السلام عليكم
ابي احكيلكم قصة قريبه لي مره عساها تلقى عندكم حل
طبعا هي متزوجه من 6 سنوات كانت جدا سعيده بس ما حملت الا بعد 3 سنوات << يعني خلال هالثلاث سنوات كان شغلها الشاغل هي و زوجها اه يجيهم طفل والحمد لله حملت وجاهم طفل
من بعد هالطفل تغيررررر زوجها طبعا البدايه كات مقاطع بلوتوث ولما حاسبته تطور وصار يدور بالنت بالمواقع اللي خبركم ولا حاسبته صار يدور بس من وراها <<< على فكره هو عنيد مره
المهم اكتشفت بعد كذا انه يكلم اندنوسيه <<< واللي مجننها كييييييييف تعرف عليها
طبعا ما قالتله شي لانها عارفه ان زوجها عنيد واخذت الرقم << كان مسجل الرقم بجواله باسم رجال وشككككت انه مو رجال من تكرار الاتصال
اخذت الرقم ودقت عليها اخت قريبتي ((( لان قريبتي انصدمت وانهارت)) ردت عليها الاجنبيه قالت انا خياطه قالتلها اخت قريبتي خلاص انا سمعت ان شغلكم حلو ابجيك المشغل ودلتها على اسم المشغل راحو خوات قربتي وقريبتي (( تقول بشوف هاللي فضلها زوجي علي ))) وسوو نفسهم من الهيئه دقو على زوج قريبتي تخيلو انها تسمع صوت زوجها وهو يتهزأ
وانتهت هالسالفه <<<<< ولما واجهته بعد فتره بهالسالفه انكررررر
مشتها لانها تبي تعيش وتربي اطفالها
عاد الحين لاحظت انه رجع لعادته باله دايم مشغول
اخذت مفتاحه السبير ولما راح يصلي الفجر جتها قوه خلتها تروح للسياره ولقت الجوال واخذناه وفتشناه طلع يغازل سعوديه
لقيا رسايله ورسايلها حتى صورتها مرسلتها ورسايلها تطلب منه 500 وبطاقات شحن <<< طبعا فتحنا الجوال بدون شريحه الشريحه معنا بس لها رقم سري
اقسم بالله العظيم هذي السالفه حقيقيه وما كتبناها الا علشان نلقى منكم حل واللي عندها تعليق يغث لا تكتبه واللي ما عندها تدعي لقريبتي انه يردلها زوجها ردا جميلا بهالشهر الكريم
كانت ورده مفتحه والحين ذبلت .. يابنات زوجها كان عاقل والله ما يفوته فرض بذرته طيبه بس هو تغير مكان عمله ومن تغير عمله تغيرت شخصيته .. هو هادي ويستحي من ظله ويسوي كذا ؟؟؟
فكرت بالانفصال بس الانفصال مو حل والحين هي ببيت اهلها ما قالتله شي بس طلبت تنام عند اهلها تقول مو قادره اشوفه وانا عارفه انه يخونني اخاف انفجر واخرب كل شي
تخيلو يرسلها 500 وزوجته العشره عليها بالمنه
شاركي في النقاش
سجلي الدخول لإضافة تعليق.
التعليقات
8- الله يهدي زوجها ويصلحة ويسخرة لها ويبعده عن هالطريق امين يارب العالمين..
- الله يعينها وسخر زوجها لها الخيانه صعبه اسئليني انا بس الله يهديه لها
- الله يعينها ويسخره لها ان شاء الله
ما ادري وشتسوي بس ان شاء الله البنات يفيدونكم
كان الله في عونها - مانقول الا الله يهديه وانصحيها يااختي ان الرجال كلهم كذا الامارحم ربي والله ايااختي شفت في زوجي عجايب الدنيا اشكال والوان وبعدين فكرت قلت وشوله اعور راسي عشانه انا اتزوجت ابي الستر والعيال والبيت والحمدلله حصلت عليها وهذا اللي انا ابيه والباقي والله ماهمني وزوجي وربي اخر همي اهم شي اعيش حياتي حلووه وليش اتعب نفسيتي حتى الناس بيلاحظون عليها التغير قولي لها تتوكل ع الله وتترك عنها هالخرابيط واهي بعد الله يصلحها غلطاااااااااااااااااااااااانه المفروض ماراحت تدور وراه كل الرجال وراهم مصايب ...خليها تتستغفر ربها وتعيش حياتها مع عيالها في بيتها ومهما كان ماراح يستمر زوجها ع هالحال مصيره يرجع لربه والطلاق ماهو حل ابدااااا يعني الحين لاتطلقت وشتت عيالها وتزوجت واحد اخس من زوجها تحل مشكلتها!!!!!!!!
- الله يهديه
مواضيع مشابهة
تابعي تجارب أخرى من هذا القسم.