هاي اول مشاركة الي بالقسم ان شاء الله تعجبكم
ساويتلكم صينية سمك مممممممم بتشهي وكتير سريعة بتنفع للزنقات
خلونا ندخل على المقادير
كيلو سمك فيليه- حزمة كزبرة مفرومة - حزمة بقدونس مفروم- بصلة كبيرة مفرومة- حبة بندورة كبيرة مفرومة- نص كباية زيت قلي- ملح - بهار-كمون- وبهار السمك
الطريقة اكيد اول شي لازم نغسل السمك كويس وبعدين منضيف فوقهم كل المقادير ومنخلطهم كوس ومنتركهم ساعة تقريبا علشان يتشري التتبيلة بعدين منحطهم بالصينية او بطبق بايريكس ومش لازم نضع عليه ماء لاه بنزل ميته وبيستوي فيه- ومنغطيه بورق الالمنيوم -بعدين مندخله بالفرن حتى يستوي ومن ثم منشيل عنه ورق الالمنيوم عشان وجهه شوي يتحمر
ملاحظة تقريبا بياخد بالفرن حوالي نص ساعة
ويقدم بالف صحة وعافية
اتمنى تكون عجبتكم وصفتي بانتظار ردودكم الحلوة