تطبيقة لكن اهم شي الاستعانة بالله ثم الرياضة والرياضة والرياضة واهمها المشي بنات ابتعدوا عن الرياضة العنيفة لان مجرد تتركينها على يترهل جسمك يعني سوي شي انتي قادرة انك باذن الله تستمرين عليه
وهذا الموضوع بين ايديكم
السلام عليكم ورحمة الله وبركاته.....
عزيزاتي العروسات الحلويات الامورات السمينات والنحيفات والرشيقااات((هههه))
شفت ان الكثير من العرايس تكون متوتره من اي خلطه او برنامج للرجيم او للتسمين.
اهم شي هو الاصرار وتحطي براسك انتي شنو تبين شنو نتيجة تعبك؟؟؟:wink:
واهم شي يكون عندج عزم في الامور مثل الرشاقه مطلوبه لكل امرأه من الرجل((هههه شي جديد))
علي العموم حبيت اعلمك شنو جدول حياتي وشلون قادره انزل من وزني في مده بسيطه ((بس لاتسألوني شلون زدت وزني هههه))(y)
المهم الصبح بس اقعد بعد ساعه اشرب كمون\او نعناع\ ينسون\بابونج\حبه حلوه الشمر
يعني نوع واحد من هالاعشاب اشكل كل يوم علي حسب مزاجي.
رياضه مشي لمده 20 دقايق او رقص ردح هههههههه .(x)(x)
بعد ساعتين اتريق التالي..
سلطه وجبن قليل الدسم وشريحة توست
احمص التوست واقطعه مربعات صغار وقطع الجبن واضعه علي السلطه وبالعافيه
اذا جعت بسكوته مع شاي بدون سكر.
الغداء فترة الساعه 1-3 ظهرا
شريحه لحم ((عباره عن لحم همبرغر شريحه بوضعها في أناء واضافة كوب صغير((أستكانه)) من الماء علي النار الي ان تنضج))
شوربة اي نوع تفضلينه مقدار كوب
سلطه ((خضار مشكل مثلجه مقدار كوب )) او بقدونس وطماط وخيار ورشة زيت زيتون .
شريحة توست محمصه او اسمر .
عصير برتقال او تفاح او اي فاكهه تفضلينهااا مقدار نصف كوب .
بعد ساعتين رياضه مشي 20 دقيقه واذا زدتي من الوقت يكون افضل .
العصر فترة 5-6
سلطه تفضلينهااامقدار كوب ((فنتكي بالسلطات علي مزاجج بس تكون نوعين مثل ملفوف وبرتقال)) او ((تفاح و روب\زبادي خالي الدسم)) او (( أناناس و روب \زبادي خالي الدسم))
العشاء يفضل تبكرين في الوقت الفتره 7-9
شوربه مقدار نصف كوب.
شريحة توست محمصه او سمراء .
اي فاكهه برتقال \ تفاح \موزه \ كيوي \ اناناس
ما انصحك بالحم او الدجاج علي العشاء .
رياضه قبل النوم لمدة 20 دقيقه .
وقبل النوم وبعد الرياضه كوب من اي عشبه تفضلينهاا تنقعينهااا في ماء مغلي لمدة5 دقائق
العشبة(( نعناع \بابونج \كمون \حبه حلوه شمر)
بعض الملاحظات :
الشوربه تكن عباره عن خضار طازجه مسلوقه بدون اضافة دهن لهاااا بعض الملح وفلفل الاسود
وبهارات.
فترة الغداء الي تفضلينه من اللحوم نوع واحد فقط لحم\دجاج\ سمك
احرصي علي الرياضه وكل مازدتي في الوقت يكون افضل .
تلاحظون ان الحلويات غير موجوده وهي ليست ممنوعه بس قللي من تناولهااا وبين كل ثلاث ايام اكلي نوع .
شجعي نفسج واقنعي نفسج بانك الاحلااااا وكثري من مقابل المراياه((بس موتنجنين ههه))
شكلي نوعي في اكلك لا تقصبين نفسج علي اشياء محدده .
الرجيم يزيد من العصبيه علشان كذا انصحك في النعناع والبابونج والبقدونس يهدي النفس .
الرياضه كثرتهااا تغنيك عن الجوع وتخففه وتملاء المعده وتحسسك بالشبع .
ارقصي مصري هندي واللي تبين وجوبي يكون احسن
هذا موضوع خاص فيني انا ورده كويتيه واللي تنقله ......
مسموحه للأفاده لأخواتي المسلمات
وسلامتكم
ولاتنسوني بالدعاء بصلاح الحال وان الله يرفع عني البلاء ويرزقني الحياة السعيده لي ولولدي وزوجي الله يجمعه مع ولده ويسخره لما يرضاه الله .
منقول
طبعا نسقت الموضوع لكم عشان تستمتعون وهذه الطريقة اللي ببدا فيها
اهم شي القياسات خلي عندك تنورة قديمه اوبنطلون قديم وضاق عليك واستمري على النظام وشوفي شكل جسمك
لان اهم شي عندك الملابس والا الوزن انا بالنسبة لي اهم شي يجي شكلي بالملابس حلو والا الوزن ماهو مهم