من منكم تعالجت من العين والحسد أو السحر والمس ..؟

وعليكم السلام ..
اختي حافظي على اذكار الصباح والمساء والرقيه وقراءة سورة البقرة مع الدعاء والاستغفاار

الله يشفي الجميع

^
^

جزآك اللـــه خيييييييير


واتمنى المشاركه من الجميع

مافي تحصين زي أذكاااار الصبااح والمساء بفهم

سبحان الله وبحمده....سبحاان الله العظيم

انا مادري وش كان فيني عين مادري حسد مادري كنت كل ابكي وماطلع من البيت
واذا رحت للناس بيت خالتي او للمناسبات احس بضيقه وكتمه واذا رجعت للبيت ابكي بدون سبب والله
امي واخواتي يقولون وش فيك منو ضايقك وانا والله ماحد ضايقني بس ابكي بدون سبب مع ضيقه وكتمه بصدري
واكره الناس ومالي حظ 24 ساعه دايخه وكان فيني وسواس قهري بالوضوء وتوضاء ساعه وكنت متشائمه حييل
وما انا م كويس واخاف من الشياطين والجن بس افكر فيهم واخاف انام بظلمه ...

الحين الحمد لله تشااافيت من الوسواس وصرت متقائله واحب الناس الحمدلله الحمدلله من زماان ما بكيت
وتوضا بخمس دقايق الحمدلله ....

انا اقولك وش سويت ...

سمعت خالد الجبير يقول اللي فيه هم وكدر ومهموم يصلي ركعتين ويقرا فيهم سوره البقره
عاد انا قمت وتعوذ من الشيطان واتروشت وفرشت سجادتي ومسكت المصحف وقريت سوره البقره
باول ركعه والله العظيم اقسم بالله وانا وقاعده اقرأ ذبانه (ذبابه ) تحوس فوق راسي
تروح عند اذني اليمين وززز اكشها بايدي وتروح لاذني اليسار وزززز جننتني:angry2: وانا غرفتي متاكده مافيها ذبان قبل لااقرأ
جت وانا قاعده اقرا وكملت قرايه وقفت عند جبهتي احركه بايدي وترجع مكانها وبعدين اوقفت على رموشي
وطبعاً انا قاعده اكمل قرايه والله العظيم مااكذب عليك وبعدين وقفت على خدي اليمين بعدين اليسار
وشكلها مقرفه وبعدين وقفت عند شفايفي عاد هنا ماعاد اقدر اتحمل سكرت المصحف قلت مابي اكمل قرايه
خلاص لوعت كبدي هالذبانه وبعدين قلت والله ماخلي الذبانه تنتصر علي لو ايش وكملت قرايه وكنت اعرق
كثيير بعدين وقفت عند صدري والله العظيم وانا قاعده اقرا اناظرها وتناظرني احركها بايدي وترجع مكانها
مو راضيه تتحرك وخليتها لحد ماوصلت اتبعو ماتتلو الشياطين على ملك سليمان هنا وقفت باعلى الصفحه
ماتحركت لحد ماقلبت الصفحه وكملت قرايه لحد صفحه 22 تقريبا وسجدت وقمت للركعه الثانيه وختمت سور البقره
وسجدت ودعيت ربي وسلمت وقمت ادور الذابانه نص ساعه وانا ادورها مالقيتها صليت ركعتين ودعيت ربي وقلت يارب
فكني من الذبان لاني اخااف ومااحب انام بغرفتي وفيها حشره رحت للمطبخ اكل وقلت لخواتي قصتي وراحت اختي للغرفه
قلتلتي فيه ذبانه ميته عند سريرك والله العظيم مااكذب عليك ماتت من نفسها وعند سريري وصارت كنها نقطه سوداء مع انها هي كبيره ومن يومها والوسواس راح مني وشافيت

ومره بعد كنت اقرا سوره تبارك بحفظها ولا اشوف صرصور وربي شكله غررريب اول مره اشوف زيه
مادري من وين جاء جالس يتقلب كانه بيموت والله العظيم وسوره تبارك اول 4 ايات هذي علاج للعين والحسد


واغسلت بمويه مقري فيها طبعاَ انا قريته علي المويه سوره البقره كامله وايات العين والحسد والسحر
من كتيب ياسر الدوسري اسمه ارقي نفسك واهلك بنفسك ومع شويه سدر وحسيت براحه عجيييبه
والله ماحسيت زيها من قبل وطلعتلي بعض الكدمات بجسمي وحاسه اني مرتاحه الحمدلله


ومحافظه على اذكار الصباح والمساء واذكار النوم وقيام الليل ولاستغفار والحمدلله
الحين ماااااااااااااافيني الا العافيه بس شوووويه هموم من ناحيه الدراسه بس تفرج ان شاء الله الله كريم

واي بعد قريت على زيت واتدهن منه قبل النوووم والحمد لله انام مرتاحه ولا احلم بكوابيس ولا شي
الحمدلله

والله يشافي مرضانا ومرضى المسلمين يااارب وماتشوفين شر يالغلا

.....وتقبلي مروري .....

أختي اسمحيلي بس الذبابة ما لها اي دخل في الموضوع والله أعلم انتي توسوسين وايد حاولي تذكرين الله قد ما تقدرين وتبعدين عن الوسواس يعني لو طلعتلج مرة ذبابة او اي حشرة عادي طنشي ولا تقعدين تفكرين فيها ترا هاذا غلط اختي مثل حالتج الله يشافيها .