالله العظيم بدون سبب انا انسانه مسالمه الكل يعرفني ورحومه وقلبي يحن على المحتاج

يمكن امي فيها مرض روحي ؟ انا شاكه بهالشي لانها على كبر سنها لما تجيها النوبه تتكلم 3 ايام متواصله لغاية ماتنهد بالصداع

الغريب ان المريض الروحي يكون مريض عالكل هي لما تجي تمدح قريباتي تمدحهم بكلام حلو وتوصفهم بصفات مش فيهم كمجامله لهم واحتقار لي


سببت لي جرح ووحده وعدم ثقه بالنفس وندم ونقص .....اليوم انا شبه وحيده الا من ابنائي احاول اعوضهم الي مالقيته من امي

الله يسامح ابوي ويرحمه ..... نحن الوحيدين بالعيله الي ظروفنا مع امي صعبه ومحرجه

وانتي قلتي كلمه الضعيف دايم ينداس .... وصحيح انا لليوم انداس من زوجة اخوي ومن الاقارب لانهم عارفين بوضعي

الله يلطف بحالك حبيبتي وبحالنا ...القسوه لو تجي من الناس تهون والله لو من الاب تهون لكن الام ..... الله يعوضنا خير انا دايم اقول الله يحبني وابتلائه رحمه لي