من نفسي

عنجد من نفسي

من كثر ما شفت قصص ولادة حلوة حبيت اكتب لكم قصة ولادتي يلي صارت بتاريخ 26/11/ 2005 طبعا انا كان اخر موعد الي 25/11/2005 بس بتاريخ 26 حسيت مافي حركة رحت علشان اعمل تخطيط للبيبي قالوا لي متوفي ... ولازم نعمل عملية علشان ما يصيرلي تسمم ... طبعا صرت ابكي واصيح واحكي يارب يارب .... طبعا دكتورتي كانت مسافرة واجت دكتورة بديلة ... وقالت انا ما بدي اتسرع وأولك قيصرية رح اعطيك طلق صناعي ومنهون لبكرة الصبح اذا ما توسعت بعملك قيصرية وامي عندي كانت تدعيلي .... واحطولي طلق صناعي من هون وبلش الوجع وصرت اخلي امي ومرت عمي يقرأولي سورة الزلزلة على بطني ولما يشيلوا ايدهم اموت من الوجع .... والدكتورة روحت كانت الساعة 2 الظهر ...... واصرح واصرح امي نادت الممرضة قالت لها البنت كثير بتتوجع .... المهم زادوا نسبة الطلق شوي قال شو ما عندك توسع ولى سانتي ... وزادت الجرعة من هون والله لا يوريكم ... حسيت اشي انكب علي من تحت دم فظيع نادوا الممرضة كشفت علي من تحت ولا بتقول ولادة بس شو دكتورة بديلة روحت والساعة كانت 9 بالليل تخيلوا من 2 الى 9 وانا بفكر حالي بحلم .... المهم بعد ما نزل الدم احسيت اشي منزل من تحت وهو راس البيبي والدكتورة مش هون حسيت انو في اشي لام ادفعوا ... والممرضات حولي يقولولي ضمي رجليك ما في دكتورة هلأ وانا مو قادرة الدفع غصب عني ادفع وهم يضمولي رجلي لحين اجت الدكتورة على السريع ولدتي ولدتني وهي بتقول يا حرام شو الحبل السري كيف ملفوف عليه خانقه خنق سمعت هالكلمة ما قدر قلتلها مشان الله وريني اياه ورتني اياه ثاوني كان ما شاء الله مثل القمر ... الحمد لله الله ما كاتب يعيش ..... عند كانت من نفسي اكتب لكم قصة ولادتي من زمان ... طبعا امي قرات لي سورة ياسين وتدعيلي علشان ما اعمل قيصرية والحمد لله الله هونها الف حمد وشكر لك يارب
قل لن يصيبنا الا ما كتب الله لنا

الحمد لله على كل حال ...... الله يطعمني صبيان وبنات ة بجاه سيدنا محمد يطعمني صبي ويعوض علي بدل الي راح