قبل سنتين تقريبا كنت مهمومة مره دعيت ربي وانا أصيح واشاهق مره مضطره وتسكر كل شي بوجهي بعدها ع طول فرجلي ربي حبيبي
وسخرلي ناس مااعرفهم وقفو معي وساندوني
اه يارب ماارحمك

كل مااتذكر مواقفي بالدعاء أخجل من كرم ورحمه ربي

دايما ادعي وانا متأكده من الإجابة مافي شك او تردد لا لا خلاص اللي ابغاه يتحقق وفعلا يصير

مهم نحسن الظن بالرحيييم الملك العظيم

سبحان الله الكريم .، مين اللي وقف ع باب الله ورده خائب ؟
الله كرييييم كريييييم كربيييم فوق مانتصور ابعد من الحد اللي تستوعبه عقولنا القاصرة

ربنا مابينه وبين احد من خلقه ثأر والعياذ بالله حتى مايلبي مطالبنا
ربنا غني ذو القوة المتين
وتأملوا هالحديث تأملوووه بعقولكم وقلوبكن

((, يَا عِبَادِي, لَوْ أَنَّ أَوَّلَكُمْ وَآخِرَكُمْ وَإِنْسَكُمْ وَجِنَّكُمْ, كَانُوا عَلَى أَتْقَى قَلْبِ رَجُلٍ وَاحِدٍ مِنْكُمْ, مَا زَادَ ذَلِكَ فِي مُلْكِي شَيْئًا, يَا عِبَادِي, لَوْ أَنَّ أَوَّلَكُمْ وَآخِرَكُمْ وَإِنْسَكُمْ وَجِنَّكُمْ, كَانُوا عَلَى أَفْجَرِ قَلْبِ رَجُلٍ وَاحِدٍ, مَا نَقَصَ ذَلِكَ مِنْ مُلْكِي شَيْئًا, يَا عِبَادِي, لَوْ أَنَّ أَوَّلَكُمْ وَآخِرَكُمْ وَإِنْسَكُمْ وَجِنَّكُمْ, قَامُوا فِي صَعِيدٍ وَاحِدٍ فَسَأَلُونِي, فَأَعْطَيْتُ كُلَّ إِنْسَانٍ مَسْأَلَتَهُ, مَا نَقَصَ ذَلِكَ مِمَّا عِنْدِي, إِلَّا كَمَا يَنْقُصُ الْمِخْيَطُ إِذَا أُدْخِلَ الْبَحْرَ,))


كل الملوك والوزراء والأمراء يقفلون ابوابهم وماتدخلين عليهم بسهووووله هذا ان قدر
يوصل لهم شخص !!!
إلا باب الكريم ملك الملوك اللي كللللللل الكون قبضة يده سبحانه في اي وقت
تحتاجين تلجأين له بابه مفتووووح

ومن ادمن قرع الباب حري ان يفتح له

لاتسألن بني آدم حاجة وسل الذي ابوابه لاتحجب
الرب يغضب ان تركت سؤاله وبني آدم حين يسأل يغضب !!

المعاريض اللي نرفعها للناس وذل السؤال لو عرضت على القادر
لرأينا العجب .. فرج ونصره وعزه

والله لو لم ناخذ من الدعاء الا حلاوة المناجاة والراحه النفسيه لكفىىى


تخيلي نفسك لو قالك الملك اطلبي اللي تبين وانفذه لك وش بتسوين
وش شعورك وقتها ؟ بتخلين شي بنفسك ؟! طبعا بتطلبين كلللل اللي تبينه
وماراح تشكيييين لو 1% بمصداقيته ليش لانه الملك ولله المثل الاعلى

سبحااانه ( ملك الملوك وعد منه انه يستجيب لعبده وزوال الدنيا اهون على الله
من الا ينجز وعده جل في علاه

شوفي اولاد اي شخص غني واسأليهم هل يخشون الفقر ؟
اش بيكون جوابهم اكيد لاا

ولله المثل الأعلى .. كيف نخشى الفقر وربنا كنوز الدنيا بيديه سبحانه وامره في كن فيكون

أخواتي ،،، انطرحوا على باب الغني سبحانه وسترون عجباا

لي قصص كثثثثيره جداا عن الدعاء لي عوده بذكرها ان شاءالله

بس ابي اذكر لكم نقطه مهمه
إجابة الدعاء لا يعني رضا الله عن الشخص او هذا الشخص مجاب الدعوه
والعكس تأخير الإجابة لايعني ان الله لايستجيب وان الله غاضب على الشخص

الله يعطي كل شخص الشي اللي يصلح له ويصلحه وسواء الإجابة او تأخيرها
له حكمه عند الله

واذكر نفسي قبلكن ان من الله علينا باجابة دعوه او اي نعمه جاءتنا لابد من الشكررر
واستعمال النعم في الطاعة



ونقطه ثانية الرزق لا ينحصر في المال والولد الرزق قد يكون فتح من الله عليك
في علم او اخلاق محموده او توفيق لطاعة وهكذا ..

بعد نقطة ..
لاتطلبين من احد يدعي لك هو مب غلط ولا حراام

لكن مافيه احد يعرف حالتك ويحس بالألم اللي بداخلك قدك
اطلبي من امك تدعيلك او ابوك او اي شخص تتوسمين به الصلاح بس صدقيني
إلحاحهم بالدعاء مابيكون مثل الحاحك انت وانت صاحبة الحاجه انت المضطره
وربك مجيب المضطر

حتى وان كانت عندك ذنوب وتقولين انك مقصره بحق ربي لاتخلين للشيطان مدخل عليك

واتذكري : من ذا الذي ماساء قط ومن له الحسنى فقط

وكان عمر رضي الله عنه يقول : انا لااحمل هم الاجابة وانما احمل هم الدعاء


** ادعي دعاء محب دعاء عباده دعاء استجابه لامر الله وليس دعاء تخلص
تدعين بسرعه بسرعه بس عشان تخلصين من الدعاء وتقولين طلبت الله خلاص

ثقي بالله .. وتذكري ان الله كافيك سبحانه

ادري اني طولت بس الحين باذكرلكم قصصي مع الدعاء هي والله لاتحصى
وفضل ربي واسع اوسع من اننا نعد نعمه
صحيح اني للحين ادعي ربي يرزقني زوج صالح من 10 سنوات ولاتزوجت
والشيطان كثير يوسوس لي اعوذبالله انه خلاص راحت عليك ومن زمان تدعين
يعني ماراح تستجاب لكن ماراح ايأس من الدعاء بإذن الله

المهم اعجب قصتين حصلت لي شخصيا وكانت من المستحيلات عندي

الأولى :> ايام الكلية رسبت في ماده وحملتها طبعا واختبرتها بالإجازه الصيفيه
ورحت بعد الاختبار بكم اسبوع الكليه اسأل عن النتيجه >> طبعا قبل مايكون فيه نظام الكتروني وكذا
وتفاجأت ان الدكتورة تقولي انت راسبه للمره الثانيه وحسبت درجاتي قدااامي
وقالت لي معليش مااقدر انجحك درجتك ضعيفه مره

خرجت ورحت البيت وصليت الضحى ودعييييت من قلب تتغير النتيجه وكنت اقول
ربي قااادر ع كل شي وبرضه لزمت الاستغفار وبعد فتره دقيت ع الكنترول
هناك وسألتهم عن النتيجه طلعت ناجحه واقول للي تكلمني تأكدددي من الاسم
من النتيجه وترجع تعيد علي انت ناجحه الدرجات قدامي والحمدلله عديت

وموقف ثاني كنت مره ادرس دراسه بفلوس وكانت غاليه شوي
انا اخذت من ابوي حق كورس بس والثاني ماادري وش اللي خلاني اكذب عليه
واقوله عندي المبلغ مب محتاجه والمبلغ اصلا كبير علي وانا ماااجمع ولا ريال
ولا اني موظفه بس ماادري وقتها جاني شعور ماابي اثقل ع ابوي اكثر فكذبت هالكذبه
المهم كل يوم كنت ادعي تتيسرر ومايفصلوني وماعندي هم الا هالقروش كيف اجيبها
ومن يسلفني مبلغ ضعف راتب موظف
فلما مابقى ع مهلة الدفع الا يومين صليت الوتر ف يوم وكنت ابكي واشكي حالي
والله العظيم مااذكر اني كنت ادعي بجمل مرتبه ولاتنسيق كنت اقول كل اللي بخاطري
اشكي وابكي وآخخر دعوة قلتها وطلعت من قلللللللب ياارب اصحى ع رسالة
انه المبلغ اتدبر وربي وربي اني نمت بعد الفجر الين الساعه 10 واصحى
ع صوت المسج انه خلاص مايبغون مبلغ للكورس الثاني حسبوه ضمن الاول

شفتو كيف الله كريم ومايحتاج تأكيد هالكلام

سبحان الله اشياء كثير صح في بعضها تطول بالاستجابه بس سبحانه بعد فتره جد اعرف انها خيره حبيبي ربي يرزقنا بالاشياء بالوقت المناسب الحمدلله

مثلا دعائي بالزوج الحمدلله استجابت بعد فتره صح بس الحمدلله كرمني ربي بالزواج ماشاء الله وان شاء الله يكرمني بالذريه الصالحه

ان شاء الله اذا افتكرت موقف اكتبه