كوبونات الراقية تسجيل الدخول

الجــازي

الجــازي @algazy_4

عضوة نشيطة

من منهم الذي على حق ؟ أتمنى أن لا تبخلوا عليهم بالنصيحة

الأسرة والمجتمع •

السلام عليكم ورحمة الله وبركاته


أخواني وأخواتي سوف اعرض عليكم مشكله حصلت بين خطيبين وأتمنى أن لا تبخلوا عليهم بالنصيحة
وان تقولوا لهم وبكل أمانة وصدق (( من منهم الذي على حق )) هل هي التي على حق أم هو الذي على حق ؟
والمشكلة واصلة معهم ألان لحد الانفصال عن بعض بعد عشرة استمرت اكثر من سنتين .. ولجل هذا أنا كتبت مشكلتهم لكم فلا تبخلوا عليهم بالنصيحة الصادقة .

المشكلة هي :
البنت مشكلتها هي الصدق والوضوح إلى ابعد درجه ابعد مما تتخيلون .. وكانت تقول حق خطيبها كل شي عن حياتها ولا عمرها حطت لها أي حدود في علاقتهم مع بعض إلى درجه أنها تعطيه بسوردات اميلاتها أو أي بسورد لها ولا كانت تخبي عليه أي شي وكانت تثق فيه ثقة عمياء .. ألين يوم من الأيام .. في هذا اليوم صار موقف هو ألي قلب حياتها ودخل الشك في قلبها من ناحيته .

الموقف ألي صار هو :
انهم كانوا شابكين ثنينتهم على الإنترنت وصارت عند البنت مشكله في اميلها فسألته هل أنت بعد عندك نفس المشكلة في الاميل مالك .. قال لها لاء قالت له هل ممكن ادخل اميلك وشوف المشكلة ألي عندي شنهي .. هنا هو رتبك وتغير وقال لها هااااااا لا فيه اميلات خايسه من الدعايات قالت له لا تخاف ما راح أشوف اميلاتك تطمن مع انه من حقي .. قال هاااااااا لا بس خليها ألين بعدين إلى بعد الصلاة ومن هذا الكلام يعني يتهرب منها .. البنت هنا قالت له اوكي مشكور خلاص أنا ما عاد ابغي بسوردك .. المهم البنت أخذت في خاطرها على خطيبها ودخل الشك في قلبها من ناحيته مع أنها عمرها ماشكت فيه ولو للاحظه وحده .. فتغيرت معاملتها معه .. وفي يوم من الأيام سألها ليش أنتي متغيرة .. فقالت له ليش أنت خايف من دخولي اميلك ؟
قال لها هذي خصوصيتي ولا لك حق فيها .. قالت له وليش أنا ماحطيت بيني وبينك أي خصوصية .. قال لها كل واحد حر وكل واحد له طبعة .. قالت له وإذا قلت لك أن دخولي اميلك راح يريح قلبي ويشيل الشك منه .. قال لها أسف سمحي لي ما قدر أخليك تدخلين اميلي مهما كان ..قالت له حتى لو قلت لك راح تخسرني لو ما أعطيتني البسورد وخليتني اطمن قلبي .. قال لها على راحتك أنتي ألي اخترتي هذا .. قال له يعني أنت ما تحبني ومستعد تضحي بي على شان بسورد .. قال لها أنا أموت فيك وأنتي كل حياتي بس مراح أعطيك البسورد حتى لو خسرتك .. والبنت أخذت فوق الشهرين وهي تحاول إنها تحل المشكلة معه بس هو متمسك برأيه وعنده افراقهم أهون من انه يعطيها البسورد ويشيل الشك من قلبها .. يعني هوالان فضل انه يخسرها ولا يعطيها بسورد الاميل تبعة .

وأنا اختصرت أشياء كثيرة من المشكلة لأني طولت عليكم .. فأرجو من الجميع الأمانة الأمانة والحق في الحكم على (( من منهم الذي على حق )) .


مع تحياتي للجميع .. وفي انتظار ردودكم

أختكم الجــازي
11
960

يلزم عليك تسجيل الدخول أولًا لكتابة تعليق.

تسجيل دخول

دلوعة جده
دلوعة جده •
المشكله ماتستاهل هي بس غيوره حبيتين

ناس كثير كذا انا مثلا ماحب احد يفتح ايميلي مع انه الحمد لله مافيه شي مو زين بس انا اعتبره شي من خصوصياتي

ومدام انه طيب ماشافت منه الا كل خير لاتخلي موضوع تافه مثل هذا يعكر عليها لان الشخص الغير سوي يبان حتى لو مافتحتي ايميله خليها بس تدعي ربها ومايصير الا كل خير
الشـــــوق
الشـــــوق •
يا اللللللللللللللللللله

يا ربي تنهدم سنتين من العشره بسبب موضوع تافه جذي

هذيلا اذا جالهم عيال شبيسوون هههههههههاي

انا اقول خل تعوذ من الشيطان ..الرجال ما يحب ينجبر على شي واذا اهي اخذت العناد مبدأ لها في حياتها اهي الخسرانه واذا اهو يحبها لا تخسر هالحب ... الرياجيل دايما تكون بينهم سوالف خاصه وايميلات ما يبون احد يطلع عليها .. مو مثلنا

انا من رايي تهدي الامور وتطوي هالصفحه وتتناساها ..

والرجال رجال مهما تطور الوقت!!
ياسمينة
ياسمينة •
اذا على الرسايل .. هو ممكن يمسحهم بكل بساطة .. بس اتوقع هو خايف تدخل عالمسنجر ...

شكل الرجال عنده اسرار .... بصراحة معاها حق تخاف
أم الكتاكيت
أم الكتاكيت •
انا لو مكانها اخاف ...بس مااتوقع اوصلها للإنفصال ..وابطل اقوله على اسراري
واشوف ايش تكون ردة فعله .

الله يصلح مابينهم ويوفقهم الى مافيه خير لهما .


:26: :26:
][§][-~المتغـلية ~-][§][
][§][-~المتغـلية ~-][§][ •



الان خلاص هي قالت له لا وبعد خيرته بينها وبين باسورد ايميله وهذا الغلط لانها كذا تدرجه وتعلمه انه يستهتر فيها ونها تهون عليه وهذا شي مو طيب

فالان وقت التعديل فقط
مثل انها تحاول تسوي نفسها نست الموضوع وباسلوب ضحك وشيطنه تقوله انا ابي اقلدك في كل شي ابي اصير مرايتك ومن ضمن الكلام تقول صحيح ترا غيرت باسوردات ايميلي وماراح اقولك عنها ابدا وتضحك وتخليه يحس شوي بلي حست فيه ومنها يحس انها ما هتمت كثير ون كلامها قبل وقت عصبيه وبس وترجع تعامله عاادي مثل اول

والذكيه ماتخرب حياتها وتخسر زوجها علشان اشياء تافهه ممكن تنتهي مع الوقت حتى لو كانت علاقات ماسنجر او مكالمات تسليه مع بنات الحرام الله يكفينا شرهم ,, لان الزوج يدور يدور وبيرجع لزوجته المحبه الصابره الي تستحمله وتحبه بكل ميزاته وعيوبه وغيرها الي يتسلى معهم ان كان مسنجر او تلفون مجرد تسليه وفيه نظره ونظر كل الشباب انهم بنات مو متربيات ومو ثقه ورخيصات اصلا ومثل ما هو له علاقه فيها كل الشباب لهم علاقه فيها عادي يعني الله لا يبلانا

وبالتوفيق :26:

..

.