من منكم تعمل مدربة في مركز التدريب التربوي ؟

مافي أحد يجاوبني .. أو أي أحد عنده فكرة !!!

السلام عليكم
قد سمعت عنه بلاسم ولكن ما عندي معلومات عنه
وهي على اي اساس اقترحت عليك هل عندك دورات
وبالتوفيق

عندي دورات بسيطة .. لكن هي قالت قدمي عليهم . لأنها رشحتني للإشراف ورفضت فعرضت علي هذت الوظيفة .

السلام عليكم
أهلين عزيزتي توفي (ماعليش ما عرفت أكتب اسمك بالعربي )
ترى الاشراف حفرة اذا طحتي فيها ما راح تطلعين منها
أما بالنسبة للتدريب وأنك تصيرين مدربة ترى ما يفرق كثير عن المشرفة التربوية ولا أزيدك من الشعر بيت في الرياض الآن 7 مراكز اشراف وكل مركز تا بع له مركز دورات والمدربا ت اللي في ادارة التدريب قاعدين يدورون على هالمراكز كل اسبوع في مركز يعني يتنقلون بين مراكز التدريب من شمال لجنوب وشرق وغرب ...الخ بالاضافة الى عملهم الرئيس وهو ادارة التدريب انا رشحوني وما بغيت ودي اروح لعمل مكتبي وليس ميداني يحتاج لسيارة خصوصي معاك من تطلعين من البيت الى ان ترجعين .....على العموم اذا تبغين صيري مسئوولة عن غرفة المصادر في المدرسة أو رشحي نفسك للتقويم الشامل (ترى فيه سفر وتنقل )أو روحي لشعبة الاختبارات التحصيلية أو الوسائل ..بس على فكرة ترى ذا العجز ما خلوا لنا مكان كل واحدة تروح بالمعرفة والترجي للمكان اللي تبغاه دون النظر الى قدراتها أو ماذا يمكن ان تقدم للعمل المنقولة له ..ادام الدعوى فيها حريم الله يعين .

حبيبتي ديمومه اريد ان اسئلك هل الاشراف له سلبيات ولا التدريس افضل وهل الراتب يزيد
فهميني الله يوفقكي
لاني مرشحه لاشراف التوجيه والارشاد ومتردده والمدرسه الي اداوم فيها ربع ساعه المسافه بينما الاشراف بعيد عني
وابغى تقولي وش هي غرفة المصادر
وماهو عمل مشرفة التقويم الشامل واسفه على الاطاله
واتمنى لك كل خير انتي وصاحبت الموضوع