من مطبخي كيكة الشطرنج بالخطوات .. والصور

تسلم الايادي

وانا بعد عندي الطبق

وكذا مره اسويها

ويطلع شكلها روعه وطعمها احلى

واللي حابه تسويها ممكن تسويها باي مقادير كيكه بيضه هي تضبطها وتقسم المقدار اللي ابيض وكاكاو

بس انا احط عليها كريمة الكاكاو وارشها فليك على الوجه تطلع لذيذه

يعطيج العافيه رقيقه

الحين بحطلكم المقادير والطريقة بالخطوات ..... توني اشوف هالجمله يعني انا داشه عرض بالموضوع هههههههههههههههههه

:cook:

المقادير:

** 3 أونصات مكعبات الشوكولا (آنا حطيت 4 مكعبات كبيرة + نص كوب السمي الحجم الصغير) الهرشي

** 4 كوب طحين

** 3 م ك بيكنج باودر

** 1 م ك ملح

** 1 كوب زبدة بما يعادل 2 قالب حجم 115 جم

** 2 كوب سكر

** 4 بيض + فانيليا

** 1 وربع كوب حليب بحرارة الغرفة ...

الطريقة :

1. نقوم بوضع المكعبات بحمام مائي حتى تذوب الشوكولا وضعيها جانبا حتى تبرد قليلا ..
2. نقوم بخلط الطحين + البيكنج باودر + الملح ونخله ووضعه جانبا..
3. نخلط الزبدة + السكر بالخلاط حتى يصبح قوامه كريمي ثم نقوم بإضافة البيض واحدة تلو الاخرى مع الفانيليا ..
4. نضيف الحليب والطحين تدريجيا ... إلى أن تختلط المكونات جميعا مع بعض .. وتكون السرعة متوسطة لمدة 30 ثانية تقريبا.
5. نقوم بتقسيم الخليط إلى قسمين (تقريبا كل قسم 3 أكواب) ... نضع على أي قسم منهم الكاكاو المذوب مسبقا .. ونخلط جيدا حتى يصبح لونه لون الشوكولا ..

والحين صار عندج خليطين واحد لون شوكولا والثاني لون أبيض على بيج تقريبا .. نستخدم القالب بالطريقة الموضحة بالصور ... علشان التسهيل ...

الحين الخطوة الاولى تحطين الخليط بالطريقة هذي



يعني القالب الاول تحطين نفس اللي بالصورة والثاني يكون مخالف اللي برة بني واللي داخل أبيض بنفس هذي الصورة



فيصير بالنهاية عندج 3 قوالب .... 1 بنفس الصورة الاولى و 2 بنفس الصورة الثانية ...

الحين تدخلينه على درجة 160 علشان يستوي على راحته وراح يصير جذي ..



وهذا الثاني

http://www.filaq.com/upload/Pictures/SHOTARANG...jpg

صباح الخير يا رقيقة

من زمااااااااااااااااان ادور هالقالب ......من كم سنة
شفت فكرتها في مجلة ما ئدتي الكويتية تعرفينها

هذا الثاني (ماطلع فوق )




االحين تاخذين الثلاث كيكات ... طبعا آنا حطيت صورة أثنين بس لآن الثالث نفس الثاني فماله داعي ...

المهم لما يبرد كلش تحطينهم فوق بعض بالطريقة هذي وبينهم الكريما اللي راح أحط مقاديرها تحت ...



يعني تحطين الاولى وفوقها كريمة وبعدين الثانية وفوقها كريمة وبعدين الثالثة .... لو تلاحظون بالصورة في الكيكة الثالثة بالقالب بعد ماطلعتها ....

الحين تزينين الكيكة على حسب ذوقج بالكريمة ... طبعا آنا ماكان عندي آداة التزيين فخليت التزيين جدا بسيط .... وراح تشوفون باجي الخطوات بالصور ..



وهذي بالنهاية بعد ماحطيت كل الكريمة عليها



وهذي بعد التقطيع



وهذي قطعة من الكيكة :




الحين نجي إلى طريقة الكريمة :

3 أونصات كاكاو مكعبات (آنا حطيت 2 جالكسي + 4 مكعبات كاكاو كبيرة الخاصة بالحلويات).
5 م ك حليب سايل
3 كوب سكر بودرة
6 م ك زبدة طرية
رشة ملح
1 م ك فانيليا

الطريقة :
يتم تذويب الشوكولا ... ثم نقوم بتسخين الحليب حتى يفور ونبعده عن الفرن، ثم نقوم بإضافة الحليب البودرة ونحرك بسرعة كي لايتكتل ونتركه يدفى قليلا .. ثم نضيف الزبدة السايحة والملح والفانيليا والشوكولا ونخلط جيدا وتستخدم...

هذي الطريقة عطيتكم إياها بحذافيرها وإنشاءالله تضبطون الكيكة هذي .... وبالعافية عليكم ..