القمرين مشكورة على كلامك وجزاكي الله كل خير:26:

سلااااااااام يا حلوه

طيب انا عندي حل........ روحي دورة كمبيوتر او انجليزي او تجميل
روحي اي شي انتي تحبيه
اشغلي وقت فراغك........ واذا كنتي ما خلصت دراسه.....ليه ما تكملين؟

انتظر ردك واذا ما عجبوك بفكر لك في حلول ثانيه
سلااااااااااام:26:

أختي نسايم الفجر أستغلي وقتك بسماع المحاضرات وحفظ القرآن

وتذكري حديث الرسول صلى الله عليه وسلك نعمتان مغبون فيهما كثير من الناس ..الصحة والفراغ

بكرة تنشغلي وتتمني دقيقة تفضي فيها

هذا الشيطان يبغ ينكد عليك حياتك ..مع أنك الحمد لله في نعم كثيرة

أنا لما اطفش أحاول أسمع محاضرة خاصة المحاضرات إلي يكون فيها قصص ..أحسها مسلية ومفيدة ..مثل محاضرات طارق السويدان وخالد الجبير محاضراته حلوة والواحد مايمل منها

مادام عندك وقت أحفظي القرآن ولا تخلي الشيطات يضحك عليك ويقلك إنه حفظك ضعيف ..إنت لسة شابة في مقتبل العمر ..كيف إلي حفظوا القرآن وهو في الخمسن والستين ...فقط تحتاجي إلى الإرادة والعزيمة القوية

سلي نفسك بالأناشيد ومنتدى حواء لما تدخليه كأنك في جمعة ...والله يسلي الواحد

أتمنى ما أكوون ضايقتك بكلامي ..لكن صديقيني الدنيا قصيييييرة وأهل الجنة وهم في الجنة يتحسروا على دقيقة مرت عليهم ولم يطيعوا الله فيها

طيب إنت قلت إنك في المدينة (قصدك المدينة المنورة) طيب ليه ماتروحي الحرم وتقعدي فيه وتقري هناك قرآن ...يا سلام على روحانية الحرم هناك ..وفي حريم محتاجين أحد يعلمهم قرآن ..خذيلك وحدة وعلميها ..جربي وأكيد حتحسي بمنتهى السعادة

وصدقيني لو دخلت تحفيظ حيروح كل الطفش والهم إلي فيك إنت جربي بس أبدئي ..لأنه هادا الشيطان مايبغاك تبدئي
في التحفيظ مو بس حفظ قرآن ..تكوني أخوة في الله مع الفتيات إلي في التحفيظ وممكن تبدأ بينكم زيارات وصداقات ..

الكلام كثير وما أبغ أطول عليك

الله يفرج همك وييسر أمرك:26:

مساكم الله بالخير <----تفصخ عباتها جايه مدرعمه

اولا اختي نسايم الفجر اكثري من الذكر والدعاااء ان ربي يشرح لك صدرك ويهون عليك بعدك عن اهلك ويسليك بزوجك ويسليه فيك..

ثانيا..حاولي تشغلين نفسك بأي شي مفيد تسوينه تعلمي شي جديد وانتجي راح تتحسن نفسيتك ادخلي دورة ملا او من النت تعلمي شي جديد..

ثالثا..فكري انك راح تخسرين زوجك بهذي الطريقة ولما ترجعين لاهلك ماراح تتهنين فيهم لانك رجعت لاهلك وخسرتي زوجك اللي موفر لك كل اللي تتمينه ومايستاهل منك <-- لومي نفسك..لاتخلينة يدور على راحته بره المرأة الكئيبة تنفر الزوج منها

رابعا..مو انت لوحدك اللي تاركة اهلك الكثير منا ولكن صدقيني البعد في بداية الحياة له ايجابياته..وهي انك راح تتعرفون على بعض اكثر واكثر محد عندكم مالك الا الله ثم هو وهو نفس الشي ..مشاكلكم بينكم بدون معرفة او تدخل احد..وقت الفراغ لديك اكبر بدون زيارات الاهل والارتباطات العائلية ممكن تستغليه زي ماقلت قبل وانتي وشطارتك لاتضيعين هالفرصة منك..ابدعي في شي جديد او اقري زياده في شي انتي تحبينه..

خامسا..هذا الموقع فيه كتاب رائع اطبعيه والأخوات كلهم انصحهم بطباعته وقراءته على الدوام ادخلوا وانتم تعرفون
http://www.ebtihaj.co.ae/
موضروري ان الانسان اللي يقرا في الكتاب لازم يكون مصاب لا فيه ادعية وايات تحصن من العين والحسد والسحر جزا الله الشيخ اللي عامله وحطه بالمجان للناس..

سادسا..حاولي تتعرفين على ناس لو انتي في الغربة مغتربات مثلك راح تتحسن نفسيتك وتتشاركون بحاجه مفيدة تسوونها سوى وانتي بتتغيرين لما تشوفين حالهم وتقارنينه بحالك..ولكن..احسني الاختيار!!

يله نبيك تروحين تلبسين وتدقين الزين وتفاجئين زوجك بعشوة حلوة وانتي على سنقة عشره حاولي ولو مغصوبه..

يابعد عمري والله يانسايم الفجر حزنتيني والله عليك
لو انا عندك بالمدينه كان اجيك كل يوم اوسع صدرك لمين تقولين لي خلاص لاعمرك تجين مافيني شيء
اولا: مثل ماقالو الاخوات لاتقولين فيني اكتئاب بعدين ترى تعيشين هالوهم كلنا احيانا تضيق صدورنا 00يجينا ملل من كل شيء بس بالاستعانه بالله نتغلب على هالشيء ونعيش حياتنا الطبيعيه 0
ثانيا: السبب الي خلاك كذا واضح الفراغ + الوحده اول شيء تسوينه علشان تشغلين وقتك سفري الخادمه اذا كان ماعندك اطفال اوعندك طفل او طفلين تقدرين تقومين بشغل البيت 0 راح تحسين ان وقتك كله مليان
ثالثا: حتى لو ماسفرتيها لاي ظرف اشغلي وقتك : قسمي اليوم ونظميه بعض الوقت لقراءة القران والصلاة وهذا اللي راح يعينك على نفسك 00وبعض الوقت للاهتمام بنفسك وشكلك مثل وضع خلطات او كريمات او تحمم ولبس وتكشخ او00000الخ وبعض الوقت للطبخ اوالحلى مع القهوه شوفي قسم الحلويات والطبخات كل يوم سوي طبخه وبعض الوقت اطلعي انتي وزوجك لاي منتزه وغيرو جو وبعض الوقت كلمي فيه امك وخواتك سولفي معاهم اوسعي صدرك
وبعدين يوميا لاتقومين من النوم بدري قومي قبل مايجي زوجك بساعه علشان مايطول عليك الوقت
رابعا : ومهم لازم يوميا تقولين اذكار الصباح والمساء صدقين راح تعينك وتحفظك من كل شيءوفيه دعاء احفظيه وقوليه دايما: اللهم اني اعوذ بك من الهم والحزن والجبن والكسل وغلبة الدين وقهر الرجال 0
واذا تكاسلتي عن عمل هالاشياء مالك الا شيء اجباري مثل : التحاق بتحفيظ قران ماعليش حتى لو ماحفظتي كثير ماراح يجيك الا كل خير 00او دورة كمبيوتر او انجليزي 00منها راح تعبين وقتك وراح تتعرفين على بنات وتتزاورون
ودائما كثري من ذكر الله والصلاة والدعاء (واستعينو بالصبر والصلاة)
ابدي من هالحين بوضع برنامج ليومك
الله يعينك ويوسع صدرك يارب ويرجعك مثل اول واحسن ويحفظك من كل سوء

عذرا للاطاله وتراي مختصره علشان ماتملين من القراءه:27:
طمنينا عليك 00اوش سويتي :26: