من مثلي ماعندها نية تولد

السلام عليكم ورحمة الله وبركاته

كيفكم يابنات


من مثلي يابنات ماعندها نية ولادة خلصت 40 أسبوع وشكل البيبي عاجبته القعده في بطني :09: تعبت والله ما فيه شي ما سويته مشيت صدق أنه مهب ذاك المشي بس دايم بالدرج طالعه نازله وشربت قرفه لين بغت تطلع مع خشمي وأكلت تمر ولا عنده نيه وولدي الأول نفس الشي مسكتني الدكتوره بالغصب يوم خلصت 41 أسبوع والحين شكلي أبسوي نفس الشي ويبهذلوني بالطلق الصناعي الله يعين:( ....

أخوي الصغير يعني بالمتوسط يقولي تراك طولتيها ماصارت متى يمسكونك المستشفى غصب :eek: حتى هو عارف أني ما أجي الا بالعين الحمراء وكل الناس كل ما رحت لأحد أو شفت أحد أورسائل جوال يقولون أنت ماولدتي شكلك ولدتي ولا علمتينا :22:


عاد بعد الهذره أبي أسأل بنات الرياض اللي جربو التأمينات كيف العناية عندهم وهل لازم أراجع عند وحده معينه علشان تجي تولدني والا إذا جيتهم بوقت الولادة تجيني الدكتورة اللي أبي والا المناوبة وبس بنات الله يخليكم اللي تعرف لا تطنش :(

ويااااااااااااارب ياكريم هون علي وعلى بنات المسلمين واكفنا ما أهمنا وأجعل اللهم الولادة برداوسلاما علينا كما جعلت النار بردا وسلاما على إبراهيم وأرزقنا الذرية الكاملة الخلق والخلق بإذن الله وأجعلهم من حفظة كتابك وأجعلهم ذخرا للإسلام والمسلمين يا ذا الجلال والإكرام وأرزق كل محروم من الذريه مايتمنى يارب العااااااالمين