من مدح نفسه يبي له ........

السلام عليكم ورحمة الله وبركاته ..

ملاحظة موضوع غريب دارج الحين االا واهو المدح ...مثلا في اجتماع عند اقاربنا اخذنا نتبادل السوالف وطبعا باعتبار شباب اهلنا يدورن عرايس هالايام كان هذا الموضوع هو الدراج في الجلسة .. فكنت ابادر فلانه والله حلوة ومشاء الله عليها شاطرة وذكية وجذي الاحظ وحدة من جيل البنت اللي اتكلم عنها تقاطتعني وتكلم ام الولد منهي؟؟ فلانه موب حلوة ولا شي صج بيضة وطويلة بس شفتي عيونها انا عيوني احلى وانا مشاء الله عليي احلى بوايد ... استغربت صراحه من طريقة كلامها اشلون تتكلم عن نفسها جذي وتمدح بهالدرجة روحها قلت يمكن غيرانه لانها كبرها ..كملنا السوالف وبعدين اكتشفت ان الكل قاعد يمدح نفسه بطريقة زايدة عن اللازوم يعني وحدة تقول بالعرس الفلاني وايد صرت حلوة وجسمي يهبل وفلانه قالت ليي واوو وفلانه قالت مادري شنوو .... ووحدة تقولي لي شوفي حنا بناتي اشرايج فيه واهو شقول لكم خرابيش قلت من نقشه قالت بنتي قلت صراحه كلش مو حلوو ليش قاصة على اليهال قالت اهوو حلوو بس اعتفس انا بنتي فنانة مشاء االله عليها استغربت ان انا الوحيدة اللي مطيحة بحظي بس والله استحي حتى اذا احد مدحني او مدح شي فيني قلت لا تجاملين لا تقصين عليي ..

اشرايكم بنات ...حلوة الانسان يمدح نفسه ؟