من موظفة و هي توها عروس جديدة؟؟؟؟

كانت بدايتي زيك والأمر بدون أطفال سهل جدا الغسيل حدديه مرة في الأسبوع وبعده يوم الكوي

والباقي أسهل من شرب الماء بإذن الله

و بالنسبة لغسل الصحون اتركيه لل dish washer مريحة و كل شيء يدخل فيها ما عدا القدور..

و الله يوفقنا وياك يا قمر....
:27:

أخت أخوها,saudi girl
مشكورات ...على الرد

بس يا اخواتي ياليت تشرحون بالتفصيل يعني اهتمامك بنفسك متى يكون؟؟؟وانتي موظفة
وكيف تطبخين...وكيف يكون اهتمامك بزوجك....؟؟؟؟؟

السلام عليكم ورحمه الله وبركاته
الله يوفقك اختي ويسعدك يارب ويرزقك بالذريه الصالحه

اختي انا راح اعطيك تجربتي وان شاء الله تنفعك
شوفي حبيبتي انا دوامي طويل شوي من الساعه 7 وحتى الساعه 3 تقريبا
ومع ذلك كنت مهتمه في نفسي كثير والحمد لله
اذا رحتي للدوام خذي معك علبه مكياجك اليوميه وقبل ما تطلعين من الدوام حطي مكياج خفيف علشان اول ما تدخلين البيت يكون شكلك مرتب مهوب تدخلين عليه تروعينه
وبعدين على طول ادخلي غيري لبسك والبسي لبس بيت يعني مو لبس نوم ( قميص وغيره) لا البسي مثلا تنوره قصيره مع قميص ناعم او بنطلون عاد اللى تحبين بس لازم يكون يفرق عن لبس الليل
انا كنت اسوي الغداء من الليل واذا رجعت احميه واكمل الناقص فاول ما ادخل البيت على طول اطلع القدر واحطه على النار واروح البس
بعد كذا اجلسي مع زوجك وسلوفي معه لين يجي وقت الغداء وما راح ياخذ وقت طويل لان اغلبه مصلحته في الليل
واذا جاء الليل روحي غيري لبسك والبسي لبس النوم وارجعي عيدي على مكياجك بس زي ماقلت لك خليه خفيف وناعم

وبالنسبه لغسيل الثياب والكوي لا تخافين ما راح يتعبك لانكم كبار وماراح يكون كثير خليه مره او مرتين في الاسبوع
وغسيل المواعين غسلي او ما تخلصين الغداء علشان ما يتراكم عليك

ونصيحه اختي خليك في البدايه مهتمه في نظافه البيت وفيه كثير مثلا خليه يشوفك تنظفين البيت من وقت للثاني بس ما تكونين مبهذله لان الرجال يحبون الوحده تكون مهتمه في البيت وفي نفسها
وبعدين انتي اللى طلعي له ثيابه وعلقيه له
لاتخافين مو دايم بس في البدايه وعلى قولت القايل تمسكني حتى ما تتمكنين لانه صدقين اول ما يشوف اهتمامك راح يحترمك
في البدايه راح يكون صعب بس معليش تحملى فتره انا بصراحه استمريت على هذي الحاله اكثر من 9 شهور ويمكن سنه وبغدين الحين طناش بس خلاص ما عاد يفرق لاني كونت فكره حلوه عن نفسي في البدايه

ونصيحه لاتجيبين شغاله لانها راح تحبس حريتك كثير وتضايقك

وعلى فكره اختي لاتحسبيني متعوده على الشغل في بيت اهلى بلعكس كنت مره مدلعه وعمري ما سويت شي علشان كذا خليت المساله زي التحدي لنفسي وحاولت اثبت اني قدها وخصوصا ان زوجي كان شاك في قدرتي بس الحمد لله قدرت اثبت نفسي

والله يكون معك ويوفقك
واذا كنتي محتاجه شي اسالى ولا يهمك اي شي انا في الخدمه
:24:

بمناسبة عمل المرأة
حبيت اسالكم سؤال....انا مخلصة دراسة من سنة ونصف ومخطوبة الحمد لله...لكن لسة وقت طويل بعض الشئ ان شاءالله علي الزفاف
وخطيبي مانعني اني اعمل لانه يغير جداااا ولا يريدني ان احتك برجال وشباب...وبصراحة جربت اعمل مرتين بس لم ارتح وفضلت الانسحاب
لكني الان اشعر بملل قااااااااااااتل....لا اعرف كيف استثمر وقتي
الحمد لله اساعد والدتي واحاول اتعلم شغل المطبخ
ومحددة لي وقت يوميا لقراءة القران والحمد لله
لكني مازلت حاسة بملل مش عارفة هل انا غلطانة اني طاوعته لانه في الحقيقة طيب معايا لكن دي نقطة خلاف كبيرة بينا
هل تنازلت عن حقي فعلا؟؟؟؟ام اني تصرفت صح لانه دايما يقولي اتركي التعب والشقي لي وانت تأمريني وبيحرجني باسلوبه
حيرااااااااااااااانة.....وملاااااااااااااااااااااااااانة