حبيبتي انا بعد تزوجت عمري 34 والحين لي سنة ماحملت. كل الي تزوجوا معاي نفس بنت خالي وبنت عمتي يابوا اعيال وحماتي ومرة حماي تزوجوا توهم وماشاء الله كلهم من اول شهر احملوا. ماقولج يوم الاخيريتين احملوا تضايقت وقلت لاني كبيرة ماحملت فرحت وعملت كل الفحوصات طلع مافيني شي بس زوجي عنده ضعف بسيط بالحركة وقالوا له اترك التدخين بتتحسن مو راضي . الحين عاد صار عندي تشبع لاني من شهر اكتوبر وانا اتابع وخذيت مرة كلوميد ووايد تعبت وسويت مرة تلقيح صناعي وكان عندي كل اعراض الحمل حتي اني مرة حلمت اني قاعدة اشيل النوي من التمر وتفسير الحلم اني باييب صبي ولكن الحمد لله ما الله كتب.
الحين صرت افكر ليش اعور راسي مالي الا الثقة والتوكل والايمان التام ان الله بيرزقني . ومقررة ارجع اشوف لي علاج بس بنفس الوقت بالزم قيام الليل الي اتكيسل منه والاستغفار. الحمد لله الصدقة دوم اتصدق بس في واحدة بالمنتدي انصحتنا لين يايينا انطلع المبلغ ندعي بقلبنا حق الذرية الصالحة. وانا علي بعد نذر من زمان ناذرته ان الله اذا رزقني بصبي انا اخليه باذن الله من حفظة القران الكريم قولوا امين.
اعرف ان كلامنا هاذي كله بياثر فيج بس يمكن مابيزيل كل همج. بس زوال همج بايدج انتي عقب طبعا رب العالمين.
وصج خلي سورة البقرة دوم سلاحج وونيسج ودوم ارقي نفسج وحصنيها بالاذكار ماتدرين قد ايكون عين

انا في مثل همك:( الله يفرجها علينا

تبغي دكتور بجدة مرة شاطر بس اسعاره شوي غاليه والحلو الي فيه مايلزمك بتحاليل من المستشفي سوي اي مكان وهو يشوف النتايج بس فاهم اسمه مازن بشارة له عياده سوي بحث باسمه بس لازم تكشفي انتي وزوجك يمكن مايكون فيك شي

الامور زينة ابشرك توك صغيرة
وفين حريم في الخمسين ياخفون يحملون من الحمل ويستعملون حبوب منع الحمل
لكن خلي ثقتك بالله كبيرة والله ما يضيعك

الله يرزقكم جميع بالذريه