زواج الاقارب او غير الاقارب له سلبيات وله ايجابيات
زواج الاقارب
ايجابيات 》》》فرحكم وترحكم واحد
عزايمكم ومناسباتكم مع بعض
تعرفين رجلك وطبعه وطبع اهله على حقيقته وتعرفين تفكيرهم وممكن يكون اقرب لتفكيرك وعاداتك
اكثر فرصه لصلة رحم بين خوالك واعمامك
سلبياته 》》》
يعرفون تاريخ العايله ويعرفون عيوبك وعيوب اهلك ويعيرونك بها
تقليل من قيمتك عارفين البير وغطاه
وممكن تصفيه حسابات قديمه ترجع لتاريخ الاول للعايله
ان صارت تفرقه تشتت الحموله كلها حقد كراهيه
وقطيعة رحم
محصوره على مجتمع واحد بعاداته وتقاليده ماتعرفين المجتمع الاخر لانك ماتخالطتي معهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،
زواج البعيدين
ايجابيات》》
احترام اكثر لك ولاهلك ويحبون يطلعون بصوره زينه قدامكم ولايعرفون عيوبكم
تاخذين حقوقك كامله ولك هيبتك
مجال اوسع لتعايش مع مجتمعين مجتمع اهل زوجك وحمولته وجماعتك يعني تعرفين العالم اكثر
سلبيات
ماتروحين لمناسبات حمولتك الا نادرا بحكم زوجك ماحضر لانه مايعرفهم
مناسباتكم مو وحده
عادات وتقاليد مو زي بعض ممكن يصير تنافر بسبب التصادم ذا
ممكن ان الزوج له عيوب وتاريخ وجماعته مايزوجونه وتنغشين فيه
اخيرا فيه اشياء فرعيه بس اتكلم يشكل عام باشيا واضحه بكل الحالات حتى اكون منصفه
السفر والدلع ماتعلق بسلبيات او ايجابيات البعيد او القريب لك تعلق بتفكير الشخص نفسه قريب او بعيد عنك
البيئه مالها دخل الشخص قريب او بعيد لان ممكن تاخذين واحد من نفس بيئتك بس مو قريب لك
او قريب مو نفس بيئتك

انا اخذت من اقاربي وندمت مره

كل شي مكتوب وكله نصيب وخير من رب العالمين انا ماكنت ابغى اتزوج من اقاربي وتزوجت وذحين طالبه الطلاق ،، بس تعلمت انه ماله علاقه قريب او بعيد هوا على حسب اخلاق الزوج وتربيته وخوفه من الله وفي النهاية لنا العوض ان شاء الله

يقولوا ماتتزوج الغريب الا الشينه لان الحلوه يتسابقون عليها اقاربها

هذا الكلام الي سمعته من اهل زوجي بس على الجمال لو ان فيك خير كان خذوك جماعتك ماخذتي ولدنا والله خطبني كثير بس هو نصيبي