من نفس عن مسلم كربة نفس الله عنه كربة يوم القيامة<<< معدل

من منطلق حديث النبي صلى الله عليه وسلم:(من نفس عن مسلم كربة نفس الله عنه كربة من كرب يوم القيامة)
ياخواتي أنا أدري كلامي ماراح يكون مقبول من
الجميع بس الموضوع مالي يد فيه أبداً00
زوجني الوالد الله يمد في عمره على طاعته
من انسان كل المواصفات فيه بس أنا ياأخواتي
مالي ميل للرجال يعني أحس اني غنية عنهم
((أظن فهمتوني))
حاولوا أهلي فيني وشفت في عيونهم رغبة في زواجي
لأن كل ماتقدم شخص رفضته وتعذرت بأي عذر
وفي هذاك الوقت كنت موظفة ومبسوطة من عملي
والزواج مايخطر على بالي
والموظفات اللي معي حاولوا يعرفون سبب رفضي
ومن طبعي كتومة ولا أحب أفضفض لأحد مهما كان
المهم صليت استخارة كالعادة ولا شفت أي رغبة
أمي حياتي جلست تقنع وتقنع000
وأنا😢
وافقت أخيرا بس شرطت شرط قوي
لأني ماابي اتسبب في تعاسة غيري قلت لازم اعرف زوجته الأولى موافقة أو لا
خصوصا مافيه شي يستدعي زواجه من ثانية
قال هي موافقه بالعكس هي تدور لي بعد!!
وجاب معه أثناء الخطبة الرسمية ولده اللي في
أول متوسط وهو أكبرهم00
وقصده يعني عندها خبر00
ولله الحمد أنا إنسانه مسالمة لأبعد حد ويوم شفت ولده ارتحت جدا
تزوجنا بس كنت باردة لأبعد حد 
كنت أحاول أسعده أما أنا مثل ماقلت ماعندي رغبة
نهاااائي
الله خلقني كذا!!!
ماكنت أقصر معه بشي 
واجباتي اقوم فيها على اكمل وجه
كان مبسوط مني 
وعياله اشوفهم بشكل يومي تقريباً
اعاملهم فوق ماتتصورون00
حملت وجبت بنتي ومن بعد ماجت
تغير
صار ماينام في بيته
عرفت بعدين انه خايف على مشاعر زوجته
لانها تغيرت عليه ولا يبي يخسرها
وصبرت عليه قرابة سنتين
وأنا والله الذي لاإله الا هو ماسألته ليش تنام برا
مو ضععف فيني لاااا
بس مابي اكون سبب في تفرقتهم
خاصة ماتفرق معي ينام عندي أو عندها بس كان نفسي يعطيني خبر
عشان أحس بمكانتي بس
تطور الوضع000
صار يجيب طلبات البيت 
يجلس يتقهوا ويسولف ويضحك
بعدين يطلع ولا أشوفه الا اليوم الثاني!!
يعني مشغغغغول ماعنده وقت!
وانا والله عاذرته عياله أولى مني هم في حاجته
بس أغلب وقتي فراااااغ
تمنيت اني ماتركت وظيفتي000
المضحك والمبكي في نفس الوقت صرح لي انه بيتزوج الثالثة000
عرفت الطيبة في هالزمن ماتنفع أبدا
وشلون يضيف وحدة وهو مشغوول أصلا
والله حرام يتزوج ثانية وشلون ثالثة
ياأخوات وشلون أتصرف الحين
أفكر اروح لأهلي هذا انسان معد صرت أستأمنه حتى على نفسي
ماصدق أطلع من نفاسي الثاني عشان يسمعني الخبر الحلو!!!
ماالحلللل